如果話要係乃木坂46揀一個做老婆，我一定毫不猶豫揀白石麻衣
如果話要係濟州島只能揀一個地方去，我一定會話「去牛島啦!」
牛島(우도)，四處都是琉璃藍海、奇岩石窟，每一轉每一角都影相影唔停，打卡到手軟，可以話係將整個濟州島風景濃縮集中埋一齊，係一個集合美麗既地方裡最美麗既存在! 係我既麻衣ar~~
得啦唔好發癲~ 廢話少講，開始我既牛島遊記啦!
=======================================
請大家Follow我Instagram啦~
[instagram-feed feed=1]
=====================================
Day3.1行程+文章概要:
牛島資料
前往牛島交通
牛島上的交通
漢拿山炒飯
西濱白沙
指頭青沙
東岸鯨窟
1. 牛島資料
牛島是位於濟州島東部的一個離岸小島，面積約6.18km²，大約細過油尖旺區少少啦
是新生代第四紀更新世時期火山運動形成的火山島，因形似臥牛而得名，約1698年開始在此興辦國有牧場而有人居住，2008年被指定為牛島海洋道立公園。現時住左約1900人~
簡單嚟講就係濟州島既長洲，假期時遊客多過本地居民啦~
以上資料由王維基提供~
https://zh.m.wikipedia.org/zh-hk/%E7%89%9B%E5%B2%9B
2. 前往牛島交通
由市中心去牛島，可以於濟州島公共巴士總站坐111 or 112號巴士至總站，全程約兩個半小時，落車再行約5-10分鐘便可到牛島碼頭
當然都可以自駕啦，碼頭附近泊車位非常多，唔使擔心~
牛島船飛來回售價約KWD10000 ~ $56，的確唔算貴，但船期非常飄fxck
Even係官網上寫明最update既時間，仍然可以同現場售票阿姐叫我影低既唔同
果然係韓國一貫令人講粗口既交通style ar
另一麻煩位係要填申報表
試諗下你去長洲都要填表會有幾煩
再諗下架船仲有5分鐘就開，仲要你慢慢填好張表先上得船會有幾麻煩!
再再諗下架船仲有5分鐘就開，仲要你慢慢填好張表，填完仲比賣飛阿姐彈表話唔可以一人一張表，同行人必須填哂係同一張表先肯賣飛比你上得船會有幾x麻煩!!!
綜合以上各項，去牛島都係游水過去啦!
反正咁鬼近10分鐘左右船程ja ma~
船上又大風又凍，游下水熱下個身開心好多~
3. 牛島上的交通
睇上面既相都見到，其實可以成架私家車衝上船去牛島自駕的，不過我個人就唔係太建議了
一來牛島路窄人多，馬路上幾乎都係假日車神，你要避要閃可能仲慢過踩單車
二來一場嚟到，當然要享受下駕駛另類車輛環島的樂趣啦~
一出碼頭轉右已有數間租車店~
牛島表面上有3-4種車比大家選擇，但實際上無咩得揀
有型既哈利式電單車及包覆式電單車都禁止韓國人以外租用，唔係歧視，只係以前太多意外，出左事遊客可以拍拍蘿友走佬，韓國本地人起碼知你地址報仇都易d
退而求其次，大尾督4人車咁既電單車只要有國際車牌都可以租~
鬼叫我懶去長沙灣排隊，於是剩下最後的選擇就只有電動單車了
其實電動單車都無咩唔好，一來易上手，二來價錢唔貴，KWD 15000 ~ $84 可以踩到17:00
而更加估唔到既係，電動單車係可以快過架私家車ga~
+++++++++++++++++++++
- 相關文章 :【北陸之行8】用電動單車逍遙於琵琶湖吧!
+++++++++++++++++++++
4. 漢拿山炒飯
出發前可以食Lunch先~
牛島名物「漢拿山炒飯」可以係碼頭向右行5分鐘可達的「風園풍원」食到~
大鄉里既我想齋叫炒飯，點知原來係必須先叫辣炒魷魚／豬肉，再將食剩既料做成鑊燶先再炒飯，無得剩要BB唔要媽媽
另外，此漢拿山炒飯在專人製作時會講故仔講歷史講耶穌，所以人手不足時even有位都唔會比你入座，而入座時會問定妳國籍，ensure個語言你會聽得明
但我一講「香港」就搵左位中國大陸籍侍應全程普通話，其實講英文我會聽得明多少少的
至於味道，又魷魚又蛋又芝士，無唔好味既可能啦~
反而佢成個做法幾有趣趣，返到香港忍唔住買塊鐵板複製左次，好味!
不過注意呢餐飯起碼食一粒鐘，趕時間去玩既朋友要有心理準備
5. 西濱白沙
講左咁耐，終於正式開始我既牛島環島之旅了!
但由於我尋晚係汗蒸幕爆哂汗休息時冷親，今朝病病地訓晏左少少(其實都只係9點幾醒)，加上兩個半鐘巴士、等船開船、食野租車，我終於攪到成2點先正式遊覽，而我係打算坐4點班船返去本島，因為想上城山日出峰睇5點9既日落ga…….
即係話我大約只得粒幾鐘玩牛島，超勁趕時間!!!!!!
為左係有限既時間內睇到最多既風景，我無視租單車肥仔哥「順時針好踩d安全d」既建議，包拗頸係都要逆時針環島，因為我要高速到達第一景點 —- 人稱「白沙海灘」的珊瑚海邊呀~
但只係短短踩左3分鐘既「紅藻團塊海濱」已經靚到不得了! 忍唔住落去影到夠呀!
向前踩多5分鐘已經見到第一站「西濱白沙」的純白色海灘~
清藍玻璃水+白色珊瑚粉造成的海灘，簡直好似地中海咁靚呀!!!!
+++++++++++++++++++++
+++++++++++++++++++++
沙係白色既，水係超清既，美女係無既…….. 氣溫都係10度je，我既比堅尼女郎呢?????
唉無靚女睇，唯有set個腳架影下相啦~
如果唔係趕時間，我買支啤酒可以係度坐全日呢!
6. 指頭青沙
離開白沙灘，繼續逆時針向下一目的地「指頭青沙」前進~
基本上海邊沿路任何地方都可以影相影到夠，沿岸更有不少精緻café，有時間坐低hea一hea飲杯野都係樂事~
逆時針沿海邊踩最終會到達涼亭，遠望就係「指頭青沙」~
遠處就係指頭青沙~
個人覺得「指頭青沙」最靚都係上山~
回到前一個十字路口，一路靠左至終點，放低架車就沿路就可以行上山~
時值芒草蘆葦季節，沿小步道輕鬆散步，與海岸線雙影成趣，真係一樂也~
7. 東岸鯨窟
原本預定坐4點船返濟州本島，但牛島實在太靚啦!
終於決定犧牲下一段行程，係牛島玩多一個鐘坐5點船走，咁先有時間飛車去「黑沙海岸」暨「東岸鯨窟」
詳細路線睇kakao map啦好準的，而且沿路都有路牌指示，咁當然係只得韓文啦~
約10分鐘來到「黑沙海岸」~
其實咪就係一個澳門黑沙環咁既海灘，次不過呢度乾淨d咁解，反而岸盡處的「東岸鯨窟」天然石貌幾唔錯~
睇相仲可以行入鯨窟的洞內tim，不過一來潮漲，二來無時間，三來對腳仲係痛，一d落去既意欲都無
都係係樓梯影張相算了
但「東岸鯨窟」的重點不在呢個黑蚊蚊好似好污槽既沙灘，而在一眾崖邊小café非常好打卡!
各種色彩繽紛的木製小椅本已趣緻可愛，加「東岸鯨窟」做背景，再出埋藍天與陽光，d相好難唔靚ga wor!
一場嚟到，點都要望住呢個靚view嘆杯牛島名物「花生軟雪榚」ge~
花生味超濃超濃，仲有脆口花生粒~ 勁好味!!!
就算有肚痛既風險都唔理lu~
因為呢杯無可抗拒既雪榚，我spend埋最後既時間係度，望下錶4點半，要快d趕返碼頭還車走人啦!!
但我都仲唔識死，趕時間都要邊踩邊停邊影相…….
風馳電掣廿分鐘，總算趕得切還車衝上船!
根據呢幾日我對韓國交通既認知，毫不驚訝地呢首5點船係未滿下16:57就開船走人
看著遠處那些全力9秒9卻送船尾既人，我地唯有揮手送上敬意啦 ~
寫左咁多，牛島其實仍未玩哂，起碼仲有大半個仲未發掘!
如果想玩耐d既，建議真係早d出發or係牛島過一晚啦~
至於我，呢個濟州島最美的地方，一定會再來!
=======================================
請大家Follow我Instagram啦~
[instagram-feed feed=1]
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
- 【泰國】【芭堤雅】誤入邪骨!? 芭堤雅色情行業真相!
- 【歐洲】人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
- 【台北】誤闖台灣三溫暖，內裡竟然係……嚇死人咩！
- 【格魯吉亞】最慘的4小時! 格魯吉亞地獄小巴之旅!
- 【波蘭】在納粹集中營，我竟聽到了……一世難忘的恐怖回憶!
- 【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)
=================================
- 相關篇章 :
韓國釜山 :
韓國濟州島 :
《Day2.1 – 東門市場的遺憾︱豬肉湯麵+海鮮飯卷推薦》
《Day2.2 – 龍頭岩海水汗蒸幕︱最強黑毛豬餐廳「石窟黑豚」》
日本富山、石川、琵琶湖 :
日本和歌山、白浜 ：
東京雜記 ：
日本美食系列 ：
京都紅葉系列 ：
《1 – 京都紅葉隧道此生必去︱貴船神社、琉璃光院︱叡山電車紅葉路線介紹》
================================
Email : funggarcia@gmail.com
www.facebook.com/Garcia.in.Germany
文章同時刊於以下平台，請各位多多支持呀!!!!!!!!!!!!!