寫過幾百篇Blog，都無一個景點我會話「此生必去」，因為呢個字水份太多，太過content farm啦!
就算係京都既紅葉景點都十幾廿個，點解會係必去先?
但京都既紅葉隧道，係唯一我真真正正覺得一生人一定要睇一次，讓自己進入一次美得不像人世的夢幻國度
而本篇會同時介紹埋我當日到訪，於附近同樣以叡山電車為交通的紅葉熱點「貴船神社」及「琉璃光院」
希望幫到各位磨半擦掌準備去日本賞紅葉既朋友啦~
(本篇的到訪時間為2019年11月尾，如果2022年有咩唔同左，還望IG inbox話聲比小弟先知ar~)
(此系列早在3年前就已經要寫，點會知要等咁耐先有得再去日本ga……)
=====================================
開始之前，請大家Follow我Instagram啦~ Thank you!
=====================================
內容概要:
交通 – 叡山電車
琉璃光院 /八瀨比叡山口
紅葉隧道
貴船神社
1. 交通 – 叡山電車
本篇所介紹的紅葉景點都係乘坐「叡山電車」到達的
要乘坐叡山電車，最方便係「京都河原町」站落車後，行幾步路去「祇園四条」站於乘坐京阪本線，至「出町柳」站行幾步就搵到
幾乎個個去得出「出町柳」都係坐叡山電車ga la，跟住人行就得~
(於出町柳或京都好多車站都可以見到呢張圖，話妳知而家各處紅葉的狀態，非常有用!)
車費方面，請睇下方果張圖~
簡單嚟講就係假如妳要去完位於「八瀨比叡山口站」的琉璃光院，再去睇紅葉隧道上貴船神社再回程的話，只需1130 yen，係無需要買1200 yen既任坐pass的~
不過都係差果70yen，我自己就買左pass令行程彈性大d了~
另外注意叡山電車係不能使用JR Pass的~ 詳情可睇官網: https://eizandensha.co.jp/
2. 琉璃光院 ／八瀨比叡山口
第一站先來到八瀨比叡山口站，一出車站已經見到小橋流水襯紅葉，景觀十分雅致~
如果唔係天陰一定仲正!
嚟八瀨比叡山口，當然係為左參觀世界聞名既琉璃光院啦~
呢度咁出名咪因為呢d相law~
琉璃光院官網圖片
又真係好正wor~ 再睇下條人龍—–仲正wor!!
需注意人龍係分為排隊買飛既人龍and排隊入場ge人龍!
即係就算有飛就排入去，有無咁誇張呀?????
正當諗住「一場嚟到點都排一陣入去啦」既時候——–
士多啤梨蘋果橙你呀…………
點解我要舟車勞頓過嚟呢個入唔到場既深山野外……
而當時只係下晝3點鐘，而其實當日我係朝早8點鐘已經係白浜出發趕過嚟ga la…….
可以點呀，咪夾硬擠個笑容出嚟，係門口影張相當去左law!
入唔到琉璃光院都無計ga，不幸中之大幸係附近的「八瀨 紅葉小徑」風景尚算不俗~
而且人流唔多，慢慢影相無咩人理妳~
===============
- 琉璃光院官網 : https://rurikoin.komyoji.com/lp/cn/
===============
3. 紅葉隧道
離開比叡山口，係時候前往今次行程重點「紅葉隧道」了!
首先返到夜左變得好靚既「八瀨比叡山口站」，坐返去「宝ヶ池」轉車向「鞍馬」方向
所謂「紅葉隧道」係指叡山鐵路由x二次瀨一段，列車介時會熄燈減速，緩緩穿過鐵道兩旁的紅葉群，短短1分鐘，卻如置身紅海之中，正在通往神秘而美麗的異世界~
我知講太多都無用ga啦，有片有真相，嚟啦!
(記得CLS同禁鐘仔ar~)
就算已經係3年前既事，就算條片拍我唔好，但我每次翻睇都仍有夢幻迷醉之感，真真正正美得驚呆了十萬人啊!
不過講真，要睇唔難，要搵個好位拍片就難了!
就算好似我呢d完全唔知醜，排隊等上車時已經棟實係最前方既傻佬，仍然會有更多更唔知醜，一上車就塞住個門口既蛋散，又或上車時夾硬推開你既粉腸，死迫爛迫，為既就係車頭果塊玻璃可以拍到最靚既片!
而我上面呢條片，拍果陣只係篤完rec掣後單手住囉部機攝入兩個男人既格啦底，鏡頭貼實塊玻璃等佢自己拍我乜Q都睇唔到，咁大家明白點解條片個對位咁奇怪啦…..
不過又咁講，就算第一次miss左，大家仲有回程車呢個2nd chance ga ma~
仲係拍唔到既，可以用妳個任坐pass再無限輪迴ga ma~
但計我話與與其拍片拍得咁辛苦，不如靜靜地享受下眼前美景好過啦~
(呢個係少人既狀態)
4. 貴船神社
睇完紅隧後下個站就來到非常多人既「貴船口站」，隨著人潮迫上巴士，落車再行十零分鐘，好快就會來到大名頂頂既貴船神社!
貴船神社既頂頂大名，除因網上一張張靚到令人窒息的美照外，更大部份係一個個嚇到人hihi的鬼故……..
貴船神社係日本著名既靈異場所嚟ga……..妳睇下妳後面………….
後面咪鬼火咁靚law~
話之佢啦，條街一百幾廿萬人係度，貞子都返個井訓陣先啦，放心慢慢enjoy啦~
晚上的神社本身就給人詭異的感覺，但在紅葉燈影襯托下，反而有種妖艷的邪異美，令人忍不住駐足欣賞難以離開~
我想這才是他最恐怖的地方………. 過左尾班巴士要行落山ga!
今次就介紹左叡山鐵路最有名的紅葉欣賞場所~
雖然入唔到琉璃光院有d可惜，不過只係個紅葉隧道就已經殺哂啦，何況仲有貴船神社同比叡山口的八瀨‧紅葉小徑呢~
仲有就係影紅葉好多時都要陽光普照，但我今次介紹既呢幾個地方都係無影響ga!
所以如果有機會嚟京都睇紅葉卻遇上天氣不佳或遲到天黑，不妨諗下坐叡山鐵路呀!
下回再介紹另一個京都紅葉場地~
同場加映 —— 回程時有間茶屋有最後一份燒團子~
近零度既深山中行左成日，加埋杯熱茶真係一流~
同埋「貴船口駅」棵紅葉樹超靚呀!
貴船口駅
=======================================
請大家Follow我Instagram啦~
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
- 【泰國】【芭堤雅】誤入邪骨!? 芭堤雅色情行業真相!
- 【歐洲】人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
- 【台北】誤闖台灣三溫暖，內裡竟然係……嚇死人咩！
- 【格魯吉亞】最慘的4小時! 格魯吉亞地獄小巴之旅!
- 【波蘭】在納粹集中營，我竟聽到了……一世難忘的恐怖回憶!
- 【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)
=================================
相關篇章 :
香港郊遊系列
１小時內攪掂 ：
《005 – 沙田行去慈雲山，原來超級簡單》
《006 – 大埔三門仔，零難度的全海景輕遠足》
《009 – 粉嶺鹿頸至谷埔︱夕陽下的隱世蘆葦田》
《011 – 大美督家樂徑︱4大隱世絕美風景》
《013 – 長洲小長城︱驚喜十足的奇岩怪石小徑》
《014 – 紅香爐峰10分鐘極速攻頂︱維港日落全景最佳選擇》
《015 – 西貢泥涌︱大海、夕陽與天空之鏡》
《016 – 長洲行山︱北晀亭輕鬆看長洲全景》
２至３小時行完：
《003 – 香港仔自然教育徑》
《007 – 西貢大灘郊遊徑，長者行山無問題》
《008 – 飛鵝山芒草之行》
《010 – 青衣自然徑︱馬灣海峽+青馬大橋無敵日落美景》
《017 – 深涌大草原︱無障礙郊遊︱輕鬆無壓力散步路線》
《018 – 田下山︱簡易版釣魚翁路線︱意料之外的易行靚景》
行完會攰：
《001 – 夜登鳳凰山︱我得罪了日出之神》
《004 – 赤徑與鹹田灣，宛如沙巴的美麗海灣》
《012 – 上窰郊遊徑+曝罟灣堤圍︱超強打卡+輕鬆行山首選》
《002 – 簡單快速+靚景，龍蝦灣郊遊徑》
《019 – 西貢獨木舟初心者路線+準備大全︱羊洲白沙洲︱大鏟洲堤圍秘景打卡》
發掘香港系列
城市偷閒系：
《1 – 香港Staycation首選，皇家太平洋酒店住後心得》
《2 – 城市步行︱鯉魚門的絕美日落》
《5 – 訊號山花園︱尖沙咀鬧市中的秘密綠洲》
《13 – 銅鑼灣避風塘堤壩︱維港海中心看夕陽︱鬧市的避世角落》
影相打卡系 :
《2.5 – 鯉魚門石礦場︱夕陽下的芒草群》
《3 – 己連拿利︱港島攝影秘景，宛如荒涼未來的異世界》
《6 – 石峽尾公園粉色牆壁︱網紅火熱打卡點實測》
《8 – 歌連臣角炮台打卡位︱網紅不會告訴妳的兩三事》
《10 – 白樓「機場核心計劃展覽中心」︱夏天影相一流地點》
《11 – 孫中山紀念館︱Mirror教主MV拍攝場地，真係值得去打卡?》
《15 – 青衣西草灣︱青馬大橋日落+驚喜蘆葦群》
美食推薦系：
《4 – 香港的希臘小店，味覺的新衝擊》
《7 – 石峽尾一日遊︱美食推薦+文青打卡位懶人包》
《9 – 愛文生大排檔︱性價比超高的街邊豪氣滋味》
《12 – 上環紅葉餐廳︱9 蚊生蠔性價比超高!》
《14 – 銅鑼灣鐵板燒小店︱日本水準的大阪燒》
《16 – Cafe Deco Pizzeria︱超巨型海鮮拼盤︱流心蛋Pizza》
《17 – 中環中東菜Bedu︱超高質Fine Dining》
我的酒吧地圖
《1 – 中環不能說的秘密酒吧︱Please Don’t Tell》
===============================
Email : funggarcia@gmail.com
www.facebook.com/Garcia.in.Germany
文章同時刊於以下平台，請各位多多支持呀!!!!!!!!!!!!!