想係香港搵碟好味的大阪燒(御好燒)（お好み焼き）真係唔易
Kozy好味但太多人，道頓崛唔係lunch放題唔抵食，至於其他小店，十居其九都係hea煎個急凍蔬菜餅比你，我去IKEA食唔好!?
今次介紹呢間小店，如上回所說係小弟既生日飯，亦係我自己揀的~
未食過，但睇openrice d相直覺幾好，氣氛亦佳，價錢亦不貴~
但大家有睇我d外國遊記中伏率幾高就知我既直覺係……….
好彩今次直覺幾準!
呢間位於銅鑼灣的小店「Hungry Monkey」由味道到服務都非常有驚喜! 大阪燒更有日本水準!
就一於介紹下呢間令我難以忘記的鐵板燒餐廳啦~
(p.s.其實難以忘記係另有原因的……….睇埋落去就知…….)
內容概要:
-
餐廳格局
-
前菜與飲品
-
1st Round
-
2nd Round
-
酒呀!
1. 餐廳格局
「Hungry Monkey」雖以日系居酒屋為定位，但聽店主講佢想營造輕鬆無拘束的風格，所以刻意唔做傳統寧靜穩重的日式裝修
我自己就覺得似小弟係九州去過的外國酒吧，甚至有少少disco feel，不過音樂聲唔大，傾偈唔使嗌交~
網絡圖片, from laihinfung @openrice
網絡圖片, from MaggieYum at openrice
店內有分bar枱同普通枱
我坐既Bar枱為木製，保留輕微的和式風格~
我係鍾意的，仲可以超近距離睇到師傅煮，直情有食高級鐵板燒既感覺~
不過缺點亦都係太近鐵板.……好熱呀!!!!!!!!!!
好彩店主都知呢個係大問題，台面一人會有一把芭蕉扇頂住，都叫ok啦~
2. 前菜與飲品
下圖左方的係普通High Ball，右邊好似好多渣既香港少見但日本常見的梅干High Ball~
一啖飲落去———wa重手到你呀………
一般highball都係一大杯梳打水+兩滴威士忌，但呢兩杯酒起碼有1/3係威士忌，仲要成大粒梅落哂去，飲完100% high左…….
左邊係Highball，右邊係梅干
前菜蕃茄蒜子沙律會自動送上，亦自動計錢，不喜歡的話可以話唔要
不過講真又幾好味wor~ 冷蕃茄+蒜蓉+蔥，酸酸地又開胃，ok ar~
蕃茄蒜子沙律
3. 1st Round~
~香蔥牛肉薄燒~
其實我一坐低就比面前個「香蔥牛肉薄燒」吸引住~
睇住師傅細心地用一條條肥牛卷起蔥末，鐵板上滋滋作響，脂香與蔥香不停進攻你個鼻，個嘴已經流哂口水啦!
一啖咬落去，牛肉又香又嫩，蔥香和肉汁一齊在口內大爆發!
超勁好食!!!! 幾乎想立即encore!
明明係超級簡單既組合，明明係屋企都做到既配搭，偏偏用鐵板燒整出嚟就係與眾不同! (其實鐵板燒都係煎野食g ma…….)
香蔥牛肉薄燒
~螢光魷魚~
我係石川縣的冰見市場食過，雖然鹹過我，但卻好味到傻!
而Hungry Monkey所賣既幾乎比得上我係日本所食ge!
同行美女讚口不絕，送酒一流~
螢光魷魚
只係呢度都夠餸哂兩大杯酒啦~
+++++++++++++++++++++++++++++++++++++++++
相關篇章:
【北陸之行5】雨晴海岸真面目
+++++++++++++++++++++++++++++++++++++++++
~酥炸雞心~
應該屬於期間限定menu，睇openrice d相從來無呢樣野
味道咪就係炸脆左既雞心law …………………………..
無錯，炸脆左既雞心，我諗唔到更好既形容!
由於前兩樣太驚喜顯得呢個略為遜色
不過一啖炸物一啖酒又係幾爽ge~
酥炸雞心
~芝士御好燒~
店舖招牌既大阪燒果然無令我失望~
味道good不在話下，最正係佢做到大阪燒最重要的輕盈、鬆化口感~
佢仲有紅姜紫菜任落，加埋芝士真係無得輸!
係日本既味道呀!!!!!!!
芝士大阪燒
4. 2nd round
作為生日飯，以上咁少野邊度夠~ 當然係叫多杯酒再試多幾樣啦~
~一夜干雞扒~
講真味道唔算太出，唔覺同乾左有咩分別，不過雞皮煎到無油勁脆，係開心的~
一夜干雞扒
~日本青椒仔~
老細話真係日本運過嚟唔同d，食落又真係幾香椒味，仲好辣tim!
欣賞佢落埋鏗魚碎+炸蒜，意想不到的香口惹味蔬菜~
日本青椒仔
~香蔥御好燒~
香蔥燒 (ねぎ焼) even 係大阪都唔係每間鋪頭有得食，香港更加屈指可數tim啦!
呢度亦做得相當唔錯!
就算我當時已經飽到痴線，都忍唔住一啖接一啖食哂佢!!
香蔥御好燒
Um~ d蔥比我遮住左~ 落太多紫菜啦!!!!!!!!!
+++++++++++++++++++++++++++++++++++++++++
相關篇章:
日本紀伊半島Day8.2 – 最正的隱世大阪燒
+++++++++++++++++++++++++++++++++++++++++
5. 酒呀!
超滿足呀!!!!
呢餐真係比預期中更好~
飲飽食醉~ 係時候埋單啦~
呢個時候老細走過嚟吹水~ 估唔到又幾岩傾wor~
傾下傾下，老細突然話——「ee你好似唔係好夠酒wor!」
先生你好面善wor，唔通就係Suntory?????
面對枱上突然出現既呢杯金黃色飲品，心裡雖然閃過「唔x係掛溝酒wor」既念頭，但阿老細咁好傾咁熱情，我亦唔想停~
飲下又一杯，飲下又一杯
我強烈懷疑唔係仲有顧客係度ge話骰盅都囉埋出嚟
但係勁開心的~
作為旅行人，其實無咩幾何係香港會同唔識既人吹水~
話哂香港人既性格就係陌生人開口，一定有陰謀!
而我在這鐵板燒小店中，有一剎那，彷彿重拾了在外國小酒吧和老闆暢飲暢談的感覺~
這應該算是其中一份難忘的生日禮物吧!
老闆Roy Thank you!
++++++++++++++++++++++++++++
相關篇章 :
《德國working holiday第五十八章 : 赫爾辛基冰上要塞，凍過北極!!》
《德國working holiday第廿八章 : 奧格斯堡，悶到離譜》
++++++++++++++++++++++++++++
幾型仔既老闆
難得有一間店係食物質素高，氣氛一流，仲要飲到咁暢快tim~
唯一問題只係我無呢啦間比人隊醉左g ma!
呢個就係我IG story話生日果晚突然間飲醉左既原因了…….
點都好啦~ 呢間小店我一定會再去!
最後講多兩句~
- 唔止老闆連店員都好醒目，見我睇黑板個menu辛苦就自動衝過嚟比Ipad你睇~風扇無電仲醒水即換，抵讚!
- 店內的Menu唔止成日變，仲有好多芫(臭)茜食品，愛好者不容錯過，亦唔好預我!
=======================================
《Hungry Monkey》
- 地址: 銅鑼灣登龍街1號金朝陽中心二期地下B號舖
- 營業時間: 12:00-23:00
- 電話: 5408 9580
https://www.openrice.com/zh/hongkong/r-hungry-monkey-%E9%8A%85%E9%91%BC%E7%81%A3-%E6%97%A5%E6%9C%AC%E8%8F%9C-%E9%90%B5%E6%9D%BF%E7%87%92-r673614 ======================================= ====================================
請大家Follow我Instagram啦~
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
=================================
相關篇章 :
-
香港郊遊系列
１小時內攪掂 ：
《005 – 沙田行去慈雲山，原來超級簡單》
《006 – 大埔三門仔，零難度的全海景輕遠足》
《009 – 粉嶺鹿頸至谷埔︱夕陽下的隱世蘆葦田》
《011 – 大美督家樂徑︱4大隱世絕美風景》
《013 – 長洲小長城︱驚喜十足的奇岩怪石小徑》
《014 – 紅香爐峰10分鐘極速攻頂︱維港日落全景最佳選擇》
《015 – 西貢泥涌︱大海、夕陽與天空之鏡》
２至３小時行完：
《003 – 香港仔自然教育徑》
《007 – 西貢大灘郊遊徑，長者行山無問題》
《008 – 飛鵝山芒草之行》
《010 – 青衣自然徑︱馬灣海峽+青馬大橋無敵日落美景》
行完會攰：
《001 – 夜登鳳凰山︱我得罪了日出之神》
《004 – 赤徑與鹹田灣，宛如沙巴的美麗海灣》
《012 – 上窰郊遊徑+曝罟灣堤圍︱超強打卡+輕鬆行山首選》
《002 – 簡單快速+靚景，龍蝦灣郊遊徑》
-
發掘香港系列
城市偷閒系：
《1 – 香港Staycation首選，皇家太平洋酒店住後心得》
《2 – 城市步行︱鯉魚門的絕美日落》
《5 – 訊號山花園︱尖沙咀鬧市中的秘密綠洲》
《13 – 銅鑼灣避風塘堤壩︱維港海中心看夕陽︱鬧市的避世角落》
影相打卡系 :
《2.5 – 鯉魚門石礦場︱夕陽下的芒草群》
《3 – 己連拿利︱港島攝影秘景，宛如荒涼未來的異世界》
《6 – 石峽尾公園粉色牆壁︱網紅火熱打卡點實測》
《8 – 歌連臣角炮台打卡位︱網紅不會告訴妳的兩三事》
《10 – 白樓「機場核心計劃展覽中心」︱夏天影相一流地點》
《11 – 孫中山紀念館︱Mirror教主MV拍攝場地，真係值得去打卡?》
美食推薦系：
《4 – 香港的希臘小店，味覺的新衝擊》
《7 – 石峽尾一日遊︱美食推薦+文青打卡位懶人包》
《9 – 愛文生大排檔︱性價比超高的街邊豪氣滋味》
《12 – 上環紅葉餐廳︱9 蚊生蠔性價比超高!》
===============================
-
Email : funggarcia@gmail.com
文章同時刊於以下平台，請各位多多支持呀!!!!!!!!!!!!!