由第一次嚟大阪，我就一直嘈住要食100%正宗大阪燒! 但我總覺得旅遊書推薦果d食肆既中伏率非常之高
好彩!都係果句，有個係大阪讀書既阿哥確實唔同! 4年前佢就捉左我嚟呢間大阪本地人都未必識既隱世名店!
…………..
Wei師兄…………本地人都未必識就即係唔出名啦，仲隱咩世名咩店ar…..
有原因ga~
「本地人都未必識」係因為我今次約左係德國認識既大阪朋友dinner話要食呢間，佢完全一頭霧水
「隱世名店」係指呢間tabelog高達3.33分既小店，每次去都一定係full house本地人排長龍，今次連我呢個日本朋友食完都大讚無得頂!
而我家中那食餸唔食飯、敬澱粉質之遠之既老豆，出差到大阪時都encore左兩次，可想而之呢間真係好野lai ga!
好野，總要推薦下~
佢叫做「ひろかずや」
店內座位不多過廿個，而且清一色bar台，但保證到每個座位都清楚見到師傅乾脆利落既鐵板燒表演
餐牌同4年前一模一樣，連價錢都一模一樣!
800yen一個大阪燒”お好み焼き”，果陣對日元10算覺得有d貴，而家對6.5港幣52蚊一大個真係平到喊!
仲要鬆化得lai外脆內軟，麵糊唔會過多成口粉，蔬菜輕盈爽口，醬汁唔係死甜有回甘，真係好難想像一個蔬菜餅會好食到咁!!!!
小二!!!!!!一人一個呀!!!!!!!
痴線!!!!!食慒你呀!!??留肚食其他野啦!!!!!!!
炒麵都係呢度既名物，係tabelog既review上甚至比お好み焼き更有人氣! 驟眼睇真係台台都有一碟! 無理由執輸ge!
的確，我唔識點講，但真係同我地平時食既炒麵係唔同世界既野! 必食!
和朋友酒過三巡，意猶未盡，叫個香港少見既蔥花燒餅”ねぎ焼”先~
呢個”ねぎ焼”最大特點係以蔥花代替椰菜花…..ok椰菜絲好聽d ~有時仲會再加入已燉至香糯的牛筋腩以增強咬口~
但最主要味道都係超級新鮮既日本蔥!~單憑想像都feel到成個餅滿滿青蔥既香味~~
好似我呢d聰明人梗係鐘意到不得了啦~woo睇住師傅將細蔥碎堆到成座山咁真係睇到都high!
但唔鐘意食蔥既話——byebye~~~
(900yen，比普通大阪燒貴少少啦)
(蔥係呢個份量~烹調中翻面前的樣子~)(網絡圖片)
係等緊蔥餅其間，師傅突然整左一味泡菜炒豬肉上lai
我 :「送ga? 我無叫wor師傅」
日本朋友 :「有呀~我叫ga~」
估唔到我呢個fd竟然唔出聲靜雞雞叫多碟野……..應該係話佢用日文光明正大咁叫但我一d都聽唔明……
泡菜炒豬肉咸酸辣味互相交纏，鐵板高熱快炒下鑊氣十足(鑊?)，而麻油令其香味進一步上升!
好正呀…………………
但好Q飽ar……………………
兩條友兩個餅一個麵一個餸+total 8杯大啤會死ga……..
但未見過兩個就死既人遺言會係「好好味ar」……..
講真，計味道呢間店真係無得輸! 而且800yen一個大阪燒真係唔貴!
That’s why無次有人問我大阪有咩好野食我都推薦呢度!
但如果你犯左以下3樣野既，就千其唔好lai!
1. 驚油煙，你會全晚以為火燭緊! ——– 但我就覺得呢d係風味~
2. 怕迫，間店真係好細好細! 連我個豆腐膶公屋屋企都大過佢，但坐滿廿人wor! ———- 咁咪可以同隔離親密d law~
3. 唔鐘意食好野 ———- 咁我都幫你唔到
=======================
ひろかずや
https://tabelog.com/osaka/A2701/A270101/27002153/
大阪市北区堂山町8-21 <———係HEP FIVE行過去大約6-7分鐘
================
My Facebook Page :https://www.facebook.com/Garcia.in.Germany
Utravel Blog :http://blog.ulifestyle.com.hk/blogger/aeolusgarcia/
Instagram :https://www.instagram.com/fung_garcia/
DCFever – Fever Travel : http://www.dcfever.com/travel/utravelogue.php?id=799202
Email : funggarcia@gmail.com
請各位繼續多多支持呀!!!!!!!!!!!!!!!