勁想去日本既其中一個原因，相信好多朋友都同我一樣，好想回味下日本那靚到嚇死人的紅葉，我仲記得疫情前有幸趕上京都紅葉隧道係幾咁一世難忘…….
估唔到香港竟然有間餐廳門口放左一大棵假的紅葉樹做裝飾!
假ge睇嚟托咩~~~~~~~ 但佢假得嚟真ar嗎，而且非常吸引目光，至少引到我為打卡而入去食個lunch
誰不知呢間上環的Season Plus不止氣氛浪漫，更加又抵食又好味! 仲有性價比超高的$9一隻即開生蠔! 真係正到不得了!
攪到我食完都念念不忘，返屋企立即寫左呢篇Blog! 唉日本就無得去啦，去佢門口打打卡頂檔啦~
上環Season Plus，紅葉門口超級注目
文章概要:
餐廳簡述、地點與交通
大門前的打卡「紅葉樹」
內部裝潢
食食食食食食
‧ 餐廳簡述、地點與交通
呢間Season Plus都唔太算小店，分別係尖沙咀、銅鑼灣都有分店，但裝修各有不唔同
只有上環呢間有紅葉樹，係半山呢個西餐激戰區顯得特別醒目!
講真ar我都係搵壁畫塗鴉時無意中行過先發現的 Openrice一下，評價竟然係109 : 0 : 0 ????? (截至 28 / 08 / 2021)，係咪打手嚟ga??? 但講真，咁都吸引到我第二日嚟一試龍與鳳ge
由上環文娛中心行上嚟都係5分鐘左右，唔算難搵，但真係普通行街唔可能會經過
上樓梯中途仲可以路過老牌香料店「源興」，幾乎乜香料都有得散買，私心推薦「自家製麻辣粉」，食完返唔到轉頭!
食個真係食完返唔到轉頭，勁香!
‧ 大門前的打卡「紅葉樹」
我又叉開左話題啦!!!!!! 好啦繼續講Season Plus~
由荷里活道轉上西街已立即可見呢間餐廳，盲ge都睇到佢棵大紅葉啦!!!
d奶 棵樹假ga!!!!!! 明知係假，但都會忍唔住衝上前影相law! 泰國人妖show d胸夠假啦，咪一樣大把人比錢摸 同埋，棵紅葉假得嚟幾靚幾有氣氛呀~~ 打卡一流!
上環Season Plus，紅葉門口超級注目
近睇明知係膠，但都認唔住影相
如果秋冬時份，坐係外面飲杯酒食個lunch一定仲好feel je~
呢排日日酷熱天氣警告就算吧啦……….. 不過店家都有風扇提供，唔怕熱既朋友可以一試~ 晚上的亮燈的紅葉更有情調，真係十足去左日本一樣!!!!!!! 我要返鄉下呀!!!!!!!!!!!!!
夜晚的紅葉更浪漫
十足返左日本
2019年的北野天滿宮紅葉，美得令人窒息
‧ 內部裝潢
店舖不大，約只可坐二十餘人，裝潢以木色為主，卻處處顯出店主的心思，亦明顯看出此餐廳主攻情侶約會
所以當我星期六下晝3點嚟食lunch時咪一個客都無law………….. 不過都feel得到晚餐應該幾浪漫~
內部裝潢
紙巾都摺成葉，幾有心思
‧ 食食食食食食
~即開生蠔~
好啦睇左我講咁耐廢話，終於到大家最關心既食物了~
就好似開頭所講，佢有$9一隻即開既精選生蠔呀!!!
比大家睇下個樣先~
生蠔只係$9隻!
好肥好新鮮
白酒當然唔少得
睇落係咪唔錯先，係連食落都非常唔錯! 新鮮且蠔味十足，屬於易入口的清爽型~ 街外點平都要$10一隻，呢度雖然$9隻要半打起計，但唔通真係有人會叫1隻當Appetizer??
其實仲有個多少少的優惠，就係叫任何一支紅白酒，就可以用$50食到一打12隻精選生蠔
店內最平的紅白酒約$148，即係唔使兩舊水就有一支酒+一打生蠔，抵到震! 食完仲可以立即飛的去維多利亞Staycation，成個Package fit哂!
抵到爆! (相片from mikochan0108@openrice)
~Lunch Set~
當日的頭盤 —— 蕃茄忌廉湯幼滑唔漿口，鍾意佢無加麵撈無變獻汁~ 蒜蓉包細細塊，脆，好香~ 但相信蒜蓉應該唔使錢，多到妳ar…….. 黑醋沙律少見用豆，味道估唔到又夾wor~
重點係個份量……..幾大下law，細食既人應該食完都飽左
前菜都ok~
~黑松露蘑菇意大利飯~
我都未見過有餐廳蘑菇會多過意大利飯ge!
而且份量係坊間一般Risotto的兩倍 (Simplylife的三倍) 黑松露醬落得夠重手，飯亦唔算過熟 重點係啖啖都係菇，正! 菇怪必叫!
黑松露蘑菇意大利飯，菇多過飯
~龍蝦汁藍青口意粉~
非常Creamy! 龍蝦汁非常足料，減肥中既我都狂風落葉式掃哂! 只係可惜青口無咩味，雪藏貨亦不亦如此，希望下次嚟有改進啦!
龍蝦汁藍青口意粉
同場加映lunch set +$48有free flow紅白酒! 質素都唔錯呀~
仲可以彈性一個加一個唔加tim~
even夜晚free flow都係$98，唔貴呀~ 一杯都唔止呢個價啦!
開頭我只係想嚟呢間餐廳打卡影相放IG，誰不知d食物咁鬼掂! 簡直超級驚喜~
當然啦，我唔排除係當日只得我一枱客所以有心機做好d
之不過只係計紅葉樹同超抵生蠔已足夠令我回頭幫襯啦!
證明有實力都要d門面功夫先會受人賞識
借d ee勸下各位等緊白馬王子或夢中天使既各位宅男女………. hey明就明ga啦~~~~
《Season Plus 》
地址 :上環西街44號地舖
====================================
請大家Follow我Instagram啦~
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
=================================
相關篇章 :
香港郊遊系列
１小時內攪掂 ：
《005 – 沙田行去慈雲山，原來超級簡單》
《006 – 大埔三門仔，零難度的全海景輕遠足》
《009 – 粉嶺鹿頸至谷埔︱夕陽下的隱世蘆葦田》
《011 – 大美督家樂徑︱4大隱世絕美風景》
《013 – 長洲小長城︱驚喜十足的奇岩怪石小徑》
《014 – 紅香爐峰10分鐘極速攻頂︱維港日落全景最佳選擇》
《015 – 西貢泥涌︱大海、夕陽與天空之鏡》
２至３小時行完：
《003 – 香港仔自然教育徑》
《007 – 西貢大灘郊遊徑，長者行山無問題》
《008 – 飛鵝山芒草之行》
《010 – 青衣自然徑︱馬灣海峽+青馬大橋無敵日落美景》
行完會攰：
《001 – 夜登鳳凰山︱我得罪了日出之神》
《004 – 赤徑與鹹田灣，宛如沙巴的美麗海灣》
《012 – 上窰郊遊徑+曝罟灣堤圍︱超強打卡+輕鬆行山首選》
《002 – 簡單快速+靚景，龍蝦灣郊遊徑》
發掘香港系列
城市偷閒系：
《1 – 香港Staycation首選，皇家太平洋酒店住後心得》
《2 – 城市步行︱鯉魚門的絕美日落》
《5 – 訊號山花園︱尖沙咀鬧市中的秘密綠洲》
影相打卡系 :
《2.5 – 鯉魚門石礦場︱夕陽下的芒草群》
《3 – 己連拿利︱港島攝影秘景，宛如荒涼未來的異世界》
《6 – 石峽尾公園粉色牆壁︱網紅火熱打卡點實測》
《8 – 歌連臣角炮台打卡位︱網紅不會告訴妳的兩三事》
《10 – 白樓「機場核心計劃展覽中心」︱夏天影相一流地點》
《11 – 孫中山紀念館︱Mirror教主MV拍攝場地，真係值得去打卡?》
美食推薦系：
《4 – 香港的希臘小店，味覺的新衝擊》
《7 – 石峽尾一日遊︱美食推薦+文青打卡位懶人包》
《9 – 愛文生大排檔︱性價比超高的街邊豪氣滋味》
===============================
- Email : funggarcia@gmail.com
文章同時刊於以下平台，請各位多多支持呀!!!!!!!!!!!!!