「我要游水呀!!!!!!!!!!!!!!!!」一起身我就對自己狂嚎!
Last一日係地中海啦，對左咁多日馬爾他呢個咁靚既海洋，我個頭到而家都未濕過水!等於去東京唔食壽司，去大阪唔食大阪燒，去上海唔食生煎包，去北京唔食烤羊腿………..ok我承認以上全部係我係歐洲100萬個想食既野嚟………
換過個比喻，即係見到妙麗唔索吻，見到發哥唔自拍，見到加藤鷹唔握手，見到古天樂唔唱今期流行………
好啦夠啦!~~~~~~~~
一於去3個Blue既最後一個Blue Lagoon游個痛快!我要臨走前曬個人肉比堅尼出嚟ar!!!
Blue Lagoon咩樣?鬼知咩~似尋日流流地既Blue Grotto已經收貨ga啦~去到先算~
Blue Lagoon位於馬爾他的第三大島Comino Island，係Malta主島同Gozo島中間
一樣要先到Cirkewwa碼頭，不過唔入碼頭內部，巴士落車右邊就會見到個細counter仔賣飛，來回船10歐，約半小時一班，船程約20分鐘
等上船on居居無野做，仲有小食亭比你飲杯咖啡咬個包，當然個價錢唔會唔殺到妳一頸血啦~
落船第一個感覺—–竟然唔係靚而係超級多人!!!
行遍個歐洲，都從來無見過有個海邊有香港星期日石澳既級數!
而行遍成個香港，都從來無見過有海灘美女比得上呢度既cup數……呀唔係係級數!
係外國，其實不論年齡身材，女士去海灘就係要著三點式!唔好話一件頭，兩件頭都會比人歧視ar!做咩呀去奧運游二百米蛙式呀?陽光海灘梗係要比肌膚盡情享受啦~~邊好似香港咁死都要笠件白色T-shirt想露又唔敢露遮遮掩掩~
係心理角度，咁代表妳對自己有信心，以自己既身驅為榮，This is me!
係健康角度，皮膚能充分吸收陽光中既維他命D，有助骨骼健康並減少老年女性的死亡率
所以結論就係——-比堅尼才是皇道!!!
不過我對眼睇到好攰…….但係又好好睇……但又睇到好攰……
好似食太多大拖羅……好好味….好滯…….但又好想繼續食……
Ee寫到而家，我發現今次呢篇廢話無聊野特別多………….
咁旅行last一日既遊記，玩多d唔過份ar~~~~
但個Blue Lagoon呢????
Hey~~~~~~睇相算啦~~~~~~~~~
睇完以上既相唔知大家有無wa~~~~~~~一聲呢?
我自己就WAAAAAAAAA~~~~~~好大聲啦!
呢度既blue又唔同先兩日既blue，Azure Window係壯闊洶湧的深藍，Blue Grotto係少許斑駁而平凡的蔚藍，此處Blue Lagoon則是一大片清透的淺藍色，奇異在遠處突然又會出現一小片一小片深藍，混在一起非常好看!
我地成日睇d風景相 : d水清到隻船好似識凌空飛行咁，以為係photoshop?係呢度妳係真係會見到ga!
呢度實在太靚~~~~~~唔落水真係對唔住自己!!!
之不過，呢個咁既遊客泳灘原來都係無locker或保管財物既地方
我曾出口術同個士多老闆講 :「唉可惜我囉住咁多野落唔到水ar~唔知呢度有無地方可以放野ga呢?~」「Hey sorry man~我都無辦法~」
唉………但我唔會死心既!權宜之計，沿海灘上山向左邊一直係咁行……約10分鐘距離的山下無乜人，衡量過周圍地型，任何人接近我個bag都睇得一清二楚，囉完逃跑都唔會走得快，咁先夠膽放低個袋奔向大海
wa~~~~~~~~~~可以係世界一級既海洋中暢泳，實在太正la~~~~~~~
(呢張相應該係我近10年最fit既狀態，show下無妨，但而家個肚腩真係……)
(原來山上望落嚟既深藍色係水草s)
我下水既地方位於兩島之間的狹位，前方小島個地型睇落唔錯wor~~
於是囉條繩縛埋對拖鞋游過去~
唔好話我傻，呢d地型，赤腳既真係一步都行唔到，仲好危險tim!
只係呢個中空石洞真係幾靚~呢d輕微搏一搏係worth的~
當我企係洞內望望下時，有不少快艇特登走嚟參觀，原來呢個位係Blue Lagoon內其中一舊著名奇形怪岩~
當然，快艇既乘客望住我呢個亞洲仔時，心裡面諗ge一定同我尋日見海上阿叔時一樣——呢條友邊度嚟ga??
游完呢度，唔夠喉!
走返去落船時所見既純淺藍crystal clear beach~
Wa~~~個感覺真係唔同d~~~~~
熱鬧氣氛同幼滑沙粒帶來的舒適質感都係無可比擬~
比一大堆三點式美女包圍既幸福感當然都係無可比擬~~~~~
不過我出手既話，應該都會有一大堆佢地既男友包圍住我……….
浸完一輪，換個位繼續~
呢邊比較鬆動，更多人係度玩~我都想同靚女玩ar~~~~
ee點解得d family 同螢光綠T字褲男ge……….
遠處仲有一座島係泳客熱點，唔少人會將行李放頭直接係水中行過去曬太陽野餐~
當然要去湊下熱鬧啦~~~我行到一半…….shit我似乎唔夠高………
又無帶防水袋出嚟，唉唯有放棄啦……..
話就話第三大島，其實面積都係油尖旺加埋咁上下大，聽聞有全島只有約4個長駐居民，係一個完全遊客向既地方。
而呢度可做既行為我頭先已經全部做哂啦~傳聞有d遊艇會有彈床香蕉船等香港式水上活動，但呢個要留返各位自己發掘啦~
計我話，係呢度真係唔洗攪咁多野呢~~~靜靜地攤係度享受下呢個只應天上有既海灘就夠啦~
享受到6點左右好啦~因為如果你錯過左尾班回程船，除非你有個瑞士山區肺夠氣游水返Malta主島，否則今晚都係預備打魚生火人在野啦!
據聞，以前Comino Island係用嚟流放囚犯既海上監獄，見住呢個海灣………真係好想係度瘋狂坐監!!
回程船一般都會帶你遊下Blue Lagoon既周邊~
其實同尋日Blue Grotto差唔多，但點睇都係咁靚又真
用佢嚟結束Comino Island一日遊，最好不過~
(呢個窿咪我頭先爬上去果個……….)
馬爾他last一餐，都係返回第Day1下晝既傳統餐廳TA’ Kris，即係食兔肉果間
做左大海男兒成個月(意思即對住個海邊成個月)，食魚既次數真係屈指可數，真係信唔過d鬼佬會識整魚呢!!!
但今晚又想再試多一次，話哂此地都以海鮮著名呀~
原條炭火燒海鱸(Sea Bass)，成18歐一d都唔平，但條魚仲長過我前臂!
以香草蕃茄欖油做汁減卻燒魚的乾涸，魚肉肥美，鮮味無比，入口微有炭香，蕃茄的酸味中和油膩感…………….絕對係我呢一年來食過最好味既海鮮!!!!
好味既程度係幾乎連骨都無得剩!
個老闆見我用刀叉庖丁解牛埋個魚頭直情嚇到呆左!
wei條魚咁正，妳唔係expect仲見到全屍ar~
咩話?有咩唔滿意?
Um……….比對筷子我會食得快10倍law~
食完飯，再夜遊一下~
從Sliema望過去Valletta既夜景仍然係美不勝收~
長氣都要再講多次——-能夠以馬爾他作為我working holiday環遊歐洲既最後一個國家，實在係太好啦………完美既終點
第二朝Day5一早就起身走lu~
要開始回程啦~
臨別秋波，送上Sliema既街道剪影啦!
馬爾他，我一定會再嚟探你ga!!!!!
(hostel窗外之景)
(呢間hostel普普通通，唔介紹lu~)
(係咁高都睇到Blue Lagoon既淺藍~勁~)
====================================
補完此Blog上未成文的相片和無聊閒事:
My Facebook Page : www.facebook.com/Garcia.in.Germany ，多多支持呀!~