繼續沙巴(亞庇)出發前的行程簡介~ 今次主要講浮潛、潛水的地點 / 島嶼如何選擇，以及除陽光與海灘外有咩觀光活動~~
=======================================
請大家Follow我Instagram啦~
=====================================
文章概要 :
-
沙灘+潛水
-
神山
-
紅樹林 – 長鼻猴+螢火蟲
-
市內景點
1. 沙灘+潛水
如果嚟沙巴唔享受陽光與海灘，咪同去KFC唔食雞一樣真係唔知你嚟做乜野~
疫情後可供浮潛與水上活動既地點大約有5-6個，分別係 :
- 沙庇島Sapi Island (近，可跳島)
- 馬奴干島Manukan Island (近，可跳島)
- 馬姆迪島Mamutik Island (近，可跳島)
- 加雅島Gaya Island (大，似長洲)
- 汀娜灣島Dinawan Island (傳聞dirty)
- 美人魚島Mantanami Island (好遠，好靚)
- 環灘島Mengalum (傳聞都好靚)
頭4個島都屬於「東姑阿都拉曼國家公園」範圍，同樣自己去Jesselton Point碼頭坐船~
環灘島Mengalum 島係我5月出發時，傳聞被台灣發展商買下封島起度假村入唔到
但落筆時已見到Klook都有相關行程，應該是解封了
聽聞佢同美人魚島一樣咁靚，亦一樣咁遠，有興趣既朋友可以一試~
另一勝地，以泥漿浴及大量水蛇著名既 超人 迪加島同樣封左去唔到
想去玩女子泥漿摔角同蛇王既朋友要等下了
係十幾年前，沙庇島、馬奴干島、馬姆迪島都係性價比高，又近又多魚既超正浮潛勝地
我於2009年去沙庇島，d魚多到係身邊衝來衝去，仲間中幫我咬下死皮，but痛
當年仲係好多魚
但亦由於太近市區太多人，我於2018年再到訪時已彷如屋企個金魚缸得果幾條，鵝頸橋街市仲多過佢
當地人都話已經無乜野睇，但如果唔想去太遠 or 當晚夜機走的話，沙庇島等仍然係好選擇~
2018年的沙庇島Sapi Island
2018年的沙庇島Sapi Island
2018年的沙庇島Sapi Island
至於今次唔再去沙庇島了，我決定去當地人評價最高既美人魚島Mantanami Island~
要去美人魚島必須跟團，仲要三個幾鐘搭車又搭船好遠呀!
不過當我上到島上，看到馬爾代夫般的清藍玻璃海與純白幼滑沙灘，就覺得一切都係值得了~
至於浮潛，有人話會見到海龜，但我似乎同蒲島太郎無咩緣份，睇各位運氣啦~
對於美人魚島詳細少少既介紹，大家可以睇住我IG 3篇簡短遊記先，下一回會有詳盡介紹呀~
2023年美人魚島
2023年美人魚島
2023年美人魚島
2023年美人魚島
2023年美人魚島
2. 紅樹林 – 長鼻猴+螢火蟲
沙巴另一必去行程當屬晚上於紅樹林餵蚊~
只要妳裸露既肌膚有邊part無蚊怕水，立即如烏蠅”嬲”蜜糖般洶湧埋嚟，呢個滋味唔係度度都有不能不試~
而次要d既行程就係紅樹林坐船睇螢火蟲了~
Even我2009年時已經睇過，今次十幾年後再睇仍然覺得非常夢幻~
如果各位唔怕蟲既，可算是沙巴必然行程~
螢火蟲影唔到相，只得出發前呢張，大家有興趣可以睇返再見螢火蟲fyr~
而紅樹林仲有最後一樣主打長鼻猴~
一般行程會在美人魚島回程後，不過睇唔睇到要靠運氣
而我亦唔明有咩好睇，要睇大鼻我睇警察故事，要睇馬騮我去金山郊野公園
最終亦只睇到兩隻小猴子
Um，當遊下船河啦~
大家睇唔睇到隻壽限無係邊呢
3. 神山
神山係著名的東南亞登山熱點，傳聞登山level與富士山不相上下，攪到我都好鬼想去!
不過唔登山既朋友，一樣可以去附近的熱帶雨林淋下花淋下雨，行下吊橋浸下溫泉，又或者去牧場餵牛羊豬兔再食Q左佢等等~
唔少local tour都有呢個行程，網上既資料亦多，我只係2009年去過一次唔太熟唔講太多了~
大學未畢業廿歲頭既我真係好green~
沙巴神山熱帶雨林
沙巴神山熱帶雨林
4. 市內景點
沙巴市中心的景點真係唔算多，我認為最值得睇既全部都同日落有關
Kota Kinabalu向西，只要5-6點行到海邊，每個位置都係欣賞咸蛋黃既好地方~
沙巴龍尾灣
沙巴龍尾灣
但我認為觀賞沙巴日落既最佳地點，始終係被譽為世界三大日落之一既丹絨亞路海灘Tanjung Aru Beach
(但另外兩大係乜我搵唔到，亦唔知呢三大係咩人up出嚟……)
丹絨亞路特別靚既原因係佢淺灘位置又大又長，亦成一個有浪潮的天空之鏡
而沙巴的特殊氣候，特別容易使天空幻化成五彩繽紛，好似香港打風前後咁既天色
在此時所看到的夕陽，不再只是金光燦爛，而是混和紫光紅霞，蓋天彤雲向你襲來
再加上海水映照成鏡，天上天下融為一體，美得不可方物
如果唔想去沙灘，Sunset Bar都係一個好選擇~
除左KK Waterfront一整條酒吧街外，沙巴市內最高級果幾間酒店都有坐擁絕佳日落位置既酒店，當中又以Shangri La的Sunset Bar最有名
全因其酒吧位於丹絨亞路旁邊，並建於長堤盡處，令人彷如置身海中心挨住梳化嘆住酒睇日落，Chill到不得了!!
咁既享受價格當然不非，已經係香港酒店skybar價格，無book無得入，非住客仲要入場費tim!
不過又咁，呢個可以話係沙巴此地最高級既享受，此刻無價，我覺得值!
沙巴市內既名景點仲有一個就係「水上清真寺」
但小弟去完伊朗後真係咩清真寺都被比下去，咩水上其實都係岸邊je
特登坐車去好似有d無謂，大家都係太得閒時先去啦~
++++++++++++++++++
相關文章 :
【伊朗獨行13th】鏡宮聖陵，超出理解範圍的美麗
【伊朗獨行15th】粉紅清真寺的理想與現實
++++++++++++++++++
超級長氣既沙既「簡介」終於寫完啦~
大家從字裡行間都feel到我其實幾鍾意呢個地方啦~ 我諗我應該會嚟第4次第5次tim~
襯而家機票唔貴，一於買返張過去嘆幾日啦~ 一定抵過去staycation ga!
=======================================
請大家Follow我Instagram啦~
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
- 【泰國】【芭堤雅】誤入邪骨!? 芭堤雅色情行業真相!
- 【歐洲】人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
- 【台北】誤闖台灣三溫暖，內裡竟然係……嚇死人咩！
- 【格魯吉亞】最慘的4小時! 格魯吉亞地獄小巴之旅!
- 【波蘭】在納粹集中營，我竟聽到了……一世難忘的恐怖回憶!
- 【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)
=================================
- 相關篇章 :
馬來西亞 ‧ 沙巴 :
韓國濟州島 :
《Day2.1 – 東門市場的遺憾︱豬肉湯麵+海鮮飯卷推薦》
《Day2.2 – 龍頭岩海水汗蒸幕︱最強黑毛豬餐廳「石窟黑豚」》
《Day4.1 – 濟州島 9.81PARK 重力賽車公園》
《Day4.2 – 濟州島 Arte Museum 光影饗宴》
《Day4.3 – 濟州島春日咖啡廳BOMNAL︱涯月咖啡街》
日本富山、石川、琵琶湖 :
日本和歌山、白浜 ：
京都紅葉系列 ：
《1 – 京都紅葉隧道此生必去︱貴船神社、琉璃光院︱叡山電車紅葉路線介紹》
================================
-
Email : funggarcia@gmail.com
-
www.facebook.com/Garcia.in.Germany
文章同時刊於以下平台，請各位多多支持呀!!!!!!!!!!!!!