日本紅葉篇暫時嚟到last one~
介紹既最後一個非常值得推薦既京都紅葉場所就係北野天滿宮~
講真單獨要去北野天滿宮都幾麻煩，而我純粹係網上睇到佢亦係賞紅葉熱點，由天龍寺過去又唔太遠先會去的 事前可以話對呢個地方一無所知
由天龍寺坐嵐電（京福）嵐山本線至再轉北野線至「北野白梅町駅」，聽落好煩但其實唔係半個鐘就到
再行約5分鐘就會見到北野天滿宮既大門~
=======================================
請大家Follow我Instagram啦~
[instagram-feed feed=1]
=====================================
入到去，覺得氣氛係唔錯，又有音樂表演~
但d紅葉又唔算好特別wor……..
只係得係咁ee幾棵，同傳聞有超級勁大出入，差d連流水響果幾棵都威猛果佢…..
行左15分鐘，超都無野睇ge，走人lu~
轉角見到有個排住隊既售票處，大概寫住「紅葉參拜入場券」1000yen
唔係掛，睇紅葉都要比錢入場咁串??
尋日係貴船神社同岩岩天龍寺都係免費入場，而家要比成$70港紙(當時對7，對比而家對5.2好貴ar…….)
仲要睇左兩日開始有d膩，仲仲要之前貴船神社、紅葉隧道、天龍寺果d靚成咁，你呢度有幾巴閉ar??
諗左陣，唉反正一場嚟到，又見排哂長龍，就入去望望啦
呢個……呢個…..會唔會太痴線ar…………..
園內佈天蓋地一片無盡的朱紅色，身在其中就似被包圍於紅葉汪洋，每一步都是美絕的紅葉風景，每一角都是影相唔停既打卡材料
最大問題似乎只係自己攝影技術不足表達唔到現場的壯觀華麗
原個呢個庭院叫「史跡御土居のもみじ苑」
睇下地圖先啦~
(唔夠光，影得有d衰)
園內主要影相位大約有3個~
首先係河道盡頭，可以一次過影哂兩岸，加埋中間河道更有味道
缺點係好多人難搶中間位置
第二個位係入口對面岸邊的
有數棵張家輝咁大既紅葉天幕，影相弱雞如我都可以影到如錢塘潮夜澎湃
(用舊iphone影，d色完全唔同左…..)
第三個熱點果條和式唔知乜橋 (鶯橋)
本身小橋庭園已是雅致，再加上最參天紅葉巨樹襯托，絕對係菲林謀殺者!
不過缺點都係好多人，真係好x多人，唔好話想搵個少人既moment先影，根本連行上橋都要排隊呀!
(好多人呀…….)
至於其他窿窿罅罅，就等大家自己發掘啦~
小弟第一次影紅葉唔識點玩，相機亦摸左一輪先研究到用乜野mode好d
所以影出嚟效果真係未如理想，請多多包涵呀!
最後我係呢個只約3-4個籃球場咁大既庭院足足玩左成兩個幾鐘夠哂皮~
行到庭園出口仲有免費熱茶同點心，天寒地凍個人又攰癲，真係貼心到呢~
日本，真係與別不同!
Even我已連續睇左兩日頂級狀態既紅葉，但北野天滿宮呢個紅葉庭園真係靚到無得輸!
由入場至離開每一刻都是無比震撼，有比錢入場呢件事實在做得太好啦!
北野天滿宮
- 交通: 京福電鐵北野線「北野白梅町駅」步行約5分鐘
- 開放時間: 06:30 – 17:00 (紅葉季節開放時間至20:00)
- 官網: https://kitanotenmangu.or.jp/
一連三篇京都紅葉遊記到此為止~
戴多次頭盔，呢兩篇都係我疫情之前2019既相片，如同3年後既而家有不一致既地方還望IG inbox告之~
至於今年有無機會去京都update下……………..唉睇嚟都凍過水了…………..
=======================================
請大家Follow我Instagram啦~
[instagram-feed feed=1]
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
- 【泰國】【芭堤雅】誤入邪骨!? 芭堤雅色情行業真相!
- 【歐洲】人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
- 【台北】誤闖台灣三溫暖，內裡竟然係……嚇死人咩！
- 【格魯吉亞】最慘的4小時! 格魯吉亞地獄小巴之旅!
- 【波蘭】在納粹集中營，我竟聽到了……一世難忘的恐怖回憶!
- 【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)
=================================
- 相關篇章 :
富士山攻頂 :
富山、石川、琵琶湖 :
和歌山、白浜 ：
東京雜記 ：
《3 -池袋的災害體驗》 《4 – 日本第一炸豬扒》 《5 – 那夜凌晨，我坐上了東京開往大阪的巴士》 《6 – 蠔大大小店，性價比超掂》
日本美食系列 ：
《1 – 東京壽司「梅丘壽司之美登利」如何抵食?》 《2 – 大阪隱世超平炸串》
京都紅葉系列 ：
《1 – 京都紅葉隧道此生必去︱貴船神社、琉璃光院︱叡山電車紅葉路線介紹》 《2 – 京都天龍寺巨型紅葉樹》 ================================
Email : funggarcia@gmail.com
www.facebook.com/Garcia.in.Germany
文章同時刊於以下平台，請各位多多支持呀!!!!!!!!!!!!!