上篇講完芭堤雅正經既玩樂，呢篇就講下唔正經既玩樂啦!
超嚴重利申左先 : 我絕對無做過d咩大家幻想中既行為!
之不過好似小弟舊文《霓紅燈下的事情》所講既阿姆斯特丹咁，芭堤雅一樣係世界頭一二位的情色產業城市，只要行到市中心就根本無可能見唔到，而小弟更係唔知情下差d中招…….
以下係我既第一身見聞，大家當故事咁睇下就算啦~
(以下內容18禁，年齡及心智未夠秤既請回啦~)
(網上圖片)
話說上回既Day 1，係infinity pool浸完水攰攰地，係時候去按個摩了~
我起碼6年無嚟泰國，好掛住泰式按摩扭扭樂呀~
初到貴境對地理無concept，ee~ google map顯示呢個地段黃色左，係旺區wor~
就慢慢行去望下啦~
中午3點幾30幾度，行左唔夠半個鐘已身水身汗，去到Soi Chalermphrakiat 25見冷冷清清，只有好多大媽坐係店舖門口乘涼
行不數步，右邊一間按摩店傳來呼叫聲 :「Sir~ Massage?」
只見一名身穿白色T恤的少女臉帶笑容向我揮手~
見到門口寫住Thai Massage 200 THB = $50港紙，平呀! (後來先知呢個係芭堤雅公價)
又見少女的樣子並不特別娟好，她的同伴亦全是標準大媽，應該好安全ge~ 就妳啦~
店內係普通按摩店間隔，板間+上方無頂貫通+布簾，你當Uniqlo試身室放左張床啦
一入到去就叫我去沖涼，乜泰式按摩要沖左涼先ga咩?
不過我係德國做按摩師時，都試過遇到個客做完運動成身酸酸謖謖笠黐黐嚟按摩，絕對想Ice Bucket Challenge兜頭淋落去!
明白ge~ 沖個涼係舒服d的~
但間沖涼房可唔可以唔好咁大隻曱由係度呀!!!?????
呢度火星嚟ga???
算啦妳都係比條濕毛巾我抹身啦………
抹呀抹……突然少女打開簾進來!
Oh no我連遮住精壯既豬腩肉都來唔切，佢就話「Let me do it~」搶左條巾…….
我果下O左咀，話哂我都係一個純情少男，突然被抹身個感覺真係非常非常唔慣…….
平時係調轉我做ga ma
雖然件事好似有d唔對路，但都諗泰國咁熱人都熱情d je~
而正經既我當時就好似下面呢張示意圖咁———
不久，終於抹完，要開始按摩了
少女這時坐係我床尾，說:
「Ok Sir~ What kind of massage do you want?」
What Kind? 係大陸要按中式，係泰國當然按泰式啦~
「Thai style plz~」
「Haha no~」
接著做出手語「Hand or Oral?~」
………………………………………………………………………………..
……………………………………………………………
………………………………………..
我諗佢既意思應該唔係DSE英文Oral 呀ho?
shit我誤入左邪骨店呀!!!!!!!!!!!!!!!!!!!!!
真係千年道行一朝喪，Wei 大佬呀咁正經既格局都會中招!?
係呢個已除左上身衫肉隨針板上既情況，我相信十個男人有九個既反應都會係—-
「既來之則安之，嚟啦Baby! 妳污辱我啦! Come on!」
但我偏偏就係第十個!
唔係話柳下惠坐懷不亂咁利害，而係阿小強哥既身影一直係我腦內揮之不去!
而我都幾肯定作為地球上最雜食既昆蟲，佢地係會食腸仔ga!!!
萬一比佢掂到，我怕我呢一世都對傳宗接代有恐懼，改左姓陽對唔住陳家既列祖列宗呀!!
同埋，雖然小弟樣子並不標緻，但作為一個標準既處女座，我係好有要求ga
綜合以上數點，大家應該信我無曳曳啦ho?
幸好對方見我婉拒都無黑面強嚟，無收我錢就禮貌地放我走了
臨走前我好奇一問 : 「正經既按摩店，同妳地做服務既店應該點樣分辨呢?」
佢話 : 呢條街附近所有按摩店都係邪骨店!
原來係我白痴無做到資料搜集 —— Soi Chalermphrakiat 25根本就係一條勁出名既紅燈街!
之不過而家日光日白唔開燈je!
於是我快速離開呢個area，行行下發現大馬路邊有間全玻璃透明既按摩店，有兩個外國遊客被按得非常happy，心諗「應該正常啦掛~」先入去
呢間就係上回泰國雜記1推薦既Aree Massage了
(光猛到咁都邪既話，應該只會岩有某d愛好既人士ga ja wor)
係呢件事後我不禁有點好奇 —— 究竟芭堤雅的黃色世界係點樣ga呢?
我一直都深信知識能夠改變命運，拯救世界。
所以我立刻大量搜集有關芭堤雅色情風俗既資訊，包括論壇、博客，仲有大量圖片等等等等
呢項工作非常艱苦!
不過艱險我奮進，為左搵資料寫下呢篇文章令大家唔好誤入風塵，就算餓我體膚勞我精，我都會繼續向前行ga!
但大家都知道，紙上談兵係無用的，實踐永遠都係學習既最好方法
為左呢個Blog既各位讀者，我唯有孤身犯險，闖入敵方陣地………….
唔係嚟真!!!!
我係外圍八卦下，見識下亞洲第一、世界第二大既性產業城市係咩料子je!
基本上一到夜晚，Pattaya Walking Street以及周圍都有既d半露天開揚式鋼管酒bar可以話係芭堤雅的活力來源
各位桌上Table pole dance緊既女士大多衣著都非常性感少布，仲跳著我人生中見過最hea既鋼管舞
基本上佢地都係操場罰企式棟係度，隻手揸住條鐵咁ee係度un下un下，同你平時坐地鐵無咩分別，分分鐘你坐巴士緊握扶手都激烈過佢
邊會有人睇你坐巴士呀?
無錯呀，所以佢地無人睇law
我寧願睇張家輝跳3個鐘了
(網上圖片)
而另一出名既就係Pattaya 1-6 Alley同Pattayaasaisong Road交界既數間大浴室
浴室門口富麗堂皇氣派十足，唔知道仲以為係咩豪華massage店想走入去let’s relax下tim~
我現場所見唔少朋友都係三五成群吹住水入去，十足入戲院睇戲一樣~ 傳聞裡面有大大個金魚缸，約埋三五知己入場睇漁樂無窮都係開心事呀~
睇真d啦………..門口大大隻字寫住body to body massage的…………
可以係招牌度咁明目張膽寫住「呢度有咸濕野」都算幾文化衝擊下
但原來都未算，之後我行前多幾步，見到個招牌寫住「睪丸按摩 –>」我直情噴飯……..
呢個係正經按摩嚟ge…….日本都有網友講過啦係保健野嚟啦…….
正經ge正經ge………
(網上圖片) 
(網上圖片) 
(由於小弟真係唔係好夠疆入去比人按摩我既銀魂，所以都係影完個招牌就閃人了)
喂講左咁耐都係水過鴨背ja wor~
我當時都覺，所以我決定深入敵陣，走入被譽為芭堤雅紅燈區中既紅燈區，傳說中最著名既男人性地Soi6!
(網上圖片)
根據某個網上blogger所講，Soi 6呢條街係一個「行得入去都知你係為乜」既地方，99%在內既女性都係性工作者!
就小弟走馬看花所見，呢條長約100米的街道，只計坐係酒吧外聚集兜客既女士閒閒地都超過300名!
即係話如果你用跑ge話，可以係10秒內比幾百個女仔(may be男仔)搭訕!
(網上圖片) 
(網上圖片)
而各位在此工作的女士們，真係每位都有非常獨特的外在形象，既有東施態，亦具玉環腰，不少口中更發出賭聖洪爺之音
竟然可以幾百人都係咁，真係令人嘆為觀止!
我剎時頓悟《論語》所述「四十而不惑」的真正意思!
同時不禁替佢地擔心………會窮ga………..
更令人大開眼界的是 —– 每隔一兩間店，就會睇到一個西方中年人係店內臉帶猥瑣地同女人手口並用「呯測測」玩得不亦樂乎!
仲要有d明顯係雄兔腳撲朔，雌兔眼迷離……..
你會驚訝 —– 點解d外國人可以有咁高既接受能力，咁自然地「走進當地人生活」ga??
勇者鬥惡龍，鬼佬口味呢家野，真係好難觸摸呀!
而Soi 6與阿姆斯特丹、甚至Pattaya其他地區唔同既係 —— 班女仔係會超主動咁拖展混身解數捉你入bar!
「Come on~」「 I am Good~」「Have a drink~」
呢d嬌嗲既娃娃音(或老牛音)伴隨住一個個拖手攬腰鎖喉扣!
擒拿手解完一隻又一隻，Lady Boy避完一個又一個，好似John Wick咁殺極都仲有人係唔知邊度湧出嚟!
我真係嚟行下八卦下ga ja，點會變左打少林寺十八銅人ga??
好不容易終於到達望到芭堤雅海灘既街尾!
至此我呢個芭堤雅色情業外圍觀光之行亦就此結束~
Um~其實咁行一行都有個大好處的 —— 第一晚就幫我成個黃色幻想淋哂黑油，yeah往後幾日唔使煩可以專心去玩了~
最後我都再重申一次，性工作者都係人，一樣係靠自己勞力去搵錢，同我地朝9晚6 office無咩分別，上面既評論只係純粹攪笑，無任何不專重的意思~
呢篇文唔係教大家去滾，亦唔係批評人地，只不過係將我自己既所見所聞同感受寫落嚟je~
Blogger就係自己想寫咩就寫咩既自由寫作人呢~
好啦泰國既文章暫時寫到呢度，下回終於可以出久違了既長篇遊記了!
請大家繼續支持小子呀~
=================================
- 相關文章 :
================================
如果想聽下我真人聲演本文，歡迎睇埋呢條youtube片ga~
=======================================
請大家Follow我Instagram啦~
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
=================================
相關篇章 :
香港郊遊系列
１小時內攪掂 ：
《005 – 沙田行去慈雲山，原來超級簡單》
《006 – 大埔三門仔，零難度的全海景輕遠足》
《009 – 粉嶺鹿頸至谷埔︱夕陽下的隱世蘆葦田》
《011 – 大美督家樂徑︱4大隱世絕美風景》
《013 – 長洲小長城︱驚喜十足的奇岩怪石小徑》
《014 – 紅香爐峰10分鐘極速攻頂︱維港日落全景最佳選擇》
《015 – 西貢泥涌︱大海、夕陽與天空之鏡》
２至３小時行完：
《003 – 香港仔自然教育徑》
《007 – 西貢大灘郊遊徑，長者行山無問題》
《008 – 飛鵝山芒草之行》
《010 – 青衣自然徑︱馬灣海峽+青馬大橋無敵日落美景》
行完會攰：
《001 – 夜登鳳凰山︱我得罪了日出之神》
《004 – 赤徑與鹹田灣，宛如沙巴的美麗海灣》
《012 – 上窰郊遊徑+曝罟灣堤圍︱超強打卡+輕鬆行山首選》
《002 – 簡單快速+靚景，龍蝦灣郊遊徑》
發掘香港系列
城市偷閒系：
《1 – 香港Staycation首選，皇家太平洋酒店住後心得》
《2 – 城市步行︱鯉魚門的絕美日落》
《5 – 訊號山花園︱尖沙咀鬧市中的秘密綠洲》
《13 – 銅鑼灣避風塘堤壩︱維港海中心看夕陽︱鬧市的避世角落》
影相打卡系 :
《2.5 – 鯉魚門石礦場︱夕陽下的芒草群》
《3 – 己連拿利︱港島攝影秘景，宛如荒涼未來的異世界》
《6 – 石峽尾公園粉色牆壁︱網紅火熱打卡點實測》
《8 – 歌連臣角炮台打卡位︱網紅不會告訴妳的兩三事》
《10 – 白樓「機場核心計劃展覽中心」︱夏天影相一流地點》
《11 – 孫中山紀念館︱Mirror教主MV拍攝場地，真係值得去打卡?》
美食推薦系：
《4 – 香港的希臘小店，味覺的新衝擊》
《7 – 石峽尾一日遊︱美食推薦+文青打卡位懶人包》
《9 – 愛文生大排檔︱性價比超高的街邊豪氣滋味》
《12 – 上環紅葉餐廳︱9 蚊生蠔性價比超高!》
===============================
Email : funggarcia@gmail.com
文章同時刊於以下平台，請各位多多支持呀!!!!!!!!!!!!!