離開北部城市Shkodra，嚟到位於國家中部內陸的地拉那Tirana
話哂都係阿爾巴尼亞首都，有返咁上下身份地位，內藏不少歷史故事名勝古蹟，點解我呢個痴線佬會用食物既角度寫此地既遊記ga!!？？？
咁同去築地但食和牛有咩分別？？？九唔搭八!
但事實就係我係呢度不停係咁食……..
好好味？又唔一定wor! 總之就係印象深刻!
所以～一反常態，講左野食先lu yeah!!!!!!!!!!!
首先一定要講下呢樹既Cevapcici!
於 第109章薩拉熱窩遊盪的華裔青少年續篇 時都講過，Cevapcici係一種巴爾幹半島常見的免治肉條+麵包
南歐之旅以來已經食過3，4次，以我貪新鮮乜都要試既性格仲點會再食!
點知第二晚亂行散步到小街Rruga Luigj Gurakuqi時，比我發現左數間露天大排檔式民間小店，感覺就似大陸果d求其係街放兩張枱既串燒店
一陣陣烤肉香氣撲鼻而來……..諗都唔使諗!晚飯係呢度啦!
不過，雞同鴨講左一輪，waiter同我都唔知大家想要乜？
望一望四周。。。。。。枱枱都係清一色Cevapcici，應該無死掛!
於是我右手食指篤一篤隔離枱果碟，Waiter舉一舉5隻手指，我呆一呆，學佢舉一舉5隻手指，佢再棟起拇指，我又學佢直豎拇指，之後大家同旁邊食客一齊哈哈大笑!～我諗算係溝通到明我講咩掛～～～
10分鐘後上菜，原來係5條肉卷配生洋蔥及鹽+巨形麵包，同平時食開既分別唔大
anyway啦，我唔客氣啦～～～
拿起肉卷，一啖咬落去———-wa～～～～～～鹹過我個人呀!!!!!!!!怪不得周圍食既都係麻甩佬啦!!!
不過有趣地，竟然越咬越覺肉味鮮濃，越食越好味!配麵包同啤酒真係一流!
一輪風捲殘雲後，ee………我點菜時唔記得問價錢tim……..希望唔好太貴啦………小二埋單!
「200阿爾巴尼亞幣ar～」wa成兩舊水咁貴!!!!!!
等等先……….港幣1對16.5………..$12蚊!!!!!!!!!？？？？？？？？？？食到飽加啤酒wor!!!!!!!!
點解我臨走一晚先發現你呀!!!!!？？？？？？尋晚果餐好貴ar!!!!!!T_T
咁尋晚果餐好貴係食乜呢？
去左hostel介紹係左近,位於街道Rruga Qemal Stafa,Hotel Vila e Arte旁的的餐廳(係Tripadvisor已經搵唔返叫咩名)
首先一入到去見綠色燈光已經唔開胃，但既係當地人介紹就試一試啦
要左個羊肉卷，基本上食唔到咩羊味，只知食緊肉，唔係好味又唔係唔好味，份量又唔係大，唯一可取係服務態度良好
最終係我唔飽，但d蚊好飽，仲收我成舊水，係呢個國家咁既價位係超貴的!可以ignore!
真係好少可hostel推介既會唔掂…………
不過，Hostel另一推薦餐廳又唔錯wor!
都係去位於我住果間Trip’n’hostel的必經之路Rruga Qemal Stafa，一間只開中午的阿爾巴尼亞大媽小店
根據hostel主人講，呢位大媽煮的完全係正宗本地家庭味道，遠近馳名!
之但係間鋪有d難搵，係一個唔顯眼門口的地鋪，我第一日就係死都搵唔到，攪到又捱三文治!
餐廳內選擇不多，只有約4-5種菜式，我要左傳統肉批，港幣$25
只見大媽隨手一“嗶” —- 好大舊，真大係好大舊!足足兩部IPad mini疊起咁大!
兩種芝士，肉碎，薯仔片，上枱時亂七八糟，其貌不揚
點知一放入口，不得了!薯仔片和肉碎已煮得味道完全融合，縱然混合軟滑的白芝士及面層的焦芝士同吃仍不會過鹹，反而更顯豐厚口感，啖啖食出層層好滋味
引用卡樂B既名句 ——— 好味呀!!!!!!!!!!!
跟住係一間我係Facebook page曾講過，令人大驚訝既餐廳!
阿爾巴尼亞既山寨肯德基—— AFC!!!!!!!!!!
呢間Albania Fried Chicken，由外型設計到內部裝修都同KFC有咁足抄咁足! 同大陸Starfxck有異曲同工之妙!
最正既係吉祥物，白鬍子肯德基上校變左白羽毛四眼雞丁呀!!!!!!
雖然性質上食四眼雞丁同放巴斯光年入口無咩分別，但一場嚟到無任何唔試既理由呀!
打開個餐牌，wa一舊雞係現時香港價格lai wor，睇完上面都知係阿爾巴尼亞食品真係好平，咁買一舊雞既銀兩似乎已經可以飽餐一頓!怪不得呢間AFC拍哂烏蠅啦
既來之則安之，叫左個脆香雞翼，3隻中翼連尖，約港幣$12
即炸，熱辣辣，端上來時，濃郁既香料味已在震撼嗅覺，大啖嚙下，鹹脆外層下竟有雞汁流出，雖仍是雪雞肉味不濃，不過已比正貨KFC好得多!（定係香港既太難食？）
食下食下…….好味係好味，但總覺得有種似層相識既感覺ge…..一定唔係第一次食…..呢種香料……呢種脆皮……..
哈迪斯!!!!!!!!!!!!!!!!!!!!!!!!
估唔到外儒內法，掛羊頭賣雞肉，扮KFC原來係哈里斯!
數年不見，風彩依然～懷念的中學時lunch滋味，居然比我係阿爾幹半島搵到你～
所以，就算呢間店櫈又爛員工又hea，呢份午間小點我仍然食得非常開心!
天氣咁熱，最好梗係食雪糕啦～
而係購物大街Rruga Abdyl Frasheri的路口，有一間非常排長龍既雪糕店，雪糕味道雖不及哥本哈根Nyhavn的名店Vaffelbageren and我於柏林的至愛（呢間遲d有機會要講下，食完呢一世唔會再食哈根達斯)，但也非常不錯!
不過重點係有Godiva式朱古力甜筒，即刻加哂分啦!
之不過小弟超on居地叫左朱古力味雪糕……兩隻味疊埋一齊分唔清楚兼甜到嘔law…..
講左咁多好野，係時候講下中伏類啦
於Cevapcici店旁有一間睇落加聞落都超掂既烤雞店，Last一日臨走前特登走去買返隻
誰知只有鹽既咸味同雞既雪味，仲要鞋過我腳板底，大拿拿$30港紙咁就無左!
仲有一間街邊的小店，夾包內的蕃茄醬顏色極奇怪，食落總係唔知點咁…….
stay左係2日2夜食左咁多印象深刻野真係少見!
其實仲有少少飲食類介紹未講哂，留返下篇講Tirana城市時先啦～
最後送上hostel的冰涼消暑生啤～個酒壺幾靚wor!
====================================
補完此Blog上未成文的相片和無聊閒事:
My Facebook Page : www.facebook.com/Garcia.in.Germany ，多多支持呀!~