蒙特內哥羅，就咁講妳會以為係哥羅芳d friend
打開地圖，唔zoom去巴爾幹半島都唔會知有個咁既國家存在於呢個世上
每次同人講我要去呢度都有人問又咩鬼地方嚟ga？
其實只要講佢之前個名就一定知 —– 黑山!
啊!!!!!!!!!!!!原來係佢～～～～～～住左隻老妖係裡面ga ma~~~把聲仲好似鄭中基tim!
無錯其實我係想去睇下聶小倩額頭係咪真係有粒癦je~~
蒙特內哥羅Montenegro (Црна Гора)，係世界最近期成立的國家，於2006年再立國，前身係“塞爾維亞和黑山”，再前前身係南斯拉夫共和國之一
即係再簡單d講，都係同斯洛文尼亞，克羅地亞等一樣都係南斯拉夫分裂出嚟的一個小國
歷史野，一如以往都係有興趣就自己睇Wiki啦～~
http://zh.wikipedia.org/wiki/%E8%92%99%E7%89%B9%E5%85%A7%E5%93%A5%E7%BE%85
而我既首站，係當地人公認全蒙記最靚既城市Kotor， 由克羅地亞Dubrovnik出發， 一日會有兩班車直達，一早一晚，只需兩個多小時，其實真係近得好緊要!
但據我所知，根本就無咩遊客會特登去，更莫講話香港人啦!但Dubrovnik係超多旅客ga wor!
係係係～～～我知係Dubrovnik有One day trip去蒙特內哥羅，但多數只係蜻蜓點水式去一去Sveti Stefan等兩三個景點影完相就走，深度遊既真係唔多
其實每次我去呢d超少人去、係香港幾乎聽都未聽過既地方都會超級hyper!
發掘未知既地方咁先係冒險ga ma~~~
未聽過既地方會唔會危險？巴黎同深圳日常都聽唔少啦…………..
但唔理ga la~~~睇我係巴士個烚熟狗頭就知我幾high la~
去到已經9點幾10點…….超咁早!梗係嚟個夜遊先啦～～
又真係少見歐洲有古城夜嗎嗎仲咁燈火通明!
而夜晚睇呢個Kotor古城，又係幾型幾有feel wor!
而夜遊左粒幾鐘後，買個包，返hostel睇下戲寫下文，係時候好好訓一覺啦～
Day 0就此完結
（山上既係城牆，好似有d萬里長城感覺……但都要天光先知乜料的～）
Day1
第一日正式遊呢個未被發掘既小國啦!
你以為我會望下Kotor個海邊山城係咪真係秦始皇監修呢～～～
我咁講得就梗係唔係啦～～
1st day我竟然係join左個Local Tour同一班外國人去蒙特內哥羅北部遊遍各奇特景點～～
始終發展既程度唔係咁高既國家交通都係好唔方便，有個tour guide一車送你去都係好既!
但問題就係………我成日都唔知去到果度係邊樹……….
好似呢個tour第一站既view真係靚到無得輸!
但你問我叫咩名？我真係唔知ar……………
好似下面個湖叫Slano Lake……..
第二站到左一間超小型既劏房東正教堂～
間教堂係私人擁有的，近期先對外比人參觀。
不過間教堂係深山一角，其實都無乜幾可會有人特登走嚟參拜上香啦…….所以當我地發現牆角既神之水滴，就明白呢間房既真正用途………..
對我嚟講～呢間教堂都係普通屋一間，反而四周既山色風光更引人入勝!
就咁睇相，我話係奧地利飄零燕都有人信!
距離教堂半個鐘車程，嚟到行程重點之一Devil Lake（Vrazje jezero）
點解會係魔鬼湖呀？點睇都係悟空扔左個元氣彈落去後有積水既隕石坑湖啦!
導遊話當地人覺得只有魔鬼先整到個咁既湖出嚟wor………ok你話點就點啦……
但呢個devil lake真係好靚好特別!
青草環繞既炎熱盆地中，突然有個藍色的冰寒巨湖，湖外邊幾近透明，水深不過足踝，但中央處卻突然急降，連色都變得深藍，湖面看過去超有層次～
簡單d講，就係一個超大既藍色pizza!Ok你話係魔鬼之眼都ok ge~
之不過湖邊有著鄉民放牧，牛羊低頭靜喝湖水，如此閑適，與魔鬼二字真談不上半點邊兒
離開冰涼清爽既湖邊，去到峽谷中的Durdevica Tara Bridge
大橋曾經因為阻止俄羅斯入侵而炸毀，所以橋上可以好清楚睇到新舊交接既痕跡————個導遊就係咁講，但我地成團人一d都睇唔出!搵左勁耐都搵唔到!只係見旁邊有人扮泰山玩飛索!
其實我好想玩……….但一定唔會係呢度玩law……..
而橋下既Tara River據聞係全歐洲唯一僅存可直接飲用既河水，咁我當然都唔會特別跑落山飲啖試下自己既腸胃耐力啦!
講左咁多，其實都只係總括一句就得啦 —– 呢度幾靚!
之後嚟到National Park Durmitor睇蒙記另一山水代表Black Lake（Cron jezero）
睇相係話個湖係亮透黑色的!woo好特別wor!
去到一睇，woo無咩特別wor!
個顏色咪同普通湖色差不多，好黑咩？好似鮑魚仲黑過佢!
導遊話個黑色要係某d打風日子先會出現………………
夠啦下………..我開始覺得呢個導遊既說話相當有嫌疑………
打風天黑，個湖唔係黑色唔通發光咩………係呀有套黃金聖衣會標出嚟tim!
不過平心而論，呢個公園真係幾寧靜舒服～
環葫蘆狀的湖一周約45分鐘，四周山色遠近高低各不同，湖水則近看清澈，遠看反照群山倒影，的確係唔錯唔錯～
所以，黑又點唔黑又點，鍾意咪得law~
要回程啦，以Kotor周邊的鳥型內海灣全境作結～
蒙特內哥羅都只係一邊臨海je，點解我今日會見到咁多靚水ge？？
Anyway，第一日既蒙特內哥羅之旅，已經令我愛上呢個地方～
呢個Northern Tour唔報既基本上都去唔到呢d山卡啦地方，十零廿歐，抵玩呀!
回到Kotor，食個飯，睇場波，聽日繼續探索～
======================================================
=====================================
IG果邊間中會有d和Blog及fb page不一樣的相片和story，大家有興趣既去follow下支持下啦~
================================
我既Youtube Channel正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
=================================
- Email : funggarcia@gmail.com
- www.facebook.com/Garcia.in.Germany
文章同時刊於以下平台，請各位多多支持呀!!!!!!!!!!!!!