戰爭、炮火、死亡……呢d都係一般人聽到「薩拉熱窩Sarajevo」時會聯想到的名詞
又或會想到在戰火中緊緊相擁，戀情懷做依靠，至死也不分開的一對Romeo and Juliet
但作為具國際視野的香港人，我地更加關心既係，究竟係薩拉熱窩既華裔青少年，係點樣用砵仔榚，嚟醫陽萎ga呢？
為左解開呢個迷，我、鋒．加西亞，聲音導航，走入呢個曾飽受戰火摧殘既禁地，同大家一齊睇真D!
do~dodo~do~dodo~dodoo~~~~
未改版前既繁體中文google地圖，你會見到波斯尼亞首都叫做“塞拉耶佛”Sarajevo，又耶又佛好雜亂!
但略一search下，就會知呢個就係90年代中新聞常常聽見既薩拉熱窩，當然出親嚟既新聞都無咩好野啦
事實上我都係一知半解，睇完一堆資料後先知，薩拉熱窩由92-96年發生左近代最長時間既圍城戰（詳見維基百科 薩拉熱窩圍城戰 ）
即係話當地居民驚足4年食足4年子彈，真係諗起都慘…………
事隔多年，呢個城市究竟變成點呢？點都要親身嚟睇一次ge～
由Mostar出發，不論火車定巴士都係兩個半鐘，但有趣既是火車竟然仲會比巴士平!
度縮如我當然係平d果隻啦，點知一日只有早，晚兩班火車
第二朝係周公強烈召喚下，都係選擇較密班次既巴士啦
要注意車飛要係開車前約15分鐘先有得賣
終於來到呢個著名既城市啦!
天氣仍然係熱到嘔，巴士站無地圖，去餐廳問路比人踢走，去Biohazard火車站又一個人都無
唯有依靠hostelworld.com上超級唔清晰既指示坐車去旅舍啦
Balkan Han Hostel，總算你唔太難搵～
（事後聽聞呢個火車站好多罪犯搵食，站內仲唔比影相tim…..）
(Tram亦較殘舊，有d布拉格feel)
(呢兩日既hostel Balkan Han)
係歐洲旅行，先到市中心舊城區打個白鴿轉已成習慣（所以去到倫敦呢d無old town既城市我即刻唔知點行……）
薩拉熱窩都不例外，舊城區Bascarsija以西邊的Eternal Flame為起始，地上有一火盆，是為了紀念二次大戰時的軍人及死難者的
然後一條大直路行入去，兩旁滿是現代咖啡廳，酒吧，購物商店等等
另外d教堂呀清真寺呀街頭表演呀情侶分手呀就基本功啦!
講真呀，睇住街上行人和coffee shop既一張張悠然臉孔，實在難以想像十幾年前呢度仲係魂斗羅緊
就咁睇相，話係德國都有人信呀
沿舊城西邊行入約5分鐘，慢慢會發現四周既建築高度、風格、景觀會漸漸改變，開始有少少阿拉伯或中國小數民族風
而最後會見到呢個薩拉熱窩地標Sebilj Brunnen
說穿了就係斜路廣場上既一個爛亭，不過出奇地又比到人一種古樸既美感，令人會忍唔住駐足留影
我影相比較弱雞，但postcard內就完全可以show到果種氣勢出嚟!咁當然photoshop應記一功啦～
順帶一提，廣場附近唯一既曬相鋪門口的postcard係最靚最平的，連對面既information center都比不上，去到記得買!
(Sebilj Brunnen，係有d架勢!)
(曬相鋪~個老闆都好nice~but not these two guys)
行完可以向南走出舊城，沿引水河道Miljacka散步，或至上游山峰上觀賞市景
與其他歐洲城市不同，Miljacka似明渠多d，上游有堤壩閘水，該是功能性多於觀賞性
大熱天時我得佢貴性呀，係水邊涼爽d就得啦～
之不過，我望住腳下滾滾長江東逝水，諗起昨日係Mostar差d被衝走既鯉魚旗式飲水經歷 ，個心即刻寒一寒!
呢度都好淺水ja wor………仲要我齋望ja wor……….死啦………我唔會有陰影掛………
睇嚟都要快d搵返357個比堅尼女郎共泳嚟擺脫陰影啦…….
行完市中心，係時候周圍走亂咁行啦～
薩拉熱窩城本身就係建於山谷盆地之中，當年圍城就係名乎其實360度全方位圍位你唔比走!
所以如果要由縱向咁步行觀光，要有心理準備要不停立體V字咁上山落山上山落山…………
36度下好囉命je!!!!
唉嘈咩ar~要睇下當地人生活係咁ga la~遠離商業區呀～
係呢度，仲會睇到一d遊客區無既野，例如呢樣 ——————–
牆上面幾百個窿!!!!
d白蟻咁犀利!叫左你班友平時勤d打掃ga啦!!!!
笑就係咁講，但都印證左當時長達3年多的圍城有幾咁恐怖
諗下，隔離屋放炮仗大聲d你都驚啦，而家有支同佢無仇無怨既AK47掃緊你!中一下既血量夠餵蚊一年ga!
更重點係，一個唔覺意你中左招上去搵穌哥，你都up唔出邊個隊你! 唔知搵邊個報仇呀!!!
連續不斷地生活於隨時無命既惶恐之中，我地想完全理解當時人的心情是不太可能的，但都要引以為戒，no more war plz!
但係有時無聊諗 : 會唔會佢地已經習慣左當無野—-
「阿媽!隔離又開鎗啦!」
「係wor，……….好啦快d食埋啖飯呀衰仔!」………..
夕陽西下後的深藍天色，是夜景燈光的最佳襯托
晚上的薩拉熱窩，換上另一股的風貌，相同的只是仍然充滿活力
笑聲，吵鬧聲，啤酒碰杯聲，會令你感到這城市生氣盎然
又或走到隱然為新地標的The Academy of Fine Arts Sarajevo，會靚到你唔捨得走的～
另聽聞此處既pub crawl都好出名，但我唔好party所以無去過
飲酒，係要嘆ga~
咁都2千字啦!寫得實在太長，死唔斷氣咁你都唔想睇啦～
係度停一停先～下回繼續!
========================================
補完此Blog上未成文的相片和無聊閒事:
My Facebook Page : www.facebook.com/Garcia.in.Germany
終於過左1000大關啦!!超級多謝大家及Utravel and Ublog~請繼續多多支持呀!~
=====================================
請大家有興趣既去follow下我IG啦~
================================
我既Youtube Channel正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
=================================
- Email : funggarcia@gmail.com
- www.facebook.com/Garcia.in.Germany
文章同時刊於以下平台，請各位多多支持呀!!!!!!!!!!!!!