無錯!你絕對無睇錯標題!我又返返嚟Croatia啦!
之前話到明大長篇嗎，幾時有話克羅地亞就咁完左je~
我離開波斯尼亞，回到巴爾幹半島西的亞德里亞海岸線繼續向南推進，回到克羅地亞最南端既Dubrovnik杜布羅夫尼克~
睇到上面個map就發現Dubrovnik係零零捨捨被隔開左的
呢個好明顯係d政治軍事講唔掂數留低既野，不在此blog討論範圍啦～
我只係知一般歐洲遊客都認為克羅地亞最靚同最佳既渡假城市就係此地，不過我問本地人就話Hvar靚d（第104 105章 ，），杜仔反而無咩特色
Anyway啦，點都要用自己對眼親自睇過ge~
由於地理位置關係，Dubrovnik係一個好難“路過睇下先”既地方，係要特登走一轉的
方法可以學我由波斯尼亞首都薩拉熱窩坐Euroline巴士直落，中途經Mostar，車程約5小時（係Split巴士出發都一樣）
又或從其他克羅地亞或地中海大城市坐船直達，如Split，Hvar等，威尼斯都好似有
如果我地假期緊迫既香港人，遊斯洛文尼亞及克羅地亞又想嚟杜仔玩ge，學我朋友係首都薩格勒布先坐飛機到達再由南玩上北都係唔錯既選擇～
不過值唔值兜咁遠，就睇埋我呢篇先下決定啦～
Dubrovnik旅遊重點在於舊城區，係一座外面既人想入去，入面既人想出嚟的圍城
這個圍住了的角落，同其他克羅地亞城市一樣只有紅白藍三種顏色 : 紅係屋頂白係灰泥藍係海
遊覽方面大致可分為城內、城外同城上，有趣既係每個地方只可以睇到一種色
大家去到一定係見到城外先ga la~
一貫亞德里亞海藍到你唔信+清澈透底無敵海景!睇幾多次都唔會厭!
亦因為Dubrovnik舊城係座落海邊的巨型要塞，所以於高矗城下的大海又係另一番味道～同之前的Rovinj、Zadar、Hvar等又係唔同～
睇左我咁多篇克羅地亞講海都講到詞窮!睇相把啦～
(去城堡的路上已經係咁靚~)
(呢張相先係Dubrovink既精髓!!)
走進城的內部，首先你會有一種好熟悉既感覺，見到一個似曾相識既情景～
腦內靈光一閃!係啦!係你啦!
好多大陸遊客呀!!!!!!!!做乜尖沙咀廣東道咁既樣呀!!？？？？？
再重申一次我係好愛中國ga!但一班旅遊文明程度唔高既旅客嘈冤巴閉大聲呼叫兼塞住個門口，好難唔慶ga wor!
唉避之則吉，好怕嘈ar………..
內城感覺同Zadar及Hvar分別不大，都係地中海式既灰白磚頭建築，有教堂有廣場有表演，咁話哂係大城又的確係氣派d ge~
之不過石地板真係好滑好跣，著拖鞋最好小心～
在大小不一的街道裡橫衝直撞，愛在舊城窄巷，感受下其中氣氛都係一件樂事～
個人覺得Dubrovnik最值得行既都係佢座城牆!
雖然36度高溫下的城牆太陽直射落嚟唔好話易中暑，人都燒著呀!
但呢座城牆真係夠靚夠闊夠雄偉夠曬死人，最重點係夠進擊之巨人呀!!!!!!
係城牆北面高處，放眼一片橙紅而平坦既屋頂群，就好似可以隨便踏於其上，睇艾倫首戰對巨人時一樣（之後被食左隻腳果次呢……）
加上屋頂就於圍城牆之內，點睇都覺有個巨人爬緊入嚟啦!
雖然套片內容真係好慘好絕望，但我都忍唔住不停神經地幻想自己有部立體機動裝置係屋頂彈來彈去!
繼日前係薩拉熱窩“戀情懷做依靠”左兩日後，今次主題曲變左“紅蓮之弓矢”…………
wa阿鋒你真係毒不可耐…………………
好啦咁講返城牆law～南邊可以看海～幾靚～完～
除左行遍城內外，其實仲可以選擇坐纜車上山頂俯瞰整個Dubrovnik，聽聞呢個先係最best既view!
但我去到時岩岩走車，5分鐘後就話有舊大雨雲嚟緊要close………
緣慳一面，唯有離開時於巴士上影返一兩張相安慰下自己啦
唉山上望落真係好靚ar…………..
(巴士上所攝既Dubrovnik全景，的確係唔錯)
另一件係Dubrovnik必做之事，就係去城南中央既懸崖酒吧比人昆錢啦～
只要沿內城牆由東至南步行，就會見到一個叫“Best view bar in Dubrovnik”咁上下既指路牌，跟住行多幾步上樓梯就會見到～
係一間穿出城牆，建於懸崖上既露天酒吧!
講view，呢個深深的藍海真係無得輸!
忍唔住都叫左支冰凍cider～於大熱天時飲住酒吹住海風聽住海歐叫都咪話唔爽～腳下仲有好多痴線鬼仔玩高崖跳水tim～
望下海寫下blog咁就兩粒鐘，埋單時我唔夠克羅地亞幣（HRK）又無得簽卡，不過我坐低前問過收歐元所以無事啦～
張單嚟到，38HRK，對7.5，即約5€左右，ok啦～
之後佢話歐元價係7.4€!
咩話？？？呢個咩匯率嚟ga???之後仲話無咁多歐元，10€錢找2€大餅，神沙比HRK!!!!!
8€飲支超市0.75€既cider……….ee點解我條頸咁多血ge？
係值得嚟飲野，但睇完我呢條大水魚後大家好唱定HRK先去呀!
(總覺得爬獨木舟唔係問題，問題係件救生衣好熱……)
其實Dubrovnik定位係歐洲有錢佬大花筒之地，所以任何野都好貴好貴同好貴!
亦因為係出名既遊客區，所以街上都係普通話普通話同普通話!
貨幣匯率亦由正常1€ : 7.5hrk變成7.3hrk，加上成個克羅地亞都無乜地方可以簽卡，最好係其他克仔城市唱定好d
亦因為身上HRK所剩無幾，所以晚餐都係超市買餸做煮家男人算
(我係唔健康既代言人，放心堆肉include埋第日lunch ga~)
(睇住山景食意式三文治~唔好食都變好食d~)
(又係例牌既克羅地亞巨型街邊漢堡包)
另外此地既住宿亦係嚇死你咁貴!
夏天開始既旅遊旺季，市中心hostel 多人房床位竟然可以貴達40€一晚!
無錯呀!丹麥係30€,佢貴過北歐呀!!!!
就算克羅地亞唔係想像中咁平都唔係貴到咁ar？？於是只好選擇遠d既地點
但整個Dubrovnik其實係由數個山谷組合而成，即係每次來回舊城或其他地點都要遊完個高山遊完個谷!
而且山路彎曲難認，小路又多，囉住地圖都唔易搵
所以縱然巴士又疏又逼，但都係坐坐佢穩陣d
如果唔係就會似我，離開時有地圖都行錯路，最後要full裝備下直跑落山去巴士站，差d趕唔切走車…….
(呢間hostel好似已經close左，所以唔多講la)
好啦!克羅地亞大長篇真真正正在此結束啦!
總括嚟講，克羅地亞真係個個城市都各有特色地靚!
沿亞德里亞海邊求其一個city都可以surprise you!
將來我應該都會再嚟再次，聽聞我miss左個食蠔天堂呀!!!!!
(我到埗時權力遊戲Game of Thrones都仲未紅，所以而家一定再貴d再多d，點去呀…… updated 2023-09-11)
========================================
近期唔知咩事，個BLOG瀏覽率又無乜大增長，但係個Page就多左好多人Like，我又成兩星期無寫新篇，究竟邊個單位咁支持幫我宣傳呢??
但的確係開心事~唯有在此向各位支持我既網友再三感謝啦!請繼續多多支持呀!~
=====================================
請大家有興趣既去follow下我IG啦~
================================
我既Youtube Channel正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
=================================
- Email : funggarcia@gmail.com
- www.facebook.com/Garcia.in.Germany
文章同時刊於以下平台，請各位多多支持呀!!!!!!!!!!!!!