現實時空既我,正身處德國慕尼黑國際機場。
無錯,話咁快,我呢個working為名環遊歐洲為實既holiday已經來到尾聲
心情真係好複雜,一方面好掛住香港好想立刻返到去,另一方面又好唔捨得歐洲
原來一年係可以過得咁快(其實只係313日咪昆人啦!)
我腳下踏足過咁多地方,一瞬間,好似全部都要失去啦
回到香港,就唔可以再過呢種每日都在開眼界的冒險生活,也再沒有自己一人想做就做的逍遙自在生活了
當然我理性明白,如事情永恆不變就會失去價值吧!
最美好的,一切已記在心內
機場內人們熙來攘往,我內心卻平靜而激動
前日落機返到柏林時,於地鐵內幫一個英國家庭解決左交通問題,我才發現,原來我對柏林係幾咁熟悉
走到車站內,左一轉,右一柺,完全不用思索
走到大街上,可完全放鬆地想自己的事,身體會自然地左閃右避引導前進
真的,就像在香港,你從來不會思考如何過紅綠燈
不知不覺間,這裡已經完完全全成為我的另一個「家」
離家的心情不是第一次遇上,但每一次都是這麼的不習慣
常說離開是為了回來,當年離開北京承諾自己一年後再回來,做到了,這次呢?德國可不是隨便話來就來,始終仍有很多擾人的凡俗因素
但也許亦是一件好事
下次再來時,我也許能以另一種更新的角度心情去看,又也許是會帶著重要的人,細說暢遊這個影響我一生的地方………..
未來仍然有很多未知數,這才值得我們去期待吧
大家都知我既文章嚴重追唔上現實進度,所以如果我平安無事的話,歐洲遊記仍會持續多一段長時間,保守估計起碼仲有廿個chapter,就嚟長過狐忍ga啦………….
而真正對此working holiday既總結,我都想係寫哂整個行程先講,始終現在思緒太亂,需要沉澱一下先,寫此文只為一記現時心情而已!
點都好,我知到好多朋友同屋企人等緊我,回家縱然要失業一段唔知幾長時間,但今次應該捱得過的~
Can’t wait to see you all!
香港,我回來了!
(鋒加西亞 17.7.2014 德國 ‧ 慕尼黑)
===================================
IG果邊間中會有d和Blog及fb page不一樣的相片和story,大家有興趣既去follow下支持下啦~
Instagram : https://www.instagram.com/fung_garcia_backpacker/
==============================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
=================================
Email : funggarcia@gmail.com
Facebook Page : www.facebook.com/Garcia.in.Germany
文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!!