*********注意: 本篇含有大量床照，不喜勿進
開講有話「外國月亮特別圓，鬼佬床褥特別軟」
在歐洲以至所有西方國家旅遊，最唔習慣既，分分鐘就係夜晚果張軟到幾乎吸你入去既床褥
今次就同大家分享下小弟係歐洲的床上經驗(!?)，兼有澳洲EMMAS澳美斯床褥評價tim~
＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋
相關篇章 : 《歐洲隨筆系列》
＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋
記得當年working holiday剛到步慕尼黑的住宿Euro Youth Hostel ，佢幾乎公認係best hostel in town，所有設施都非常一流住得好舒服
唯一有個問題 ——– 張床太軟了!
住hostel既人，總會習慣坐係床上睇書執野偷聽隔離玩野，但Euro Youth的床根本坐唔到!
因為張床太軟無乜承托力，只要坐上去，整個臀部連帶重心向下墜，情況好似水上樂園坐水泡玩激流咁，根本唔可以靈活郁動!
所以我每次執野都要囉8人房果一千零一張凳坐係通道執，阻路都無計了
但要數最過份的，首選絕對係柏林的Hostel Inn-Berlin
呢間hostel價錢平Wifi勁地點亦不錯，原本打算長住，老闆仲話長住有折tim! 點知張床軟到水床咁! 唔好話坐，連訓落去個中間位都成個V字出哂嚟!
第二朝起身似比人打完一身，條腰痛到行路都無力!
水床呢家野玩一兩次就開心，晚晚訓條腰一定死得!
所謂好腰好腎好男人，為左我仲可以做男人，當然係立即走佬啦!
後來我轉多一間hostel，係柏林No.1的EastSeven Berlin Hostel落腳長住一個月
佢張床都係軟，但至少比以上既好，唔會一落床就向下沉上唔返嚟
喜歡你讓我下沉?
痴線咪攪!
開頭以為只係德國Hostel既問題je，誰不知往後周遊歐洲不同國度時發現，歐洲人真係非常鍾意訓軟床!
佢地會覺得好軟好舒服，床太硬會好辛苦，有唔少靚住宿甚至標榜「張床軟淋淋好正ga!」
我係格魯吉亞住果間Pushkin 10 Hostel 更曾同我講:「我地d床已經係用最硬果隻，好驚訝你竟然覺得軟!」
大佬呀，張床軟到我訓醒驚有椎間盤突出呀……… 訓左上去直情連轉身都有困難.……
所以真係唔明，咁鬼軟，床上運動時點樣發力ga呢? (I mean做sit up)
＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋
相關篇章 : 《德國working holiday第三十一章 : Hostel的決擇》
德國working holiday第三十一章 : Hostel的決擇
＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋
咁點訓ar????
我想話，我係歐洲訓得最舒服既ge係 —— 梳化床!
由於歐洲人對床褥的概念係「軟係好野，相對硬係cheap野」，所以大部份的hostel及出租屋的梳化都以硬身為主
而所謂既硬，真係硬極有個普，最多同香港巴士新車座位差不多，咁就岩岩perfect啦!
我柏林既第一間屋 —– 訓左一星期就捨棄張床改訓梳化!
我柏林既第二間屋 —– 屋主同我講「唔好意思呀你呢間床得梳化床，你唔介意ar嗎? 收你平d啦」
我非常唔介意tim啦!
張梳化床承托力一流，我晚晚睡眠充足，心滿意足!
更導致後來我係世界各國旅行，even係超靚酒店，只係佢係棉花床——– 對唔住我賤骨頭，我訓梳化得啦!
(第一間屋，床褥都係超軟)
(第一間屋呢張梳化陪我渡過了每數個晚上~)
(第二間屋，直接係梳化床，正!)
的確我係鍾意訓硬身床，作為男人就係要硬! 熱血硬派先係真男人!
但原來太硬都真係頂唔順……..
係慕尼黑大病時曾在朋友家暫住數天，床鋪唔夠，只有一塊貼左地氈的木板頂住先，訓醒背脊硬如木板
果幾晚，我非常想要一張軟淋淋既床，吸我入去啦baby………
(中間呢塊，腰痛首選)
(自能怪自己太驕生慣養，阿爸果一代咪又係訓床板!)
所以床要訓軟定硬，有時真係睇個人喜好及狀態~
不論軟身定硬身，只要佢夠承托力，訓得舒服，訓醒唔會腰痛傷脊骨就無問題啦~
而澳洲EMMAS澳美斯的 Jimboomba床褥就真正做到軟硬適中，綿得嚟夠承托了!
Jimboomba床褥使用三區獨立袋裝彈簧，無論高矮肥瘦都能夠緊貼身體，包圍感強兼承托充足，更獲得香港執業脊醫協會認證，保護腰骨方面絕對無得輸!
而且Jimboomba仲有NACA 澳洲防敏認證，即使哮喘或過敏的患者都能夠睡得安心
至於我自己同屋企人使用澳洲EMMAS澳美斯床褥的評價，講真係無得彈的
訓落去會有種「比床擁抱住」的感覺，貼身輕柔，軟綿得嚟卻承托力十足
我知講係無用ge，比條片大家睇睇先~
我家中兩老一直有肩胛痛，問題似乎沿自側睡時自身體重壓住自己
但當佢地用左呢張Jimboomba床褥後，真係無左肩痛手痛! 證明佢個壓力吸收真係做得好好，唔到我唔服!
仲有另一隱藏賣點係張床褥睇落大牛龜咁，實質好鬼輕!
我娘親一個老人家都可以拉起棟高起床板，咁就可以慳返我幫佢手做家務既時間了~(大誤!)
以上，就係我既澳洲EMMAS澳美斯床褥評價~
有興趣ge，不妨去佢地官網https://emmas.com.hk/訂購，又或去佢地港九新界門市訓一訓試一試先啦~
睇篇文既尾聲了，究竟我同最頂張topic photo既韓國少女坐係床度，有咩後續事情發生左呢??
係乜都無ge!!!!
因為我成個working holiday只有呢一千零一張女性的床照~ 咪囉佢做topic photo law~
咩呀! 我想ga????? 樣衰無罪ga!
我都想係希哥呀!
====================================
請大家Follow我Instagram啦~
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
=================================
相關篇章 :
歐洲隨筆
《002 – 德國人少見多怪的飲食習慣(上)》
《003 – 德國人少見多怪的煮食習慣(下)》
《005 – 卑鄙無恥的免費廁所全攻略》
《006 – 路不同，各自遠走》
《007 – 土耳其烤肉卷》
《008 – 喚起聖誕的葡萄酒》
近期文章
《014 – 紅香爐峰10分鐘極速攻頂︱維港日落全景最佳選擇》
《015 – 西貢泥涌︱大海、夕陽與天空之鏡》
《13 – 銅鑼灣避風塘堤壩︱維港海中心看夕陽︱鬧市的避世角落》
《14 – 銅鑼灣鐵板燒小店︱日本水準的大阪燒》
《016 – 長洲行山︱北晀亭輕鬆看長洲全景》
===============================
Email : funggarcia@gmail.com
文章同時刊於以下平台，請各位多多支持呀!!!!!!!!!!!!!