上篇講左好多食物，今次講下煮食方式呀
德國人，或者西方人煮飯有種特點，就係一件事有一種工具
倒意粉水要用金屬筲箕，撈起意粉要用指爪型湯羹，鬆肉要用肉鎚，切香蕉一種刀，切蘋果一種刀，切肉一種肉，劈肉一種刀，劈友又一種刀…….一個廚房幾廿萬種工具
「將呢塊野放係煲面，d意粉水就唔會滾瀉!真係一個超勁既發明!」德國成長的波蘭籍房東興致勃勃向我介紹果塊綠帽狀既軟膠時，我心裡都湧起左一舊硬膠……..煲蓋唔蓋實咪得law…….
總之觀察所得，佢地無左果樣工具就做唔到果件事
所以係hostel，好多鬼仔都驚訝點解我一對筷子可以做哂煎扒炒蛋煮意粉
有幾奇，一種工具幾廿萬種用途一向係亞洲人既強項!
古有揸住支竹揭竿起義，近代有BBQ爐土法煉鋼，仲有保鮮紙、茄子、青瓜等等等等既另類用法，幾咁博大精深!
唔係話鬼佬分咁多野用係蠢，只係西方係博而專，東方係專而博，係思考方式不同…….ee呢個似乎牽涉到中西文化差異研究了，在下所知皮毛而已，唔講啦～
(好彩自細訓練筷子功有返咁上下!)
(蛋都係筷子炒出嚟~)
(都係我地香港好野，屠龍刀都有幾種用途)
德國人對廚房清洗會有另一套完全不同的觀念
每次煮完飯要將爐頭抹到一塵不染新既一樣“立立零”絕對係基本工!
特別如果你同德國人sharehouse，唔擦到佢照鏡佢地真係會黑你面。你當面對日本人既要求就差不多ga la
另外如初來報到，你會發現做乜兩個人住但會有十支刀叉同二、三十隻碟
原來佢地食完d餐具唔會即時洗，而係隨手扔入洗碗碟機關門大吉，儲得兩三日，部機食飽啦先按掣一齊洗，慳水慳力慳時間
所以有時會發現「做乜無左個煎pan ge？」，好明顯就係個臭到怨既洗碗碟機內滴緊茄汁啦………
順帶一提，大部份德國既餐廳的「洗碗碟技術員」主要工作都係將d用過餐具倉庫番式放入機內一鑊熟而已，只有少量要親自動手洗，呢個都同德國人重視工人福利，避免使人太盡有關（但中餐館就…………）
雖然洗碗碟機都幾貴下，由於實在太方便又洗得乾淨，幾乎都係現代德國家庭既必需品。至少我間屋就連浴簾窗簾都無但有部機law…….
老友C小姐就曾大呼 : 第日結婚老公唔買洗碗碟機我唔煮飯ga!
上個月佢婚就結左啦，我拭目以待ar~~~~~
(p.s.前晚gathering時佢話真係買左……..我輸了……)
(遠處廚櫃白色紙果部—-Cat’s Pajamas@Berlin)
(白色好大果部—-East Seven Hostel@Berlin)
但奇怪地抽油煙機真係10間屋有9間都無
佢地唔係唔煎野食，只係佢地真係好少用猛火，要食物脆身就入焗爐，有煮飯味就開窗攪掂
所以我地班中國人，幾乎野野煮親飯人地就以為火燭!煎炒煮炸乜都齊，一唔覺意就成個廳煙霧彌漫，「香港仔，你係咪煮緊個炸彈出嚟？」
勸大家，要煮食，真係小心油煙麻煩到人呀…….
(Berlin第二間住宅，廚房乜都齊，獨欠抽油煙機)
(難得見到大排檔級別的抽油煙機—- East Seven Hostel@Berlin)
其實自己住係德國唔算耐，亦唔係咩德國文化專家， 呢兩篇文章純粹係我既個人見聞， 相信一定好多朋友持不同意見或見到完全不同的一面～
咁人類嚟ga ma~邊有可能個個一樣呢～
歡迎留言討論～
========================================
好多靚靚地相片及無聊小故事的Facebook Page :
My Facebook Page : www.facebook.com/Garcia.in.Germany
請多多支持呢~