係新加坡篇開始之前，首先要多謝ULifestyle同UBlog比我參加「U Blog x HSBC Women’s Champions 請您飛新加坡 睇Golf + 音樂節！」活動，等我可以lai個3日2夜快閃獅城
可惜既係同是3日2夜，
點解無歐陽巧瑩陳庭欣林泳淘陳婉衡張秀文朱智賢一齊把臂同遊浸溫泉玩泥漿?仍然只得我一支公晝夜無間踏盡面前路
算啦，作為背包客都慣哂了~
不過今次有sponsor機票酒店，同背包個concept有d d背道而馳……..
Anyway~儘管有d野唔係我一貫風格，但作為旅遊Blogger，都用幾篇文講下呢幾日係星洲食炒米之餘仲發生左咩事啦~
好~新加坡短篇遊記開始!
====================
今次去新加坡主要有3個活動要參與，第一個就係「HSBC Women’s Champions Music Festival feat. LEE JOON GI [THANK YOU] ASIA TOUR – Press Conference」，中文大致上就係「匯豐女子高爾夫球賽音樂節暨李準基亞洲巡迴演唱會 – 記者會」
李隆基? 唐玄宗ar ma~ee復活左咩?
啊李兆基!「舉頭望明月，低頭思故鄉，好詩好詩~」
以上兩個都好出名，但李準基???抱歉，小弟真的孤陋寡聞了
用維基起下底，原來真係幾有名，係一個韓國男人來的!
既然咁利害，都有一見其盧山真面目的價值呀!
落機放低行李後，就直接去位於聖淘沙Amara Sanctuary Resort Sentosa的記者會現場了
未落的士，離遠已經見到一大群少女囉哂相機lai迎接我!
點解咁sure係等我?梗係啦! 因為我未落車佢地已經10萬分貝尖叫定，仲一擁而上衝上lai!
wa ULifestyle真係唔話得! 竟然搵咁大班妙齡少女lai歡迎我!
佢地咁熱情，我都要回應下先得~Lai個賭神式落車先——–dodo—do—dododo~~~~~~~
………………………..
Ee點解佢地突然靜左走開哂ge?
話哂都係酒店的會客室，有返咁上下靚是合理的，而setting方面都係standard的記者會format，即由前至後係backdrop+stage–> 坐滿fans及記者的100多個座位–> 記者拍攝區
最顯眼的只有backdrop上面李準基個深情大頭look
接待我的公關Eric話我可以坐埋去d凳度，但我一來唔鐘意比一班美女圍住，二來唔想一陣阿基仔出來時耳膜破損，都係行開d好!
而我難得無厘頭多左個「來自香港的記者」既身份wor，老虎都坐係記者拍攝區扮哂野啦!
不過人地拍野囉哂長短火箭炮，我就得部防水傻瓜機，真係一睇就知我係混吉的
等左一陣，呢位人稱韓國男神既李準基終於出現了
就如video所見，李準基係標準香港女生鐘意既韓國男人類型，即係鼻高高、眼細細，瘦瘦削削，白白淨淨無乜生病look~
髮型精心打理過，唔係韓式平陰，反而有郭富城剛出道時的感覺
比起我所喜愛的韓國男人 — 李秉憲剛強勇猛，張東健演技出神，劉在石聰明和善，哈哈狡猾多智，李光洙戇居反骨 — 完全是不一樣的氣質
(應該唔使講邊個打邊個la掛)
一輪鎂光燈的閃爍，基仔坐底接受主持人訪問，問的都係果D「你對新加坡有咩感覺呀?」「今次演唱會有咩辛苦之處呀?」等等
睇住佢接受訪問，我真心感受到做藝人真係好辛苦!
當翻譯覆述答話時，基仔為左報答d粉絲，不停地chok出各種各樣的型樣 —–有時又扮下心心，有時又扮下花花，伸脷飛吻輕撥秀頭眼神攻擊絕對不少，惹來台下fans陣陣尖叫!
其他人可能覺得佢作狀，但諗深一層，佢都係應fans要求服務大眾je~
同我地買隻2米高ge史奴比企係尖東海旁送比女朋友其實無咩分別ga ja!
(Some of Photo credit: Unusual Entertainment Pte Ltd)
訪問環節結束後，基仔同兩位著名既女子哥爾夫球手一齊渣住支桿飲一口露一手
但我身處後排睇唔到，唯有用官方照片比大家feel下啦
(Photo credit: Unusual Entertainment Pte Ltd)
入完洞後，1個小時的記者會就此結束，基仔就聽日演唱會再見啦
但一班fans明顯唔想聽日先見，所以係我等的士離開聖淘沙時，有幸親眼目睹難得一見的非洲動物大遷徙
總結來講，雖然，明顯基仔就唔係我杯茶，但能夠出席呢d記者會，近距離見到呢個韓國，以至亞洲的演藝大紅人都真係一個難得既體驗~
有趣有趣~
回程時不禁諗 : 如果呢個記者會主角唔係李準基，而係我最愛的那位三重縣女神歌手又會點呢? 我會唔會同岩岩班狂熱fans一樣尖叫追車呢?
…………………….
er……………………………………
唔會，一定唔會!
我只會衝上台啄木鳥式狂咀佢(^ ₃ ^)(^ ₃ ^)(^ ₃ ^)(^ ₃ ^)(^ ₃ ^)(^ ₃ ^)(^ ₃ ^)
================
溫馨提示 :
記者會後，我發現基仔雖型，但我亦有一併之力，故此舉行左「瘋人鋒語 – 第一屆男神選舉」!
截至現時為止，我係實至名歸地以大比數拋離李準基的! 各位好朋友果然有眼光!~
如果大家覺得我拋棄得咁少唔合理ge，歡迎click落去下圖我既Facebook Page投下你神聖一票的!
=============
Email : funggarcia@gmail.com
Utravel Blog : http://blog.ulifestyle.com.hk/blogger/aeolusgarcia/
Instagram : https://www.instagram.com/fung_garcia/
DCFever – Fever Travel : http://www.dcfever.com/travel/utravelogue.php?id=799202
My Facebook Page : www.facebook.com/Garcia.in.Germany
始終都係整唔到Facebook Plugin Page，唯有用photolink頂任先!
請各位繼續多多支持呀!!!!!!!!!!!!!!!