第二個重點活動係「HSBC Women’s Champions」匯豐銀行女子高爾夫球冠軍賽
高爾夫球對於一般香港朋友都是比較陌生同離地的運動，感覺打親既都係有錢佬
再者係90年代末興起返大陸打golf熱潮，各香港太太都非常擔心老公去完觀瀾湖打18個洞後會再去二奶村打18個洞
但近年golf已經洗底，除左唔少人去南華會及長沙灣果邊打波外，香港舊年亦已有女子高爾夫員陳芷澄係奧運勇戰!
可惜既係今次新加坡呢個比賽佢無參加，未有機會現場一睹其身手
而事實上我既golf經驗只有打過一次Driving Range同平時睇新聞only，今次難得有機會，就lai學下野，見識下真正既golf有幾精彩啦~
剛到聖淘沙高爾夫球場就見大大塊電子版寫住「落雨，14:15繼續」
一班球手當然無休息啦，係近club house旁的練習草地keep住做打波保持狀態，旁邊就有一大班記者同觀眾圍觀
青翠草地+白色圍柵+包圍影杷的人們……………個感覺咁似清境農場ge…….
到14:15雨勢真係稍停，新加坡天文台又幾準wor，好啦比賽開始~
第一次睇golf比賽on居居唔知點入手，咪傻更更跟大隊人地行到邊咪睇到邊law
慢慢開始發現規則——大致上係將選手分成每2-3人一組，每組分別於唔同既劃定場地比賽，每個場有一個窿，最先將球打入洞為勝，成組完成哂就會一齊出發去下一個劃定場地，直至打哂咁多個洞為止
至於標準桿果d總計分法相信大家都好熟唔多講了，但其實我就咁stay係圍欄外，係真係睇唔到/睇唔明呢個洞既標準桿究竟係幾多，換言之我亦唔知道球手入波後成績究竟係低一桿既”小鳥Birdie”定係低兩桿既”老鷹Eagle”
咁咪唯有唱住Hotel California支持下先law
「welcome to the Hotel California~~~~」
「呢位先生唔該收聲呀!」
唔係我唱得難聽，而係睇golf原來唔出得聲!
係每次球手預備擊球前，旁邊都有工作人員舉牌示意”Quite”以免影響球手專注力，所以同桌球一樣都係”歡呼要在入窿後”
比賽中就有兩位觀眾以課室傾偈的聲浪吹水，唔大聲，但已經比人猛打手勢制止
係一個幾百人的露天空擴場合竟然靜到烏蠅飛過都覺嘈，講真都幾恐怖
比著我係球手，咁樣唔係集中反而係壓力law ————– that’s why我唔係球手呢~
好多人以為golf都係行行企企fing下支棍好hea je
但我想講，原來高爾夫係一種非常體力化既運動! 對於體能既要求超大——–我意思係對觀眾既體能要求超大呀!!!!!!
平時我地睇籃足排網球壁球兵乓羽毛球全部好簡單，入場坐低涼冷氣吹風扇，最多室外場曬太陽only
但高爾夫球係行到邊打到邊，我地班觀眾要睇清楚ge就一樣要打到邊行到邊，陪住球手係幾十個標準足球場咁大既哥爾夫場內遊完個高山遊完個谷!
如果要避免視線受阻睇唔到個波，更要半跑式同人鬥搶靚位!
另加新加坡天氣炎熱翳焗，體力消耗量係僅次於陪外母行花市同陪女朋友買衫ga ja!
至於班球手仲要全神貫注去比賽，精神消耗更強，所以身體一定要fit!
其實睇外觀都知，好多都肌肉型有d型ga!
講返個比賽啦~
由於唔知頭唔知路，無意中跟大隊就睇左當時排名領先，著名的韓裔美國球手Michelle Wie 魏聖美
咁我門外漢唔知佢打波有幾利害，唯有似睇12碼一樣一係入一係唔入
反而另一位泰國選手Ariya Jutanugarn有一球失誤打左出圍欄外，在明顯劣勢下竟然一擊反直上果嶺逆轉，在場全部拍爛哂手掌!
Um~我都係呢球開始領略到睇golf的趣味了
(韓裔美國球手Michelle Wie 魏聖美)
(泰國選手Ariya Jutanugarn)
另一個趣味就係睇開波~
正所謂「啪啪聲太好聽」，開波大力撃球「啪」果下聲真係清脆動聽ga je!
平時日常要聽呢d大大聲的「啪」只係得兩個機會，一係就叫女朋友兜巴星你，一係就叫上司兜巴星你
仲有其他方法咩?有活動係會有咁既聲ga咩?……無，我諗唔到law~
就為左呢一聲清脆，我有一段時間stay左係度齋睇唔同球手開波~爽呀!
當日比賽到尾段，魏聖美去到最後一個果嶺，我先發現原來呢一忽area係有梳化有樹蔭有野飲比人睇波ga law!
埋尾先發現有休憩處! 早知就過嚟hea足成場唔使行到咁辛苦啦!
就係咁，好簡單咁講左我係呢個比賽既見聞
細心一諗，我呢篇寫得真係好膚淺，因為我真係用一個門外漢既眼光去睇呢場專業比賽中我所能睇到既野，所以所有球技點精彩、點緊張刺激既描述通通欠奉
不過你問我作為一個對高爾夫球零概念既人值唔值得入場睇波，我答案係肯定的!
至少我而家真係躍躍欲試瀟灑地穿梭於18個洞~
唔係深圳果個ar!!!!!!!!!!!!!!!!
好啦，於樹蔭下休息一陣，向第三個活動出發了!
(當日最後分數，估唔到當時排緊第一既魏聖美最後竟然3甲不入…..)
=============
回程時係度諗，好似無乜日本動漫係講golf wor…….
唔係，都有提及過的，果套叫「疾風無敵銀堡壘」!!
Wei~~~~~~~~~熱血機械人動畫同呢個優雅woman’s champion 比賽超唔match啦!!!!!!
不過，我嘴裡不停係咁哼緊首主題曲~正~
(呢首歌同呢套野簡直係熱血系既代表!!!!)
=============
Email : funggarcia@gmail.com
Utravel Blog : http://blog.ulifestyle.com.hk/blogger/aeolusgarcia/
Instagram : https://www.instagram.com/fung_garcia/
DCFever – Fever Travel : http://www.dcfever.com/travel/utravelogue.php?id=799202
My Facebook Page : www.facebook.com/Garcia.in.Germany
始終都係整唔到Facebook Plugin Page，唯有用photolink頂任先!
請各位繼續多多支持呀!!!!!!!!!!!!!!!