「拾屍」，台灣用詞，意思即把醉到不省人事的女生帶去皆大歡喜唏唷唏唷唏，同東京果班喰種拾野嚟食一d關係都無
一般嚟講呢件事最常發生係夜店，對於不喜愛夜蒲既我嚟講一d關係都無
但果然，世事往往就係咁出人意表，神推鬼㧬下，我竟然係台北拾走左個女仔…………
 |
| 東京喰種開頭真係幾好睇~ |
那是8月中台北兄弟團的第三天晚上，google map帶我們到忠孝敦化左近一間任飲酒吧，重拾大學時那瘋狂的不醉無歸生活
(任飲咁多野揀都只係400台幣一個人，有無抵得太過份???)
入場後不久，隔離沙發坐左兩個台灣女仔，一穿黑一穿白，樣貌都真係幾靚，所以我地成班佬都不禁望多兩眼，但酒吧溝女一向唔係我地風格
係~~~~~~~~~~~~我知聽落好假~~~~~~~但係真ge，一向唔鐘意有其他人阻住我地自己玩，所以除左注目禮外根本無理過兩個黑白雙煞
約個半鐘後，習慣手放沙發背的我玩得正high，突然被一隻冰冷柔夷捉實手掌，就好似侏羅紀公園突然有隻恐龍拍你膊頭咁! 即刻就嚇一跳!
回頭一望 ——— 喂點解有件白色既鹹魚訓左係度ge?????
犀利在佢向後”挨”都仲可以捉實我隻手嚟訓低，個姿勢簡直就係米開朗基羅《創世紀》咁款!
我問阿黑衫少女 :「妳的朋友沒事吧?」
黑衫少女苦笑 : 「不好意思…….她昨天失戀………」
我 :「快點帶她回家吧，她不能再喝了」
我口中說的同時，一個穿袖式甩開鹹魚隻手，點知甩完左手比佢捉返右手，到我變左求婚姿勢……………….
至於黑衫少女，好不容易拍醒條魚，邊扶邊說 :「好吧，快走啦~別煩到………」
句野都未講完，一道夾雜胃酸的灰白色的嘔吐物，自白衣少女口中新加坡魚尾獅式既噴射而出!
無中我，但地板沙發食哂
當時我諗既唔係「wa好彩無人中招!」，而係「wa好耐無睇驅魔人!」
這時老闆走過嚟說 :「沙發+地板，清潔費要1500元呢」
黑衫少女一臉難受 :「對不起…….我沒帶那麼多錢……」
老闆 :「這個是規矩呢，不好意思」
黑衫少女靜左兩秒，回頭用水旺旺的眼神望向我 :「不好意思……….可不可以…..」
「得啦無問題，1500元，我先幫妳付吧」
我都知會係咁ga la………不過亦明白對我地嚟講$360係小菜一碟，但對台灣人——特別佢話自己係學生嚟講真係有d吃力，我自己成日銀包都唔夠兩舊水la，幫到人就得啦
當然黑衫少女都棟起3隻手指話會還比我，即場就交換左Line，我都係因為咁先知佢叫Ting
而我班老友就係旁邊大力支持兼影相 :「阿鋒夠唔夠1500呀~我地可以開公數ga wor~仲有酒店錢呢~」
真係……………果然係好兄弟…………..
 |
我個髮型發生咩事? |
 |
| 間bar寫到明，算佢均真! |
原本想就咁攪掂了事，但見到個白衫女已經由鹹魚進化成一條正式既死屍……..
唉Ting一個女仔點搬得佢郁呢……..
無奈之下，終於做左我一生人中第一次既抬陌生醉娃離開酒吧
目的地?
唔係九龍塘，唔係春天理想，而係台灣著名既忠孝敦化捷運站!
捷運站有酒店咩?????????
唔係ar!!!!!!!!
Ting話屋企太遠，坐唔到的士一定要坐捷運wor…….
佢呢個考量都合理ge，同埋至少confirm佢地唔係仙人跳or想昆水………..不過就辛苦左我地law
因為的士出門就有，捷運站則起碼行10分鐘，除非有我有湘西硃砂符同林正英師傅既加持，否則呢條鹹魚無半個鐘都趕唔掂……….
多講無謂，而家最重要都係兩個女仔安全返到屋企，於是就同Ting兩個夾手夾腳左右開弓十字架咁夾佢前進……..
 |
| (但呢個係陳友……………….) |
不過我太天真了，行不5分鐘，死屍在台北深夜大街上突然轉活!
仲抱住我拉都拉唔郁! 太上老君急急如律令都無用!
面對一整街途人的側目，作為佢好朋友既Ting只笑說 :「她好像很喜歡你，你有女朋友嗎? 沒有? 要不要試試跟她一齊?~」
咪玩啦，我地嚴格上連”認識”都唔算ar……….
至於喪屍則好似聽唔到，只活在自己世界的喃喃自語「再喝……」「抱著我……」一類無意思的說話
唉都好ge，總算勉強行到路，我呢個一晚限定既湘西趕屍人終於無咁辛苦，但都只係由「抬」變成「拖」，點解d喪屍總係唔可以好似One Piece果d咁ga呢…..
拖下停下又糾纏下，好不容易落到捷運站閘口
正當我以為終於成功衝線之際，白衣女突然一個發力，雙手cool頭雙腳cool腳，八爪魚式身貼身纏住我! 口中則囈語「你喜歡我嗎……今晚陪我吧…….」之後就一野車埋嚟舌吻我!
我人生中第一次感受到乜野叫做Johnny Deep —– 深深地被強尼呀!!!!!
雖然白衫女都係美女，但果一刻我並唔享受，只係有被人污辱既感覺……….原來比個無感情既人強行錫咀係個咁難受既事嚟ga????
更重要既係———-
大佬呀咀妳唔係問題，但岩岩先見到妳有無先兆下音樂噴泉既前科，我可不想被嘔吐物口內直接灌漿呀!!!!
至於佢個fd，則只在旁邊笑住講「不好意思」邊拍片! 喂係唔好意思既就過嚟拉開佢然後代fd從軍啦!
唉我既台灣妹初吻竟然係捷運站眾目睽睽之下比左條walking dead呀……
幾秒後，終於fing甩個吸盤，「快點帶妳的朋友回去休息吧!」
Ting呢個時侯先肯收起部電話，抬返佢個fd入閘，一邊「不好意思，我會還錢的，對不起煩到你了」一邊消失係我眼前
 |
| (我認我賤，呢個時間都只係諗住自拍記低件事……..Blogger心態凡事記錄左先呢…….) |
講真ar，比個靚女又攪又錫唔會唔開心既，但佢咀埋嚟果下我真心想用棍ou佢鑊勁，佢地上左捷運我真係鬆一口氣「終於走左啦」既感覺居多
最後我慢慢行返酒吧，結束呢個古怪無稽既拾屍之旅
班fd :「ee半個鐘ja wor，咁快攪掂咁弱ge~」
………………………………
果然…………..越係兄弟就越咀賤……………..
後事如何?
咪繼續同班兄弟飲到死哂law………最後幾乎係全部斷哂片變左我地係死屍!
一小時後，Ting用Line回覆話兩人都安全返到and繼續佢既「不好意思」，不過對於果1500台幣就無再提過，直到而家我返到香港都無再覆過msg了~
都明ge，蘇州過後咬我食~ 係佢角度可能我被佢蛇纏盯人法又攬又錫仲著數呢~
Anyway la，果兩個女仔安全就得，幾百蚊港紙就由佢la~
我寫呢篇野唔係為左表示我有幾咁正人君子，只係我對此「奇遇」的一個記錄
而事實我都唔係咩柳下惠坐懷不亂既人，比個台灣美女抱住唔心動就假ge~
只不過我真係唔想乘人之危，出門在外，唔想做d有香港人失身份既事
希望各位杜康之友enjoy時萬事小心，要知道自己既酒量頂點同醉酒反應，唔係每次醉死都會有人救到妳ga
同埋，唔係女仔先會比人拾屍ga
p.s. 如果有人係台灣睇到Ting既果段片既話，麻煩send比我ar plz~
====================================
IG果邊間中會有d和Blog及fb page不一樣的相片和story，大家有興趣既去follow下支持下啦~
==============================
- 相關篇章 :
《【台灣雜記1】台中嘉賓平價鐵板燒，6餸$100飽到嘔》
《【台灣雜記2】一次台北拾屍的經驗》
《【台灣雜記3】在那激光war game中穿梭》
================================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
岩岩開始，完全未有人睇呀~
=================================
- Email : funggarcia@gmail.com
文章同時刊於以下平台，請各位多多支持呀!!!!!!!!!!!!!