大美督(舊名大尾篤)有條不太為人所知的「大美督家樂徑」，我都係疫情開始後先隱約聽聞過
起初我以為佢只係一個可以睇到大埔名物大尾篤主壩全景的小山丘而已
誰不知竟係一條可飽覽4大隱世美景，卻只需20分鐘就行得哂，性價比(?)超高的短途合家歡步行路線!
果種靚法，係我每見一處就「嘩!」一處!
閒話少講，睇落大家就知有幾誇張!
文章既要:
- 例行公事~ 大尾篤主壩日落
- 前往方法
- 入口路段
- 第一景 — 大尾篤水壩 (船灣淡水湖主壩)
- 第二景 — 船灣淡水湖全景 (六鄉)
- 第三景 — 八仙嶺全景
- 第四景 — 大尾篤日落
- 同場加映~ 大尾篤主壩日落
- 注意事項
- 前往方法
到達大埔大尾篤後，沿海邊行入去，經過兩間士多，在入大壩斜路前的YWCA青年旅舍迴旋處左方有個小路牌，寫住「大美督家樂徑」
咩話? 大美督點去??????
唉我打埋啦……….
- 75k巴士
- 20C / 20R小巴
- 私家車
- 單車
- 行路
- 游水
- 跳傘
- 唔去
 |
| (大尾篤本身已經好靚) |
 |
| (圖中雪糕車果個位) |
- 入口路段
一開始會上一堆樓梯，比人一種「ee睇嚟條路短得嚟有d料到wor」既感覺!
假像嚟ga ja，唔使5分鐘已經變成平路~
 |
| (剛開始都有少少樓梯) |
 |
| (5分鐘後) |
大美督家樂徑有另一小特色~
沿路標都有著十二生肖圖案，有興趣的朋友可以影哂12張相~
sorry我懶，影左兩張for reference only~
因為比起這裡既風景，呢d真係小兒科啦~
- 第一景 — 大美督水壩 (船灣淡水湖主壩)
到山頂了~
下!? 完啦???? 開波10分鐘都未夠! 岩岩買到爆谷就散場???
wa!!! 成條船灣淡水湖主壩垂直盡覽，個view好氣勢je!!
某d角度仲可以睇埋遠處既馬鞍山tim!
係香港可以咁從高處垂直望水壩的地方本就不多，而船灣淡水湖是全港最長的水壩，此景色可謂絕無謹有!
呢排好多人都鍾意將d地方安個「港版+外國地名」落去，聽落好似夢幻d開心d咁
橋咀欣澳就「港版天使之路」，深水埗就「港版布魯克林」，遲d砵蘭街應該係「港版飛田新地」la
我又順下潮流，生安白造個「港版天橋立」比大尾篤水壩 ，睇下又會唔會流傳到出去先~
「係咪調轉睇真係有天橋ga?~」
香港咁多天橋睇唔夠咩……..自己去試下啦……..
 |
| (其實我係臨時即興入大美督的，所以個樣有d頹，髮型有d 7) |
 |
| (日本天橋立，網上圖片) |
- 第二景 — 船灣淡水湖全景 (六鄉)
由第1景前行數分鐘已可見一休憩涼亭，外面就係船灣淡水湖全景~
和剛剛熱鬧的主壩不同，這裡享受的是湖天一色，蔚藍與寧靜，感覺就像走進避世的小空間，把自己融入自然之中
係介紹上寫住呢個地方本來叫「六鄉」，船灣淡水湖建成後已不再存在，詳情可以睇維基~ (又係太懶唔想寫)
- 第三景 — 八仙嶺全景
古語有云: 「八件一齊吊，何其壯觀呢!」
這裡卻是八個山峰一齊見，何其壯觀呢!
 |
| (八仙嶺真係有8個峰wor —– 好廢話呀!!) |
這大美督家樂徑竟然有一個完全空曠無擋的制高點，可以一眼望哂八仙嶺全部山峰!! 係由平地至山腰山勢等一覽無遺!
感覺就好似由河口湖觀景台遙望富士山一樣震撼! (呢個香港扮日本野既比喻有d過火ar!)
+++++++++++++++++++++++
- 延伸閱讀 : 【帶著爸爸行富士山】系列
++++++++++++++++++++++++
 |
| (好多年前我第一次單獨去日本時影既，而家睇返，部相機都唔係普通既唔得wor…….) |
- 第四景 — 大美督日落
由第3景沿路向下行，已可見超大個咸蛋黃慢慢落緊~
未知前路是甚麼的我，已站在梯級上不停係咁影係咁影~
誰不知再行落多少少，仲有一個和第3景一樣全開揚的無敵觀景台!!
不同的是這裡看的，是以鹽田、三門仔為背景，小艇大海作襯，黃金色的超級日落!
有無靚得太交關呀!!!
小弟最近幾篇文章都介紹唔少香港日落~
谷埔鹿頸有蘆葦，鯉魚門有維港，青衣自然徑有青馬大橋，每個都精彩絕倫，但都係當對少人的地方
我真心諗唔到，大尾篤呢個由細去到大，個個玩到爛的地方，居然仲有一處如此隱秘，卻又輕鬆易達的欣賞日落位置!
我終於明白00後青年發現劉德華識唱歌時既感受啦!!!
呢個位的大尾篤日落，絕對係世界級!
++++++++++++++++++++++++
- 延伸閱讀 :
《青衣自然徑︱馬灣海峽+青馬大橋無敵日落美景【香港郊遊10】》
++++++++++++++++++++++++
 |
| (既然有睇景凳，當然要老人與海一下啦~) |
- 同場加映~ 大美督主壩日落
由第4景行多5分鐘，即可回到入口處離開~
如果日落仍然未完，去返主壩影多兩張，基本功啦下話~
wei 大尾篤真係好靚ar~~~~~
o下想行哂成條壩???
wei 2公里ga，天黑啦喂~~~~
 |
| (究竟星期日大尾篤多人d定旺角多人d………) |
如果燒烤場開返，一邊睇景一邊BBQ都真係幾梳乎~
……..明明以前好簡單易做既事，疫情之後全部變到遙不可及，連燒烤場都唔入得……….
嗱我係外圍影ja! 無入到去呀!
就係咁~
大美督家樂徑如果齋行，應該20分鐘之內可以完成!
就算似我咁hea行狂影相，都係花左1個鐘，但4大觀景台所見的各有不同，每個距離亦只是行數分鐘，絕對岩哂一眾唔想行山又要行山睇靚景既朋友~
於是係踩單車BBQ撐艇仔跑大壩之外，又多一個入去大尾篤 加重交通負荷 的理由了~~
最後係例牌的注意事項~
- 沿路無垃圾桶及廁所，急就快d衝落山啦~
- 一開始會有分叉路，建議跟路標向右行~ 咁樣比較順路，亦可以順次序睇哂12生肖路標~
條路其實仲有個小問題———
於無風的日子，非常非常非常多小飛蟲!
其實去過大尾篤主壩都知，壩上一向勁多小飛飛，呢度應該多一倍!
理論上就唔咬人的，只不過真係好驚的話，可以試下用電蚊拍玩三國無雙……..
講笑ja唔好亂咁攪蟲啦!!!
===========================
請大家Follow我Instagram啦~
=====================================
我既Youtube Channel正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
=================================
相關篇章 :
- 香港郊遊
《004 – 赤徑與鹹田灣，宛如沙巴的美麗海灣》
《005 – 沙田行去慈雲山，原來超級簡單》
《006 – 大埔三門仔，零難度的全海景輕遠足》
《007 – 西貢大灘郊遊徑，長者行山無問題》
《008 – 飛鵝山芒草之行》
《009 – 粉嶺鹿頸至谷埔︱夕陽下的隱世蘆葦田》
《010 – 青衣自然徑︱馬灣海峽+青馬大橋無敵日落美景》
- 發掘香港
《1 – 香港Staycation首選，皇家太平洋酒店住後心得》
《2 – 城市步行︱鯉魚門的絕美日落》
《2.5 – 鯉魚門石礦場︱夕陽下的芒草群》
《3 – 己連拿利︱港島攝影秘景，宛如荒涼未來的異世界》
- Email : funggarcia@gmail.com
