兩年幾前小弟曾寫過由沙田行去慈雲山既「慈沙古道」路線，一個鐘唔使超級輕鬆簡單，從始唔使驚獅隧塞車啦yeah~
誰不知大鄉里既我到上星期先知，原來同樣的起點與終點，竟有一條完全不一樣既輕鬆郊遊遠足路線!
而呢條由沙田行到慈雲山的「蝌蚪坪、貓仔山」路線雖較慈沙古道長，但所見風景與步行趣味卻大大提升! 直情集健身與打卡於一身~
如果覺得我上次寫既路既太過簡單又靚景欠奉，今次呢個介紹一定滿足到你!
=======================================
請大家Follow我Instagram啦~
=====================================
行程概要 :
- 交通
- 水泉澳至阿叔健身站
- 蝌蚪坪- 沙田全景
- 貓山無野睇
- 向慈雲山進發
- 獅子亭至慈正村
- 注意事項
1. 交通
話到明同上次一模一樣嗎，所以起點同樣係由沙田博康村開始~
而家開埋沙中屯馬線，最方便當然係坐馬鐵至沙田圍站啦~
過海巴士170、182，新城市廣場過嚟就47X、81K，仲有其他超級多巴士唔一一講啦自己搵啦~
當然有巴士or小巴直上到去水泉澳山
總之由沙田圍站D出口向球場方向轉右上山，一直上上上就會去到水泉澳村~ 
2. 水泉澳至阿叔健身站
見到水泉澳架????唔好咁開心衝入去住~
繼續直上啦! 如果入左????沿路行就會入左村，又要搵路兜返出嚟好煩ga~ (又估下點解我會咁清楚~ Orz)
斜路上多陣會見到分叉路迴旋處~
轉向左方直上的話就會入左上回的「慈沙古道」，今次我地係要一路直上，見到女童軍營就岩ga啦~
見到有閘同右邊有路入村屋都唔好理，繼續豬突猛進咁上啦，岩ga啦~
彎彎曲曲咁上斜大約15-20鐘，就會嚟到第一個check point「阿伯晨運站」
即係漁農處郊野公園最常見果d，啡木色無人用既健身器材呢，呢度既設施仲要比其他地方少…….
其實我由細到大都唔明，邊個阿叔會咁得閒走嚟呢d郊外做3周轉體大迴環呢? 仲要只有黃土硬地作保護軟墊……
至於果件一條橫鐵加塊斜木板既用具，到而家我亦只會諗起新聞講要由消防拯救出嚟既x板男……
其實有無人用呢d設施ga呢….
3. 蝌蚪坪- 沙田全景
離開阿伯 活塞 運動中心，返大路繼續向上行
行到某個開揚彎路位，會好明顯見到有人條泥石梯級(下圖)
如果去蝌蚪坪就由呢處上啦~
如果想識下另一個世界既朋友remember me的話就可以繼續大路上~
圖中呢條樓梯上
上到頂已經可以望到沙田坳新村既風景~
再轉右繼續行，就可以嚟到今次既重點目的地「蝌蚪坪」啦!
呢度轉右—-
山上竟然有片咁樣既大空地~
蝌蚪坪其實係山上一塊修葺整齊的大平地，size大約4個籃球場咁上下，絕對適合閒時上嚟休息放空放羊放風箏放飛機~
係香港嚟講，於高山上有一塊360度視野開揚既廣闊大平地本身就係一件奇事~
而此處非常值得一到既原因，就係可以盡覽成個沙田既風景!
由大圍、新城市、第一城、石門，甚至中大、馬鞍山，連大埔都一眼掃哂!
就好似上飛鵝山可以睇哂成個九龍一樣風景超正!
點解我係沙田住左30幾年，到而家先知有個咁正既地方ga??
成個沙田望哂~ 連中大都見到~
係度露營又好似幾爽wor~
呢邊應該係望夫山、獅子山
呢個全景真係無得輸~
呢邊係大圍~
全景拍攝下的全沙田~
4. 貓山無野睇
影夠玩夠就返原路直行上下一個check point貓山了~
此路既最大亮點係回頭可見蝌蚪坪全相~
咁樣睇塊平地連山路其實都真係有d似蝌蚪，唔通個名就係咁嚟ge?
其實蝌蚪都似xx呀，點解唔叫xx坪ge……..
向貓仔山出發~
一路行上貓山都唔係好耐，十幾分鐘就到果個唔似山頂既山頂了~
其實貓山唔係咩特別山峰，亦無貓山王，只係一座平平無奇的小山，無景觀無特色，山1頂比周圍大樹完全遮蔽，只係一個轉向不同路線的中途站而已~
影張標高處就算了~
貓山頂有兩條大分歧路~
如走直去的路(下圖右方)會再有分叉，一條落山一條睇落有d危，我見無指示牌就唔繼續探索了
我走既係下圖左方，行呀行呀，不多久就接上「衛奕信徑5段」，轉左繼續上山啦~
接衛奕信徑5段
5. 向慈雲山進發
接上衛奕信徑5段就更易行了~
路上修繕完善企理，偶爾有些上上落落，斜路與樓梯交錯，左一拐右一轉，偶有觀景台休息，以行山嚟講此路線的確幾多花臣頗有趣味!
點都好過富士山吉田線3-4粒鐘都一Q樣呀!! (講過好多次但都係要吐槽，印象實在太深)
呢個設計係比人玩大迴環飛出街ga下話~
上次行既路就係對面山~
最後會出返車路，行前多少少就係獅子亭，yeah有得去廁所食豆腐花啦~
呢句無語病的，因為妳真係可以一邊食一邊聞到廁所味，真係別有一番風味~
豆花唔算貴，但上次食過覺得佢無咩豆味亦無咩味，所以食唔食就閣下決定啦~
可能係我果次唔好彩je~
6. 獅子亭至慈正村
由獅子亭落山有兩種方法~
上次我係斜路兜遠左，沿沙田坳道打橫去到近黃大仙果邊既慈雲山法藏寺先出到市區，直落就係竹園村
今次我就由獅子亭落，沿慈雲山觀音廟樓梯直鏟落去，終點會係慈雲山(北)巴士總站，呢條亦係一般逆行由慈雲山行去沙田既「正路」
此路好處係直線距離會比沙田坳道短得多，但樓梯真係非常多!
我全速都落左都唔短時間，對我呢d傷膝中年嚟講真係好大負擔!
而且好似都快唔到太多 比我揀，可能都係過黃大仙好d了~
慈雲山北巴士站，逆行就呢度上~
完成~ 條路係咪好簡單呢~ 全程連影相大約只係2個鐘ja ma~
雖然風景主力係開段近沙田果一邊，但蝌蚪坪呢個地方真係幾唔錯，而後段既山路亦非常好行~
可以話「蝌蚪坪、貓山」呢條路係「有靚景又易行，需時唔太長唔太短，有汗出下又唔chur」，絕對值得推薦比大家~
最後係例牌既注意事項 :
7. 注意事項
- 留意返上蝌蚪坪的泥石梯級有少少冼腳，上還ok，但落的話大家真係小心
- 沿路無洗手間及垃圾桶，有咩垃圾記得帶走自己啦~
======================================= ====================================
請大家Follow我Instagram啦~
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
=================================
相關篇章 :
-
香港郊遊系列
１小時內攪掂 ：
《005 – 沙田行去慈雲山，原來超級簡單》
《006 – 大埔三門仔，零難度的全海景輕遠足》
《009 – 粉嶺鹿頸至谷埔︱夕陽下的隱世蘆葦田》
《011 – 大美督家樂徑︱4大隱世絕美風景》
《013 – 長洲小長城︱驚喜十足的奇岩怪石小徑》
《014 – 紅香爐峰10分鐘極速攻頂︱維港日落全景最佳選擇》
《015 – 西貢泥涌︱大海、夕陽與天空之鏡》
《016 – 長洲行山︱北晀亭輕鬆看長洲全景》
２至３小時行完：
《003 – 香港仔自然教育徑》
《007 – 西貢大灘郊遊徑，長者行山無問題》
《008 – 飛鵝山芒草之行》
《010 – 青衣自然徑︱馬灣海峽+青馬大橋無敵日落美景》
《017 – 深涌大草原︱無障礙郊遊︱輕鬆無壓力散步路線》
《018 – 田下山︱簡易版釣魚翁路線︱意料之外的易行靚景》
行完會攰：
《001 – 夜登鳳凰山︱我得罪了日出之神》
《004 – 赤徑與鹹田灣，宛如沙巴的美麗海灣》
《012 – 上窰郊遊徑+曝罟灣堤圍︱超強打卡+輕鬆行山首選》
《002 – 簡單快速+靚景，龍蝦灣郊遊徑》
《019 – 西貢獨木舟初心者路線+準備大全》
-
發掘香港系列
城市偷閒系：
《1 – 香港Staycation首選，皇家太平洋酒店住後心得》
《2 – 城市步行︱鯉魚門的絕美日落》
《5 – 訊號山花園︱尖沙咀鬧市中的秘密綠洲》
《13 – 銅鑼灣避風塘堤壩︱維港海中心看夕陽︱鬧市的避世角落》
影相打卡系 :
《2.5 – 鯉魚門石礦場︱夕陽下的芒草群》
《3 – 己連拿利︱港島攝影秘景，宛如荒涼未來的異世界》
《6 – 石峽尾公園粉色牆壁︱網紅火熱打卡點實測》
《8 – 歌連臣角炮台打卡位︱網紅不會告訴妳的兩三事》
《10 – 白樓「機場核心計劃展覽中心」︱夏天影相一流地點》
《11 – 孫中山紀念館︱Mirror教主MV拍攝場地，真係值得去打卡?》
《15 – 青衣西草灣︱青馬大橋日落+驚喜蘆葦群》
美食推薦系：
《4 – 香港的希臘小店，味覺的新衝擊》
《7 – 石峽尾一日遊︱美食推薦+文青打卡位懶人包》
《9 – 愛文生大排檔︱性價比超高的街邊豪氣滋味》
《12 – 上環紅葉餐廳︱9 蚊生蠔性價比超高!》
《14 – 銅鑼灣鐵板燒小店︱日本水準的大阪燒》
===============================
-
Email : funggarcia@gmail.com
文章同時刊於以下平台，請各位多多支持呀!!!!!!!!!!!!!