同Bodensee及友善既濃煙夫婦say goodbye後，當晚即刻坐火車一路向北，越半個德國到達古老的風景城市Wurzburg維爾茨堡（或譯作“符茲堡”）
好友及多個blogger都話係一個非常靚既地方，特別係落雪時!
但我又發揮最強既趕雪力量，可以冬天遊左近一個月都係一粒雪都無落過……無計啦……..
講返Wurzburg，係一個標準既古城。點標準？即係大廣場、靚教堂、壯闊河流、雕刻藝術橋，山上城堡
認真講，其實Wurzburg呢度真係幾靚，但可能睇舊城睇到有d膩，最出名既紅色教堂，old main bridge，都有種“啊係咁law”既感覺…..
再望一望個夜景，覺得呢度真係有8成似布拉格，但就係高達MK II囉，即係個樣似，但點都唔夠元祖高達咁強…..
choose左最迂迴曲折既路上山上的Marienberg Fortress，高厚既石壁，斜坡上種滿防禦用罐木，城堡內複雜既道路，完全係一個不超時空既要塞啦!
終於feel到有d特色啦～不過每次見到呢種巨型城堡仲要係天暗昏陰時節，總會諗起惡魔城……呀幾時會有個皮鞭佬走出嚟呢？………
隔左日見天氣好再走多轉old main bridge睇日落先發現 ———– ee咁多人囉住酒杯ge？
原來橋頭的酒吧售賣外帶既紅白酒及Gluhwein!一杯都只係3€
囉住酒杯，微醉眼中看舊城河畔，風景風韻風味都立刻唔同左!之前睇小左妳對唔住呀!
所以嚟Wurzburg，唔係橋上飲返杯，唔好話嚟過呀!
(個feel咁正，點都chok一chok啦!～）
其實我係第二日去左超級近、世界聞名既羅騰堡Rothenberg ob der tauber
呢個石頭堆砌既哈比人式超級古堡（唔好問我咩名嚟，我純粹有呢個feel je!）其實同天鵝堡係華麗同樸實兩種完全唔同風格既極致
係呢度你會feel到戰爭既痕跡，感受到古代市民係度既生活，係一種歷史既美
其實好多人都嚟過呢度，好啦我就慳d力唔介紹咁多啦～睇相啦～
(羅騰堡名產馬仔波波)
係Wurzburg呢3日4夜我印象最深既反而係hostel life!
唔係咩特別野，只係廚房個焗爐晚晚都比我翻轉佢用成3-4個鐘!難得有個可成個放入焗爐既細煲嗎～
仲有無啦啦坐埋一齊無傾偈但有溝通既韓國人s，同埋有時間有網速煲哂成套“My盛Lady”
呢間Babyfish Hostel算係唔錯啦!
===================================
IG果邊間中會有d和Blog及fb page不一樣的相片和story，大家有興趣既去follow下支持下啦~
Instagram : https://www.instagram.com/fung_garcia_backpacker/
==============================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
=================================
Email : funggarcia@gmail.com
Facebook Page : www.facebook.com/Garcia.in.Germany
文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!!