今日走在風雪中的涅瓦大街上，突然想起了妳

5年了，如果當年妳無同我分手，我諗我而家一定已經求左婚，為我深愛既妳準備緊一個最浪漫最完美既婚禮，我唔會放棄高薪既教學工作，一齊節衣縮食為我倆未來而努力

又或者我會將積蓄用嚟讀返個master增值自己，睇見大部份同期畢業既fd已經有一個甚至兩個master degree都咪話唔羡慕

Facebook上，一個個好友求婚，結婚，生兒育女…………看著他們一臉幸福滿足的樣子，我又何嘗不想呢

中學同學話好羡慕我可以周圍走，其實說穿了，只不過是我沒有捨不得的重要人在身邊而已，一個人影孤隻單流浪海外，並不是想像中的電影浪漫情節呢

只不過，寂寞有寂寞的活法，暫別近30年所得既一切，到歐洲後每一眼看到的新鮮事物都叫我興奮莫名!會令你覺得活著是一件多美妙的事!

或者只係大家所追求、所得到的有所不同，幸福本身是沒有任何定義的，只要活得開心，暢快，誰都是幸福的人。

是人情物事有天意，還是性格決定命運呢？

我只知當年如果沒有分手，沒有失業，沒有沉到落谷底的話，並不會有現在喜於見識世界的我，更唔會有之前係北歐看極光賞粉雪的機會

也許冥冥中主宰我地既，只是一連串人與人之間的偶然吧

人地話男人三十而立，十年磨一劍，究竟呢個旅程我會學到d咩呢？我答唔到，但我知我每日都係度磨練緊自己，而且係開心既

好友笑我開頭又話唔慣又盛，而家比你揀多次咪又係會嚟working holiday!

錯啦，係比我揀多十萬次我都會嚟呢個旅程，呢個寂寞而精彩絕倫既旅程

當作是前半段工作假期的小總結吧

冬宮廣場上，風雪仍然撲在臉龐，冷而濕潤，我不其然微笑著，說了一句

我的前度女友，多謝妳

鋒Garcia

2014-2-2，記於俄羅斯．聖彼得堡