係時候講下食啦！

為左悭錢，我諗大部份去working holiday既人都試過捱麵包

我就狼死d，午晚餐有8成係麵包，其餘係唔食

然而德國果然係麵包強國，我食得咁密都可以無一餐重覆！

由齋包甜包酸包咸包硬包軟包酥皮包，到夾肉夾腸夾火腿夾芝士夾魚柳，講得出都有(其實我懷疑係我大鄉里，歐洲應該都係咁……)

價錢由港幣$4至$30不等

其實只要唔大食，每種試云哂我諗都要個零月

但德國最出名果種黑色蝴蝶結扭扭包我到而家都未食過，好簡單，因為無興趣!

係度食野另一個要解決既係文字問題

話說德國餐廳既menu除非你自己畫上去，如果唔係除左封面外就只有一堆粗體幼體寫成既符咒

就好似中學寫細楷毛筆時，阿哥d fd寫上“邪王炎殺黑龍波“老師唔鬼明一樣

於是同fd去餐廳食飯，用15分鐘查手機德漢字典+google translate為必備動作，而且好多時最後係點指兵兵解決

當然我既英文水準同waiter既英文水準又係另一問題啦，基本上我地每人都會食同一樣菜叫“this one”

而我最中計既一次係懶唔查德文字典，係小食亭外指住要白色腸，接過後問幾銀，盛惠港幣50個大洋，而紅色只係$30…….T_T

所以基本食物種類既德文真係要上心d記下

有進步ga la~so far我而家認得好多啤酒名!

當然自己煮係最好最平，但首要你要有廚房law…..

下次再講下同朋友煮飯仔既經歷