繼上回後，繼續意大利瑣事的第3則 :
是咁的，前一篇講食意大利生火腿宵夜之前，我其實去左酒吧睇波
當時世界杯正是白熱化階段，果晚阿根廷贏左茅躉王洛賓王帶領既荷蘭入總決賽我都不知幾開心～
睇完波行返hostel，時間約是凌晨12點半，雖然完場但微黃燈光的街上一個人都無
行呀行呀……..突然有種感覺…..好似有人係我後面跟住咁
轉身一睇，無wor，乜人都無，多心je~
再行多兩步……..唔係wor，個感覺越來越強烈!
唔係吹水，呢一種叫武術家的直覺，小弟有個師妹就曾想背後偷襲，比我飛肘打到幾乎爆缸!用漫畫術語 : 敵人已經進入左我既“圓”啦!（詳見Hunter X Hunter）
於是我再高速嚟個華麗轉身!
今次係我10步距離突然出現左個穿黑衣的胡鬚佬，頭先唔係度ga wor!!!
一條直街，無橫街小路無鋪頭開門，你岩岩唔係縮係路旁私家車度唔通降落傘飛落嚟ga!？仲要係我轉身時佢高速地企定側身低頭㩒手機
即係咁………做賊都可唔可以專業d，d行為唔好十足電視卡通片咁ar……..=_=”
Ok~當然佢未必真係想老笠，但已經將我既警覺性立刻turn到最高!
我立刻走出無車的馬路中央，一來較空擴，二來以防佢前面有同黨於轉角位埋伏，再慢慢加快腳步向hostel移動!
這時，對方好像知我發現左（佢咁我無可能唔發現掛!!？？），都慢慢加速趕上我的步伐，我不時回頭，佢都開始唔理我繼續接近!
Hostel staff都曾講過此地治安都未係咁好，真不愧係意大利呀! 大鑊!唔通今晚真係要比人老笠？？
即刻衡量下敵我雙方實力先 :
1. 對方約30來歲，身高約6尺，比我高比我大隻，我雖習武多年，但都廢左武功多年，打贏機率只係50℅
2. 可接受的最大損失 : 錢同底褲可以比佢，相機同平板電腦死都唔可以被搶走。
3. 周圍有咩“架撐” ？
花盆 -> 無!
Nokia -> 無!
地圖 ->有!
頂～～～～～～～比個廁所泵我都好呀!!!!!
睇嚟都要使出防身三式插眼鎖喉踢下陰啦!來吧!流派．東方不敗! King of Heart!
這時急步中+心理上已準備一戰的我望一望左邊 —- ee個門口咁熟口面ge……..到hostel ga啦？？行左出馬路唔覺咁快到tim!
急急腳+急急手輸入password，臨入門前不忘望多個跟蹤者一眼，我諗你唔會咁好恆心，守株待兔成晚第朝繼續打劫掛～
安全啦～估唔到旅程尾段時先咁多呢d驚險事（之前係波斯尼亞差d死都係兩星期前既事ja –> 第107章 ）
睇我就寫到懶係趣怪咁，其實夜媽媽係外國比痴漢跟蹤都咪話唔心慌，特別係我呢種清純型鄰家少男!
幸好，總算無穿無爛～不過睇嚟返香港都要練返好d武功啦…….
希望各位旅行朋友唔會遇到我既situation啦!
萬一真係遇上，記得大聲叫唔好，仲要將件事話比妳信任既人聽!
當然，最佳方法都係唔好一個人出夜街啦
下篇回歸寫意大利遊記～
*尾行 : 日語漢字，意思即跟蹤咁解。但如果你google search呢個詞，會出現一大堆三級遊戲圖片……..呢個都係點解我只可以搵呢d無呢啦間既photo間場既原因……
===========================
補完此Blog上未成文的相片和無聊閒事:
My Facebook Page : www.facebook.com/Garcia.in.Germany ，多多支持呀!~