這是兩件關於「聽得懂的語言」，和「聽不懂的語言」的小事 :
1.
上回講係意大利巴里Bari舊城區旁，有條風景不俗的海濱長廊
歐洲有樣野好，咩靚view靚位都會有張櫈比你坐底，unun腳大飽眼福
正當我坐底享受緊海邊涼風+老翁垂釣的閒適景緻時，左邊突傳來一陣吵耳既喧鬧聲
又唔似鬧交，又唔似劈友，聽真d，好似只係普通的高談闊論，媽叉緊頭先間餐廳有幾咁唔好味，呢個城市有幾普通等等等等……….
ee點解我聽得明ge？
無錯，又係果一種我地熟悉既語言，果一種係尖沙咀、銅鑼灣、藥房、化妝品店嘈過拆天，煩到你死的平上去入音調
4個身穿西褲舊皮鞋Polo shirt “攝”衫的平頭男人，呀呀咋咋向我走近
都唔止一次講過，我無歧視大陸人，我都有好多國內的好朋友，我只係唔鐘意大聲喧嘩，不知情識趣，欠文化修養的人
眼前4人，對唔住，第一眼我已列為後者，睬佢都有味，繼續看海，心裡諗「快d走呀!」
突然一陣震撼性既聲線響起 : 「你們看!他是不是中國人呢!？」
就像張翼德喝破長板橋，方圓百里既人類生物都嚇到彈起，目光全集中於呢5個亞洲人身上
個種尷尬既感覺，就好似廿億身家既丁蟹係日落的赤柱海邊大叫 : 「阿仔!地下有10蚊雞執呀!」
我梗係成個不動明王咁郁都唔郁扮聽唔明聽唔到啦!
4人一步一步走近，我個心都越跳越快，到佢地走到我背後時再說 : 「是吧!是中國人吧!」
果時我裡面只係諗一樣野 : 「香蕉你個蘋果橙，快x d走呀!」
我係中國人!但呢個moment我真係唔想認與你地係同類呀!
最後另一人說 : 「該不是吧，他沒反應，聽不懂的!」而另一個傻佬仲估緊「小日本的？韓國？……..」 之後慢慢走遠。
旅途上，有時我都會估下呢個亞洲人係來自咩國家，但絕對唔會開咪講law!
特別在如此優美恬靜的意大利海邊，簡直是煞風景之極
這應該就是人民質素的分別吧………..
(用呢張圖……我好似美化左果4個人……)
（完完全全破壞哂如此良晨美景……..）
2.
比大陸土佬破壞了看海的興致，算啦繼續行
走不多兩步，看到一街邊小販檔，老伯正把一舊舊橙黃色的年榚狀物體扔落油鑊大火猛炸，旁邊則圍了不少食客翹首以待
我目測觀摩研究左好耐都唔知係乜嚟，點都唔會真係年榚掛!
最大機會………唔通係炸芝士咁正？？
“Excuse me, What’s this？Is it cheese？”老闆微笑搖頭表示唔識英文
我再問數位旁人都不得其果，終於有位懂意大利文的遊客答我“Yesyes~”
“Thank you!”作為芝士愛好者，即刻要一包先!
見老闆把芝士榚從油鑊大堆大堆撈起，再落鹽落胡椒，入紙袋，滿滿一大包，新鮮熱辣，1€ only
(個老闆幾型!)
滿心歡喜的跑回剛剛的座位大快朵頤～～
咬落去，再搭兩搭…….ee………..唔係芝士嚟ge？？？？
味道極淡，又有陣陣甜味……..shit原來係粟米榚呀!!!!!!
頭先個遊客一係唔識扮識，一係擺明fing我啦!
我仲要除左日本既小罐熱粟米湯外唔太好粟米既tim!中計!
不過以事論事，每一啖都食到粟米獨有的清香甘甜，係越食越好味的，如果可以囉返屋企比娘親食就好啦，你估放超過一星期會唔會變壞ar啦～
壞硬啦!仲要我懷疑個紙袋係聚寶盤，食極都仲有!
終於都係放棄了……….對唔住ar剛開始改觀的粟米榚……..
其實total 3件事，呢度兩件，下回一件，又係寫得太長，反正開始步入尾段，比我分多一篇啦～～
=====================================
補完此Blog上未成文的相片和無聊閒事，仲有d古古怪怪的旅遊資訊和方享 :
My Facebook Page : www.facebook.com/Garcia.in.Germany ，請多多支持呀!~