唔使諗啦～個標題又係將d近音字拼埋一齊，同內容無關係，更加無係Durres對一個叫Doris既人用Durex既～
嚟到Tirana正西面的城市都拉斯Durres ，坐巴士一個鐘都唔使，快過紅隧過海!（不過架車都係熱到嘔…….）
同其他去過的阿爾巴尼亞城市唔同，呢度終於有返個正常既中央車站唔係周街亂泊啦!
不過此地係無information center的! 即係我無地圖亦完全唔知自己係邊同要去邊! 更加唔使講話有locker比我放背囊啦!
由於我只會stay大半日，唯有將就d粗粗地影低街邊既簡略地圖，再陀住個大烏龜背囊十月懷胎咁遊覽啦!
(三十幾度呢架車無冷氣…………)
反正唔知去邊，就求其係市區裡面撞下啦～
問左人大約市中心係邊就去行遍佢d橫街窄巷lu~
認真，此地比我想像中更少觀光點，或者咁講，呢度都唔係預有遊客long stay既地方，所以先會連tourist information center都無
不過換個角度，此地反而可以好好睇下當地人的生活，其實都有趣的
只不過我35，6度仲陀背囊散步，真係幾有趣都扣你50分……….
Main town無野睇，不如就向海邊進發啦～
Durres係阿爾巴尼亞其中一個重要的港口城市，根據係克羅地亞及蒙特內哥羅的經驗，亞德里亞海沿岸任何一個城市都靚到無得輸兼各有特色!一於睇下佢係咩傢伙～
去到海邊，一陣海風吹來～～～呼～～～～～～～～
我成塊面都係沙塵……………….
再來海浪拍岸聲響起～～～哇～～～～～～～～
我濕左半邊身…………………
望真d，亞德里亞海唔係平靜清澈而蔚藍ga咩？？？點解呢度係又洶湧又污糟ga？？？
成個海邊都是黑色的，勁多污積，我唔想食…..呀唔係我唔想掂水law!!!!
同Rovinj，Hvar等未免太大對比啦掛!!!!!
城市又無野睇，海邊就又大塵又大風又污糟，幸好海邊盡處有一海心餐廳，如果有銀兩既可以入去坐低飲杯野抖下～
不過我無………….阿爾巴尼亞幣使得8899，唯有放低背囊，坐係海心橋邊寫blog kill time la
好彩海中心水靚d風又爽d太陽都靚d，輕鬆地坐到日落先走
好啦，Durres短篇就係咁多，只係一個超簡單既小城市介紹而已，寫完自己都覺毫不吸引!
咁始終都係行程的一部份，呢個blog係自娛式記錄ga ma~理咁多做乜～
之但係……….我點解係都要嚟呢處ga？
其實呢，呢度係我阿爾巴尼亞之行last city，嚟呢度係為左走人的
如果有朋友都到過Durres，應該會知我下一站目的地係邊～
貫徹神秘主義，下回先講～
========================================
補完此Blog上未成文的相片和無聊閒事:
My Facebook Page : www.facebook.com/Garcia.in.Germany ，多多支持呀!~