Tumpak Sewu位於印尼爪哇島東部，被譽為印尼最美瀑布
名字直譯爪哇語是「千層」，因為瀑布是由非常多條大小瀑組成，所以中文常被譯為「千絲瀑布」
由於地理位置上鄰近火山Bromo，所以10個有9個由泗水出發的行火山Tour都會順路參觀埋
起初搵tour時一心只想快手快腳行完火山攪掂食碗既我，見Tumpak Sewu呢個名出現次數太高先google下
一睇相已經知不得了叔叔不行了，靚到一定要去呀!
而呢個亦係我3日2夜行火山Tour的首站，亦埋下了往後行程慘烈的開端……
========================
請大家Follow我Instagram啦~
[instagram-feed feed=1]
另外Threads果邊有我其他教書、旅行和大學時代既攪笑/悲慘故事，快d follow埋啦~
https://www.threads.com/@fung_garcia_backpacker
=====================================
文章概要 :
- 第一站 : 觀景臺
- 第二站 : 千絲瀑布底洗白白
- 第三站 : 穿梭瀑布群
- 第四站 : 返歸
1. 第一站 : 觀景臺
如上回所講，倒塔咁7點出發，Tour既車會來到酒店接你
即係6點你就要起身，wa乜9月尾泗水5點已經日出ge，我唔係晨型人好眼訓呀……
好彩車程夠耐，足足4個鐘有排補眠， 途中仲有免費早餐，我都係第一次係便利店門口食早餐
中午11點，我地來到千絲瀑布Tumpak Sewu了~
呢個時候需要換上防水/落水衣物，因為就算妳唔行入瀑布下都一定會全身唉濕x哂
亦千其唔好著拖鞋，沿路會經過大量涉水而行既岩石路，行山涼鞋或獨木舟用既水鞋是必需的，手機都最好用防水袋
另外強烈推薦帶一個可上身的防水袋內加膠袋!
導遊話就話passport唔使帶係身，但妳夠唔夠薑就咁放係車上呀?
同埋帶支水都要ga，印尼既中午35度，飲瀑布水咩
影張大合照比導遊交功課後就出發啦~
由門口至觀景臺只係10分鐘，可以由上而下一覽整個宏偉既千絲瀑布
整個瀑布就好似一座森林好地地突然比龜波氣功射凹左個大坑咁
導遊話直徑長達1公里，即係我跑兩個半紅圈30分鐘就會到
係呀我跑得慢ar嗎
2. 第二站 : 千絲瀑布底洗白白
係導遊帶路下開始慢慢行落山谷，向瀑布底進發
起初都有樓梯，但慢慢變成天然石級，越來越斜越落越深之餘，仲要開始涉水下行，冼腳ga喂
開始有團友擔心「hihi了一陣原路上返嚟咪pk!?」
但導遊話會另一條路上，咁都好d~
人生既谷底未到，但呢個谷底20分鐘就到啦~
再向前行多5分鐘，超勁壯觀既千絲瀑布就在眼前了~
拍攝千絲瀑布既最佳位置係前方小山丘，多數導遊都識帶我地上去ga la
只係上山丘既路因為水花而有d冼，而且好鬼多人
所以影出嚟既相靚唔靚，就好睇幫你影果條友既技術啦 (都幾廢話)
並非歧視! 但經驗所得，歐洲人士影相真係唔係好得!
班導遊日日影，工多藝熟知哂點囉角度，交比佢地啦!
睇下~ 我對腳又長過小志強啦!
重頭戲係走入千絲瀑布底!
但講真，妳以為可以係瀑布底影到d咩花果山水簾洞美猴王齊天大聖孫悟空既話就真係太天真啦!
首先妳根本行唔到太入，因為路面與石舂因長期被瀑布打磨已經係溜冰咁冼
第二亦都係最重點，部相機根本唔會影到相
頭先係小山丘d水花已經周圍飛，落到瀑布底，唔係水花四濺而係比水喉淋緊呀!
想像下你一邊前進前面一邊前後左右比4條消防喉灌溉緊!
咩鏡頭都零秒糊哂啦!
呢個係陪我行入瀑布底既導遊後生仔
3. 第三站 : 穿梭瀑布群
行完一轉千絲瀑布既濕身程度同玩完浮潛係無分別的，好處令你完全唔會再覺得天氣悶熱~
但行程未完~
退回山谷底向反方向前進，在山坡上上落落，導遊會帶妳到達數個較小型的瀑布
個人覺得呢段行程亦非常精彩! 因為你可以親身享受瀑布的魅力~
不論係十指輕掂陽春水，或者扮步驚雲出關，甚至跳入瀑布練習盧山昇龍霸都得~
除左瀑布，亦會參觀小鐘乳洞~ 影相非常一流!
不過d石真係幾滑，對行奇岩怪石無乜信心既朋友都係小心d好
4. 第四站 : 返歸
玩埋小鐘乳洞就開始返歸了~
但係，我完全唔知道已經返歸進行中，只係跟住導遊越行越高，又越行越斜……
喂真係頭先行咁多樓梯落嚟，要行返咁多樓梯上去呀???頭先導遊明明話……
係wor只係佢話唔係原路上返去，無話另一條路矮d輕鬆d wor!
我事後check過Tumpak Sewu既高度，大約係30-40層樓高，我囉個中位數，即係我係無熱身又比水淋到d肌肉凍哂既情況下，突然硬爆上35樓????
都行到ge!辛苦g嗎!
辛苦得滯中途無影過相，得呢張剛開始回程ge
半個鐘後，成功返到上去，但大腿肌肉剎那間過度用力，我開始擔心之後既登山行程頂唔頂得順
缸油就係咁多，無呢啦間一開波就用到見紅
而事後證明，呢個又美妙又奇差無比既開局，成為我之後兩日幾乎行到無命既主要成因……
講多少少~
如果擔心更衣問題ge，Tumpak Sewu入口停車位有洗手間和更衣淋浴間，大約5000蚊印尼盾
Wa好似好貴wor!
港紙2個幾ja~ 比啦~
同本地導遊小弟們air drop完d相，3點幾司機大哥車埋我地去食lunch，之後就向今晚既山上酒店出發了~
下回繼續~ 講著名既Bromo日出啦~
========================
請大家Follow我Instagram啦~
[instagram-feed feed=1]
另外Threads果邊有我其他教書、旅行和大學時代既攪笑/悲慘故事，快d follow埋啦~
https://www.threads.com/@fung_garcia_backpacker
=====================================
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
=================================
相關篇章 :
印尼行火山系列 ：
加拿大黃刀鎮極光系列 ：
名古屋、北陸自駕遊系列 ：
《名古屋8日父母自駕遊行程 (上)︱行程概要、下呂溫泉及上高地》
《名古屋8日父母自駕遊行程 (中)︱富山、冰見、金澤漁市場+加賀溫泉+兼六園》
《名古屋8日父母自駕遊行程 (下)︱福井縣海岸線、三方五湖+名古屋鰻魚飯推薦》
九州自駕遊系列 ：
《Day0.1 – 日本自駕遊初體驗(上篇)︱初心者租車攻略》
《Day0.2 – 日本自駕遊初體驗(下篇)︱準備清單與第一次自駕心得》
《Day1.2 – 福岡糸島打卡精選︱海邊韆鞦、夏威夷風海灘、夫婦岩鳥居、爆蛋三文治》
仙台山形系列 ：
京都紅葉系列 ：
《1 – 京都紅葉隧道此生必去︱貴船神社、琉璃光院︱叡山電車紅葉路線介紹》
富士山登山全記錄：
日本溫泉及溫泉旅館介紹：
日本富山、石川、琵琶湖 :
日本和歌山、白浜 ：
東京、大阪、京都：
韓國濟州島 :
《Day2.1 – 東門市場的遺憾︱豬肉湯麵+海鮮飯卷推薦》
《Day2.2 – 龍頭岩海水汗蒸幕︱最強黑毛豬餐廳「石窟黑豚」》
《Day4.1 – 濟州島 9.81PARK 重力賽車公園》
《Day4.2 – 濟州島 Arte Museum 光影饗宴》
《Day4.3 – 濟州島春日咖啡廳BOMNAL︱涯月咖啡街》
================================
Email : funggarcia@gmail.com
文章同時刊於以下平台，請各位多多支持呀!!!!!!!!!!!!!