衰d講句1 : 以遇害 次數嚟講日本都係發達國家中數一數二，剩係地震一項都嬴幾條街……….
衰d講句2 : 香港人其實無乜機會體驗咩大型災害，萬一大吉利是遇到危險時，第一件事我諗有一半人諗既唔係「快d走!」而係「快d走入去拍片先!」
唉講physically的危機應變處理，我地一定唔會夠日本呢d訓練有數既咁快咁好ga， 所以有機會既話，做d防災練習下有定個底未雨綢繆絕對係好事!
可能大家都有d咁既心理，所以位於池袋西口既「池袋防災館」開放以來奇異地深受外國遊客歡迎!
我中學男班長whatsapp group度話去完幾唔錯，咁我今次係東京咪去學下野law~
「池袋防災館」門口並無乜野大型宣傳板，只係一座不甚起眼的建築物樓上
原來呢座係真正的消防處物業，防災館亦是以教育為目的非為牟利，所以遊客只要入場填form登記，就可以參加每次兩小時的tour，先到先得~
每個section既tour內容都會有d唔同，可以參考下面張相~
活動1 : 睇教育動畫
呢個館原先既target根本係日本小學生，同學校帶我地參觀科學館既道理完全一樣，所以我地呢班唔la間既瘟神唔該都坐定定係度一齊睇教育電視呀!
Ee估唔到個兒童向教育動畫又幾好wor!
故事講述3個小學生做功課時突然穿越去到不同時代既東京，親身遇到多個歷史上的大型天災
故事有哂起承轉合，有緊張有友情有熱血有感動，連end song同英文字幕都有! 誠意度超級爆燈! 好睇過TVB多多聲呀!
活動2 : 滅火筒試用
想當年中學有個女同學比人叫「滅火筒」，原因係一見到佢個樣咩火都會熄哂……..
對唔住……呢個咁賤既名唔係我改但我有份笑……….細個唔識野對唔住呀………
不過呢位同學已經貴為人妻少奶奶非常幸福美滿~雖然大家唔熟但都替佢開心呢~~~
好~廢話講完~
正常嚟講我地唔會有機會囉起個滅火筒ge! 唔會有人得閒無事「阿仔ar囉個滅火筒嚟噴下間屋啦~」ga ma
係呢個地方就有機會比你學下點樣正確射呀射射他吧啦~導賞員仲會不停要求你小學生式大聲跟讀口訣~
作為一個前教師，呢種「後鏡、撻匙、極礫子、廁所棍」既簡單口訣絕對會係非常易入腦既教學好方法，之不過我唔識日文記完都唔知做乜g ma!~
至於囉起滅火筒既感覺，其實幾威風ga~成功滅火就好似勇者成功打敗壞人咁好有滿足感!
之不過，點解個火只係電腦影像，「滅火」既方法唔係我地淋熄而係導賞姨姨啪掣禁熄………………
唉我except會有真火ga……..
活動3 : 逃出火場
火災死者大多數都係比濃煙焗死的，所以呢度就比妳體驗下置身火場伸手不見五指既狀態係點樣
參加者以2-4人為一組分批入內，當警鐘響起就要立刻蹲低逃出迷宮狀的火場!
話說呢一part我睇台灣旅遊節目介紹過，講到個體驗好似好辛苦好嚴重，點知我同兩個新加坡少女唔夠3分鐘已經走左出嚟…………….
「迷宮」短到我原本想貫徹香港人既拍片精神都無機會ar………………..
但諗真d，逃生緊都拍片會唔會比人鬧爆呢?……..
活動4 : 模擬地震
壓軸既係最多人期待(?)既模擬地震體驗!
雖然明知地震係大慘事，但在場好似個個都充滿住預備玩機動遊戲既心情咁…….
Anyway~
依然係分批進入體驗，唔同既係今次導賞姨姨堅持每一個小朋友都必須參與，就算係3歲未夠都要，因為住日本就一定會遇上地震，呢個係每位日本公民都不能逃避的一課，由此都睇得出佢地對此事既認真
而我和兩位新加坡少女及一對香港情侶則感受到1995年神戶大地震的恐怖
講真呀，明知個體驗係假係安全係好快過，但身處其中時仍然會有非常強烈的無助感，仍然會感到害怕，真係好難想像當年設身處地災民既心情會有幾恐懼…….
Btw，曾經有睇過外國教學話地震唔好縮係桌底因為會塌，但呢個防災館係消防局直屬的無理由會錯ga??
所以我唯一諗到既解釋就係 ——— 張桌Made in Japan既先好縮落去呀!!!!!
(完成哂可以打返個嘜頭)
寫呢篇文時，順眼睇埋關東大地震既wiki資料，真係一邊睇個心一邊拿住拿住
因為無論我地既災害應對措施做得幾好，最終可能始終都敵唔過大自然同命運
但係我地亦唔可以因為咁就咩都唔做等死，那怕只能提高百分之一既生存率，都必須盡力去做! 呢個就係防災館建立既理由了
講玩，呢度未必非常好玩
但離開的時候，絕對會令你對生命有一番新既體會
=================================
東京雜記系列:
==================
=================================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
岩岩開始，完全未有人睇呀~
=================================
IG果邊間中會有d和Blog及fb page不一樣的相片和story，大家有興趣既去follow下支持下啦~
Instagram : https://www.instagram.com/fung_garcia_backpacker/
Email : funggarcia@gmail.com
My Facebook Page : www.facebook.com/Garcia.in.Germany
Medium : https://medium.com/@funggarcia
另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!!