尋晚連夜趕嚟Bansko呢個保加利亞山中小城既目的只有一個!!!!
我好想滑雪呀教練!!!!!!!!!!
5年前係列支敦士登，曾經有一個好好既滑雪機會而我無好好珍惜，到離開左之後先後悔莫及，人世間既苦痛莫過於此
好彩唔使等一萬年，我而家就去會一會你!!!! 等我呀大雪山!!!!!
深圳都有得滑雪啦! 做乜鬼要走到咁遠ar衰鬼!
梗係有著數啦~
嚟保加利亞滑雪有兩大優點，第一個 ——- 平!
好似我咁租塊Snowboard+鞋+雪褲都係45lev = $200，即係話如果自備雪褲或對自己個蘿友硬度好有信心的話，真係百零蚊港紙就有鞋有板! 平過去海洋公園呀!
第二個優點 ——- 方便!
Bansko近滑雪場的大街上有超多滑雪用品店舖，求其搵間撞入去啦~ 價格唔會差好遠，又或可以搵周街都有、「賣新樓盤」式既sales哥仔吹兩句水就知乜料了~
好似我咁完全無任何滑雪準備及經驗既素人初哥第一次下海，都有教練或training course即場報名~
總之兩手fing fing就可以嚟一展身手磨平個蘿友~ 正!
應該唔少朋友都好似我咁係第一次滑雪，所以都係講兩句租物品流程啦~
入到滑雪用品店，門口職員會問妳玩Ski定Snowboard
有人會覺得Ski易d，亦有人話控制1件野易過4件野，所以都係隨心想玩邊樣就邊樣啦~
但我相信十個男人有8個都會好似我咁 ——– Snowboard唔該~
點解? 瀟灑law!
總之決定好後，職員會帶妳揀鞋，而呢部份都係職員最仔細既地方，對鞋唔岩係滑唔到+好易受傷的! 總之佢地話勒到隻腳超緊就ok ga la
但點解我直情勒到痛ge，佢地又話ok，咁就是但啦………
著好鞋就揀雪板，職員會幫你即場打蠟，所以塊板幾乎零磨擦力，放地板都會飛左落街執唔返!
最後就係放低你既隨身物品係店內，因為滑雪場上面係無locker無storage的
但當我見到我個隨身袋只係好求其地被pet係職員counter張凳度……………
超唔放心呀!!!!!!!!! 我寧願帶埋佢一齊滾雪球了!
妳慌我可以滑到飛越100米咩………..咪又係放個袋係旁邊之後不停pk…….
萬事具備，出發啦!
如果真係初學者，其實可以係登山纜車後方的小童滑雪場練習，不過一場嚟到，無理由唔上雪山睇下ga~
Hotel的美少女職員話就算唔滑雪都值得上山睇靚風景ga~
登山纜車的價格按使用日數或次數而定，我就要左山腰一次來回，價格約30lev = $135，1 Day pass則由65lev = $320左右起跳，幾乎係我係保加利亞見過最貴的產品了!
如果有信心自己滑or碌落山ge，買單程都好夠了~
(只係纜車上山呢段路的風景已經值回票價了~)
嚟到山腰，好多人呀!!!!!!!!! 估唔到雪山都有旺角呀!!!!
但風景好正呀!!!!!!!!!!
不少保加利亞人都不約而同話 : 就算唔識滑雪，都應該上嚟Bansko雪山欣賞下如畫般的美景! 而家一睇又真係超掂wor!!!!
Hey其實邊有唔靚既雪山ga……. 但雪山加埋妙齡鬼妹係咪靚人靚景掂好多先!
等我展示下自己既滑雪雄姿再認識下佢地先~
係展示雄姿前首要唔好pk先~
靜雞雞走去一個「傷殘人士上落巴士咁上下」既斜坡仔度滑下先啦!
等等先阿鋒，你就咁滑得ga la，唔會跌到傻咩???????
我人生有好豐富既跌低經驗，應該無問題ge~~~
Wa塊板你唔好走呀~~~~~~~~~~~~~~ Wilson!!!!!!!!
(一放低塊板，都未踩上去已經走左佬……..)
阿師兄你咁唔係辦法wor，搵個教練好無
搵教練? 諗都無諗過~ 係金髮美女就話je，黑古甩掘胡鬚佬我採妳都傻，最多偷睇人地點教點學ga je~
但對面呀胡鬚教練見我不停眼甘甘望住佢，會唔會誤會左d咩呢……..
好啦講左咁耐，究竟我滑成點呢?
要唔要用到傳說中既「前列腺剎車」呢????
唔使講咁多，去片!!!!!
苦練左兩個鐘算係咁啦下話~~~~
咁當然係拍左幾十條片得呢條出到街啦~
呢兩個鐘內都唔知出左幾多次屁股向後平沙落雁式，食左幾多次珍多冰，就算有雪褲保護，個蘿友仍然由三角形磨到變梯形!
有幾次甚至係倒轉扒係度腳向下頭向上咁高速向下跌，唔講以為拍緊詭屋驚凶實錄
(原本想搵《詭屋驚凶實錄》既相，但為免嚇親人，用住用一宇宙既詭修女先啦~)
唔理~~~~ 總之就最終都成功無跌兼拍到片~!!!
滑完立即無哂動力，yeah去影相lu~~~~~~~
一影就影到太陽落山，4點幾左右，都係時候走人了~
「Hey 走人lu~」見個個外國人不論大小既走人方式都係直接戴起護目鏡就衝落山，場景勁似班連邦軍渣高達出擊咁「Gumdam! 阿寶‧尼爾! 出擊!」
我囉住塊snowboard，心裡一陣天人交戰 ——– 碌落去都係7km je~ 最多訓返兩三個月醫院，唔死得ge~
………………………………………………………
算啦都係下次先，我唔想夜嗎嗎係雪山要燒底褲取暖ar………
(真係衝落去既話，下場應該同阿桂一樣…….)
好啦關於係Bansko滑雪既事就係咁多~
其實睇哂上面d相都會發現，呢個滑雪場有更高更斜既雪坡比高手挑戰，亦有超靚既風景比低手齋hea，價格比起瑞士北海道等更係平極多
所以冬天嚟到保加利亞，無理由唔嚟Bansko磨一磨蘿友ga~
至於我，朵花仲存在，但雙腳就比對滑雪鞋勒到起哂水泡花呢碌，痛左我幾日………..
都話係太緊ga la……… 大家記得要著長厚襪ar……….
順便講埋我住左兩晚的家庭酒店Campanella Boutique Hotel
Booking.com 曾高達9.9分，乾淨夠大，暖氣充足，早餐豐富，屋主會主動免費車大家去滑雪場，佢仲有個能操流利英文超級美女女兒 (重點!)
推薦~
計一計，我的旅程已經來到第6日，但仍然係backpacker本色今日plan聽日事
唔好話聽日住邊，連去邊個地方都未決定呀!
stay多一日係Bansko玩Ski? 定係早d落今次旅程既終點Thessaloniki好呢?……….
再細想多陣，腦內靈光一閃，鬼主意湧上心頭 ——— wahahahahhaha咁樣既旅程一定有趣得多!
而家係12點半，仲有3個鐘訓，我一陣要坐零晨5點正巴士返Sofia先呀!
(凌晨4點幾的Bansko市中心)
===================================
相關篇章 :
《漫遊保加利亞3 – 索菲亞的免費午餐Free Food Tour》
================================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
岩岩開始，完全未有人睇呀~
=================================
IG果邊間中會有d和Blog及fb page不一樣的相片和story，大家有興趣既去follow下支持下啦~
Instagram : https://www.instagram.com/fung_garcia_backpacker/
Email : funggarcia@gmail.com
My Facebook Page : www.facebook.com/Garcia.in.Germany
Medium : https://medium.com/@funggarcia
另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!!