近期用多左呢d名，咩全攻略大解構十足game書咁，因為聽落型d可以遮掩下d無聊內容ar ma XD
入正題啦～
芬蘭聖誕老人村Santa Claus Village幾乎係芬蘭甚至Lapland地區最具代表性既地方，幾乎唔特別講都唔知其實佢只係位於芬蘭北部城市Rovaniemi（台譯 : 羅凡聶密）的一個小村莊
佢之所以咁出名，其中一個原因係呢度號稱有真正聖誕老人存在，而且每年佢都係度出發去派禮物，年終無休既聖誕氣氛，加上白雪極光，於是成為全世界少女夢寐以求既浪漫地方!
但有幾浪漫呢？聖誕老人村又有幾奇幻呢？就等我呢個獨男為妳地掀開佢神秘既面紗……………..
於Rovaniemi火車總站或市中心，乘坐8號巴士約半小時就可直到聖誕老人村，單程3.9€，來回7.5€平少少，通常都買來回ga la
一到達門口就係聖誕老人村專屬information center，係呢度有齊各種各樣既資訊同紀念品，可以花$5港幣請佢係passport上打個聖誕老人村入境印（都幾特別ge~），甚至可以用30幾蚊港幣買張進入北極圈證明書～
但個人覺得後者有d無聊，因為明顯係printer野，而且個簽名等等都係information center個職員寫上去的，係咁流料既情況下我真係想囉部printer同佢打對台，收平一半都賺到笑呀!
此外information center地版上有條北極圈邊界線，一行入去你就進入北極啦!!!!!!!!!!!!
但莫講話我已經係北極第六日呀，我自己行過左條線都唔知ar………….“下乜有d咁既野ga咩？原來係呢度ga?”
穿過information center，主村部份正中央係聖誕老人居所～
內部是一個個佈置特別既聖誕場景，免費入場但不能攝影，走到盡頭就可以見到傳說中真真正正既聖誕老人啦!!
只見佢紅衫白鬚大肚腩，坐在軟椅上對我呵呵一笑 “Hello welcome!”
果然同想像中既聖誕老人一樣呀!!!!!!!!!!!!
廢話!應該話佢係根據我地心目中聖誕老人既形象裝扮出嚟演員呀!!
“where are you come from?”
“Hong Kong”
“啊!Ni Hao!”
“ar……..其實係你好呀”
不由得有d慨嘆聖誕老人既商業化
但回想一層，佢一日做足十幾個鐘佈景板，齋坐陪笑扮熱情，除左唔使飲酒工作性質同夜總會小姐無咩分別，其實真係好辛苦ga……..
合照後握握手，同佢講一句“tough job, I know”, 老人家握我的手微微用力，眼中閃過一絲唏噓，微微的點點頭
唉，搵食je
至於張合照，一個近三十歲既男人獨自同個老人家影一張相要$190？
留返同我將來既女人嚟先啦
聖誕老人村其他部份仲包括一眼睇哂既愛斯基摩人帳篷，百幾蚊一個圈既馴鹿拉車，仲有雪地電單車同雪犬拉車tim
後兩者就算唔計收費不菲，都應該係要於廣闊既雪原上飛馳，邊叫好凍邊叫“無人可以係我前面”先過癮ga ma，點會屈係個小小場地內玩呢
再講我見到d籠內既雪犬，總不忍心要辛苦佢地…….
仲有最後一個地方，聖誕老人郵政總局Santa Claus main post office!
我覺得呢個郵局先係整個聖誕老人村的精髓所在!
內裡佈置得像聖誕老人的家一樣溫馨而舒適，世界各地寄給佢老人家的書信都集中於此
一個一個箱沉甸甸的，一封一封都是願望，都是相信，這裡收藏的是千千萬萬個夢想，只是這一點已有一到的理由
但我發現了“中國”的箱裡包含有台灣、日本同大陸的信…..都唔知好嬲定好笑
Anyway，呢度有近百款postcard任你揀，如果你有好多人要寄卡既話，消磨你幾個鐘絕對唔係咩難事，我就3個鐘law……
話哂都係postcard聖地，聖誕老人有份送既postcard wor，好有紀念價值ga!仲可以選擇寄定來年聖誕既聖誕卡tim~
如果仲覺唔夠特別，仲可以比7€預訂聖誕卡，正宗聖誕老人會於聖誕節親自送上祝福，贏哂啦掛～
雖明知係商業手法，但都不能不讚創作者既心思，起碼你會乖乖比錢呀～
（黃色即時，紅色for聖誕節，咁重要既郵筒，娘娘地都要影返張相ge）
寫完哂卡，5點天黑哂要走啦
心血來潮再走到中央廣場前，靚得多了，聖誕果然係同夜晚夾好多
好啦!聖誕老人村就係咁多啦，基本上就係一個超級無敵大既聖誕主題souvenir店!
同幻想中既浪漫有非常非常大既出入
我承認郵局同夜景的確有其特色，但唔計呢兩樣既，真係一個普通1個鐘行哂的主題商場而已，我肯定新城市廣場行得耐d!
呢一篇令各位少女夢想破滅tim，對唔住呀!
===================================
IG果邊間中會有d和Blog及fb page不一樣的相片和story，大家有興趣既去follow下支持下啦~
Instagram : https://www.instagram.com/fung_garcia_backpacker/
==============================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
=================================
Email : funggarcia@gmail.com
Facebook Page : www.facebook.com/Garcia.in.Germany
文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!!