繼續帶老父母去日本中部既自駕遊行程~
今次講下Day3至Day5係富山市、冰見市、金澤市兼六園及加賀溫泉既行程玩d乜~
文章概要:
Day3 – 富山、冰見漁市場之日
Day4 – 金澤いきいき魚市、加賀溫泉
Day5 – 兼六園、金沢城玉泉院丸庭園
========================
請大家Follow我Instagram啦~
[instagram-feed feed=1]
另外Threads果邊有我其他教書、旅行和大學時代既攪笑/悲慘故事，快d follow埋啦~
https://www.threads.com/@fung_garcia_backpacker
=====================================
Day3 – 富山、冰見漁市場之日
行程 : 高山市 –> 2h –> 富山市 – 新湊きっときと市場 –> 20m –> 雨晴海岸 –> 15m –> 冰見漁港場外市場 –> 40m –> 千里濱凪沙道路 –> 45m –> 金澤市
Lunch : 富山市 —- 新湊きっときと市場 (油甘魚)
Tea : 冰見市 —- 冰見漁港場外市場 (長腳蟹)
Dinner : 高山市 —- 赤玉金劇パシオン店 (關東煮)
是日溫泉 : 氷見温泉郷 総湯
住宿地點 : 金澤市Apartment (Night 1)
「新湊きっときと市場」嚴格嚟講只係海邊商店，並唔係築地果種漁市場，中午12點已經近乎無野食
但如果同魚檔老細溝通到，係可以好似我地咁成條油甘魚買起佢，再比幾百yen加工費，老闆會叫餐廳大廚成條刺身起比你~ 仲有魚頭魚骨比妳返屋企煲湯~
4000幾yen有下圖呢盤大龍鳳，真係抵到傻!
我以為食緊婚宴……
如果天氣好到一d煙霞都無，雨晴海岸睇立山連峰一定係絕景!
但我今次天氣仲衰過上次，個天同我個人一樣黑過墨斗，都係直接跳過去冰見漁市場啦~
此處買到的螢光魷魚和日常食到的螢光魷魚，簡直就係A5和牛與花園餐廳既分別
至於隻蟹只係撞岩有，7000yen有3隻大松葉蟹，唔食對唔住天地良心啦!香港一隻都唔止呀!
「千里濱凪沙道路」係刻意兜路過去，畢竟能直接飆車的沙灘甚為罕有，在丹麥Fanø以外就未見過了~
如有日落更是一流~不過叉有日落咩……
至於晚餐，金澤出名關東煮，求其一間水準都唔差，值得一試ga~
Day4 – 金澤いきいき魚市、加賀溫泉
行程 : 金澤いきいき魚市 –> 1h –> 加賀 那谷寺 –> 15m –> 大江戸温泉物語Premium 山下家+Dinner
Lunch : 金澤市 —- いきいき魚市 (毛蟹)
Dinner + 是日溫泉 : 大江戸温泉物語Premium 山下家 (Buffet)
住宿地點 : 金澤市Apartment (Night 2)
2日內第3個漁市場，我屋企真係好鍾意食海鮮
唔好去劏遊客既「近江町市場」，有渣車既話一定係去「いきいき魚市」!
細好多，屋村街市樣，但海鮮真係又平又靚! 平到嚇死人果種!
強烈推薦毛蟹，香港無8舊水食唔到! 呢度3000yen……
呢度3000yen
那谷寺應該要紅葉季節先值得入場，大暴雨既今日都係慳d啦(I mean慳1000yen入場費)
加賀溫泉鄉的溫泉旅館「山下家」門口是沒有「大江戸温泉物語」呢幾隻字的，停車場亦係其他地方，搵唔到既話可以去到門口再問人
其「天空之湯」能在最高點一覽加賀溫泉鄉天際線，確是一絕!
如有日落更是一流~不過又係無
Buffet的味道與種類遠比想像中好!
壽司刺身炸物蒸物天婦羅烤牛肉全部任食，絕對正過極上大x喜! (咁比較好似有d唔公平?)
日歸溫泉+Dinner Buffet plan平日只係4200yen一個人，會唔會抵得太過份?
那谷寺
大江戶溫泉物語 山下家
Day5 – 兼六園、金沢城玉泉院丸庭園
行程 ： 兼六園 –> 玉泉院丸庭園 –> 金澤城公園 (全程市內)
Lunch : 金澤市 —- とんかつ ぶんぷく 金沢ベイ店 (吉列豬扒專門店)
Dinner : Apartment自己煮 (超市豪買)
是日溫泉 : 滿天の湯 金澤店
住宿地點 : 金澤市Apartment (Night 3)
日本三大名園兼六園既靚真係唔使講太多，記住藍天有陽光會大加分!
如果唔好彩落雨，可以和前一日加賀溫泉既行程交換
兼六園唔大，最多行兩個鐘乜都夠
可以行完去附近食lunch先去隔離金沢城又得，招積d學我地咁為左食好野，特登渣半個鐘車去食個飯再渣半個鐘返嚟又得
Btw呢間超厚吉豬酥脆juicy唔油膩，自己即磨芝麻香到痺，我parents鍾意到而家仍不時提起，大推!
玉泉院丸庭園位於金澤城公園之內，比較早收，但收左都可以係外圍影相
金澤城公園有時間都可以行個圈，之不過會有少少被前兩個庭園比下去
老人家有精神既話就仲可以去市區或東茶屋街行下，攰既話就比佢地休息下，當少d節目既今日係rest day啦~
「滿天の湯 金澤店」算係幾日下來浸過擁有最多不同種類池的溫泉店，亦幾乎係金澤最佳既錢湯店
步行3分鐘有綜合商場+大超市，但貴貴地無咩野買，超市都係「マルエー」好d
晚餐自己係apartment煮餐豪ge~
去日本，自己煮先係皇道嗎!
Apartment自己煮真係日本重點行程
Apartment自己煮真係日本重點行程
Apartment自己煮真係日本重點行程
又太長，下回final!
========================
請大家Follow我Instagram啦~
[instagram-feed feed=1]
另外Threads果邊有我其他教書、旅行和大學時代既攪笑/悲慘故事，快d follow埋啦~
https://www.threads.com/@fung_garcia_backpacker
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
=================================
相關篇章 :
名古屋、北陸自駕遊系列 ：
《名古屋8日父母自駕遊行程 (上)︱行程概要、下呂溫泉及上高地》
九州自駕遊系列 ：
《Day0.1 – 日本自駕遊初體驗(上篇)︱初心者租車攻略》
《Day0.2 – 日本自駕遊初體驗(下篇)︱準備清單與第一次自駕心得》
《Day1.2 – 福岡糸島打卡精選︱海邊韆鞦、夏威夷風海灘、夫婦岩鳥居、爆蛋三文治》
仙台山形系列 ：
京都紅葉系列 ：
《1 – 京都紅葉隧道此生必去︱貴船神社、琉璃光院︱叡山電車紅葉路線介紹》
富士山登山全記錄：
日本溫泉及溫泉旅館介紹：
日本富山、石川、琵琶湖 :
日本和歌山、白浜 ：
東京、大阪、京都：
韓國濟州島 :
《Day2.1 – 東門市場的遺憾︱豬肉湯麵+海鮮飯卷推薦》
《Day2.2 – 龍頭岩海水汗蒸幕︱最強黑毛豬餐廳「石窟黑豚」》
《Day4.1 – 濟州島 9.81PARK 重力賽車公園》
《Day4.2 – 濟州島 Arte Museum 光影饗宴》
《Day4.3 – 濟州島春日咖啡廳BOMNAL︱涯月咖啡街》
================================
Email : funggarcia@gmail.com
文章同時刊於以下平台，請各位多多支持呀!!!!!!!!!!!!!