我前幾篇成日話時間緊迫，主因在於想參觀8/2於拉脫維亞Jelgava舉行一年一度的國際冰雕節
睇wikitravel同官網好似講到好勁咁，有難得節慶又夾到時間點解唔去～
為此一早做足功課兼book哂hostel，期待左勁耐，唔好令我失望呀!
Jelgava位於拉脫維亞首都里加Riga既南面，只需1個鐘及幾廿蚊港幣即可小巴直到。
第一印象都幾差，因為個巴士總站滿是黑泥積水，候車室又污糟又醉酒佬，而且無任何information center及資訊話我知呢度係咩位置
好不容易問到張地圖返嚟，距離冰雕節d main event又仲有d時間，無理由唔周圍走ga~
呢個小城市唔算大，基本上11號車行哂。唔算差，但如果唔係冰雕節我都未必會特登嚟，同埋我見會有一車醉酒青年上半身伸出車外向街上狂呼扔野，令我開始覺得呢度治安睇嚟真的不大好……
（拉脫維亞呢d係巴士嚟ga la，勁迫，但幾蚊雞ja咪要求咁高啦）
（呢座睇落都知係景點既建築原來係information center）
閒逛時經過現已改為大學既Jelgava Palace入去走左轉
唔知係咪香港d大學太新太靚，我成日覺得應該好似咁木製舊舊地先有書卷味，同埋最後排桌面要有墨寶，最好係塗改液，一個唔覺意可以救返路小雨ga!
講到底，好懷念大學生活ar………
（大學外的Pils Park）
終於來到期待已久既冰雕節會場!!!
大會今年主題係Wonderland，我希望見到既，係世界各國冰雕高手既華麗傑作，匯聚成一個冰雪的幻想仙境
但現實就係M記魚柳包
一入會場，已經被滿地泥黃色既池塘沼澤吸引，乜我去左潑水節咩？
再望一望展品，全部甩皮甩骨淋左漒水咁!d冰雕溶左4成呀!!!!!!
所有細緻倫廓一律變哂無面人都好啦，最慘好多雕塑係成個斷開左或一地都係!
我知道呢幾日拉脫維亞天氣回暖（高過零度），都明白前晚落左場大雨，但作為一個國家既代表性活動，仲要唔係第一年攪，點可能唔將天氣因素計算在內？？
中國兩千幾年前已經有個男人自己做完天氣預測嚟放火燒人隻船啦，拉國既現代人唔係連天氣報告都唔識睇呀？
定係一早知道會落雨，但蠢到唔識加個帳篷同保冷呢？可能係真係唔識啦，但下場咪比人笑law， 可憐一眾冰雕師的心血毀於一旦……
試下從另一角度睇呀，展品大約分為中型及小型，中既人咁高，小既貓狗咁大
問題嚟啦，唔係應該有大型d成層樓高ga咩？？sorry係無ge
咁冰雪城堡，迪士尼一家親果類呢？？有，係迪士尼樂園，最近果個係法國
冰滑梯有啦掛! 有，10歲以下限定，矮過街口阿伯扶住晨運果個law
最有睇頭ge，要數Ice Bar了
唯一較為巨大的冰造酒架，還可以用冰製酒杯暢飲伏特加，perfect!
我叫左一杯，囉起放到唇邊大啜一口 ——- ee支杯無酒ge?
問問酒保，佢二話不說再倒一杯，這次我清楚地睇到d酒流水淙淙地從底部高速流走，隻杯穿窿呀喂!!!!!!
再問酒保，佢二話不說囉隻新杯，再開金口話d杯質量唔好，要快飲
無奈二字寫在臉上既我唯有高速快飲，但人力不敵地心吸力，請哂我對手襪飲law
你會問咁下面張相呢？得隻杯無酒ga
如果話有咩值得一睇既，係主舞台上有冰雕師即席表演，令你慨嘆佢地手工精巧之餘，更詫異佢地把刀點會削冰如泥，唔通係傳說中既高振動粒子刀？
不過睇耐左都悶，加上會場不大，個半鐘已經悶到頂唔順走人
離開時見門口買飛條隊長過Halloween鬼屋，心中暗嘆
失望中找間coffee shop坐底休息寫blog，到回程車夠鐘就回里加了
名乎其實希望越大失望越大
因為呢個冰雕節，我係聖彼得堡玩唔夠都要走，係愛沙尼亞趕頭趕命，但竟然比d咁既野我!!？？
點解我覺得如果海洋公園攪會好過佢既？？？？
走時看到Jelgava街邊的宣傳poster，相中冰雕華麗醉人，我不禁諗起詹sir名句 — “係日本人地貼張柏芝，唔通真係比個張柏芝人地咩～”
===================================
IG果邊間中會有d和Blog及fb page不一樣的相片和story，大家有興趣既去follow下支持下啦~
Instagram : https://www.instagram.com/fung_garcia_backpacker/
==============================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
=================================
Email : funggarcia@gmail.com
Facebook Page : www.facebook.com/Garcia.in.Germany
文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!!