終於都要離開Mestia了！
個天亦都如無意外地係我走果日先嚟藍藍天空多高願伸手可觸到……算啦我都慣左佢係咁玩野ga la…….
一般backpacker離開Mestia後只會去兩個地方，一係去最西部既格魯格亞第二大城巴統Batumi，否則就返第比利斯，兩者坐minibus同樣差不多要8-9小時，同樣要超早7-8點出發，民宿可代辦兼架車會嚟到門口接你
我係後者，所以係呢度要同韓國少女Summer暫別了，遲d再見啦~
返Tbilisi中途，幾乎必經歷史名城Kutaisi~ 我睇wikitravel寫到有好多野睇咁wor！反正未book今晚住宿，如果正既就係度過一晚啦~
一落車就只見M記一間，原來係格魯吉亞M記真係地標嚟ga！！！之不過點會同市中心old town距離咁遠ge？？我去中環但係北角放低我？
想揾巴士但乜都唔見，又無人識英文問唔到，唯獨一個的士佬”好心地”係咁叫我上車，仲”熱情地”想囉我個背囊放車尾，更”友善地”開價30 gel=1舊水車我去市中心，真係待人溫暖如火山啦~
但我天性冷漠，只係冷冷一句「5 gel」，即刻感染到佢由火山變雪山
我由Mestia過嚟呢處都只係25 gel ，你想車我返去呀？
一場鐵齒銅牙既角力，終於10 gel = $32成交，車程15分鐘，全程黑面，我話佢呀~
睇資料，Kutaisi最著名既係一座百獸銅像噴泉Colchis Fountain！
呢座野係根據古代格魯吉亞科爾基斯文化(Colchis)整出嚟既，希臘神話中英雄阿爾戈就係去果果頭搵金羊毛，所以個噴泉咁多羊形就係咁解
雖然我唔明點解要山長水遠千里搵羊毛，但我就知要睇清楚呢座噴泉就要穿過一個3線行車迴旋處，更準確d講係亂咁行既迴旋處!
即係話要影相的話，除非你有金剛不壞之身架車撞過嚟會傷過你，否則日光日白時一係太遠影埋車，一係太近影唔哂
不過，咩都係假，個泉靚唔靚先~
就咁睇落ok wor ~ 但上面呢張我係執過嚟超多味精，真實樣係咁的~
都唔係話唔好ge，只係無想像中咁特別law
同埋天氣太熱，加上迴旋處中央塵土飛揚，令你無咩閒情逸緻慢遊細看
我影兩張相行個圈，5分鐘左右就閃去隔離既Kutaisi Park遮蔭了
去Wendy’s食個lunch後繼續上路
首先係好大既菜市場Green Bazaar
係多野睇ge ,而且呢d market 可以睇到當地人生活我都幾鐘意，但一諗到就算睇岩d乜都唔買得就即刻謝左……..
唔通我而家買塊牛扒放係太陽下煎佢兩粒鐘咩……我熟佢都未熟啦……..
出返去轉個彎坐纜車上山，出口竟然係個兒童樂園放哂古老既機動遊戲
志不在此，因為我好Q急s，好不容易揾到地方放低幾兩後(點解遊記要寫埋呢d野？？)就沿路行去好似係文化遺產既巴格拉特主教座堂
行ar行………ee 點解落左山ge？？？？？？？Shit 行錯路呀！！！
我望下個天空 ——- wa好曬wor………
再望下個背囊 ——- wa好重wor………
而公園條樓梯 ——- wa好長wor………
我好似有教堂疲勞症wor…….. Kutaisi睇到而家都無野令我心動wor……..
好~ 算數~ 睇埋條chain bridge~走人~~~~~~~ 返第比利斯啦~~~~~
回程講多少少~
原來係Green Bazaar外巴士站可以坐1號車返到去Kutaisi既mini-bus station，即係我落車果間M記外
架車好密，車程約20分鐘，價格只係0.4 gel = 港幣1個2毫8！！！可想而知岩岩個的士佬幾過份呀！！！！
另一趣事係我問車上乘客架車係咪去mini bus station for double confirm，所有年青人通通扮聽唔到，唯獨有位師奶主動拍一拍我，再叫佢8歲個仔做英文翻譯！仲要流利wor！勁！
短短3-4個鐘，我已經行哂Kutaisi 8成既景點
有點走馬看花，但事實真係無乜咩地方可以吸引到我，一d我往後遇上既旅客都持相同意見
呢個古老城市對旅客嚟講，都係順路經過行幾粒鐘算了
下篇係Day5.2，我返到第比利斯又有乜攪作呢？
下回繼續~
===================
相關文章 :
《格魯吉亞背包行Day4 – 烏樹故里，那僻遠村落中的僻遠村落》
=================================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
岩岩開始，完全未有人睇呀~
=================================
IG果邊間中會有d和Blog及fb page不一樣的相片和story，大家有興趣既去follow下支持下啦~
Instagram : https://www.instagram.com/fung_garcia_backpacker/
Email : funggarcia@gmail.com
My Facebook Page : www.facebook.com/Garcia.in.Germany
Medium : https://medium.com/@funggarcia
另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!!