續上回大雨行完大門坂全身扭得出水後，係間小店坐低食左杯普普通通無特別既備長炭軟雪糕後就急急腳走人啦 （其實急急腳既原因係我比個幾蚊雞但整到人地張榻榻米濕哂………）
經過商店街，沿指示一直係咁行行行行行，爬爬爬爬爬上幾百級樓梯都未死得既話，就會到達熊野三社中最華麗，人氣最高既熊野那智大社了!
那智大社主祭神為熊野夫須美大神，即係千手觀音
相傳千手觀音係有一千隻手的，仲流傳左一百式掌法比心源流，但個阿伯未傳比後世就自爆死Q左lu
wa既然咁利害，當然係嚟求返支好簽啦～
ee日本既簽筒唔識玩tim，等我問下果邊好靚既巫女先～
「阿巫女姐姐ar，求神～求神～………..」
唔知點解，我直覺覺得下一秒會有個和尚飛身出嚟jump back kick我，都係唔好唱啦
個巫女幫我chok完，個簽筒後，再囉埋張簽 —— woo小吉wor! Good! 影比我識日文既老友E小姐翻譯下先
「張簽無寫d咩好野wor，基本上叫你乜都唔好做咁滯。仲有個方位，東南北不可，即係你只可以向西wor」
整定我要一路向西？？？……………………
本堂右邊有條路仔通出去，會見到一座全木色既寺廟，為另一世界文化遺產「青岸渡寺」
古樸係幾古樸，靚又真係幾靚，但總係引唔起我既興趣
因為此寺最大特點就係中國入榫式的建築風格，而呢類寺廟係國內真係多到傻，就好似係外國睇教堂睇到嘔一樣
所以，都係寺外果個view靚d~直情有少少京都清水寺既感覺呀!
(右邊路仔既大樹，係屋企睇相時曾留學日本既阿哥話「呢棵有個窿可以走入去，你無影咩?」我一d都唔知law………..)
(沿呢條路就可以行到尋日既熊野本宮大社，應該都係行一兩日je~)
沿路而下，就係那智山另一地標「三重塔」，連埋佢背後的那智瀑布exect7ly就係當地常見既名信片
可惜既係，下面呢張相已經代表哂一切，再無乜其他靚角度，而且座塔上去係要比錢+無乜特別的~
係呢個時候，熊野那智山既景點已經比我玩得7788了
望一望錶，仲有25分鐘先有車走人，慢慢行落山賞下花再落去飛瀧神社睇那智瀑布都未遲啦~
但行行下覺得唔太對路，Wei頂乜條山路咁鬼長ga咩!???行左15分鐘都未落到山，我頭先真係有行到咁高???
(以上圖片為落山途中)
落到去巴士站再衝落到去山谷下的飛瀧神社已經剩低5分鐘時間，對住個瀑布超高速望兩眼影張相後又保特式9秒71超高速爬返上巴士站，好彩1分鐘前趕車……
真係ar……..點解今日全日都係度趕巴士ga…….
不過都再一次好彩我放左個背囊係鐵路站locker，如果唔係飛瀧神社呢一段百步梯我真係唔知點樣飛上去……..
(飛瀧神社同那智瀑布又真係幾氣勢，咁累都抵，唔錯!)
寫到呢度，我終於成功完成紀伊半島之旅既行程重點熊野三大神社制霸啦!
而呢個Day4我寫左咁Q多字，行左咁多路，去左咁多景點，其實時間上都只係去到下晝14:40分…………
我都話Day4好鬼長ga la，發生左既事都係寫左一半ja!
返到那智駅，儘管雨繼續越落越大，但仍囉起背囊，再坐上巴士向下一站進發
=====================================
- 相關文章 :
《【日本紀伊半島Day1.3】誤闖海女小屋食返餐總之好食就得》
《【日本紀伊半島Day1.4】風見莊是伊勢住宿no.1（無誤!）》
《【日本紀伊半島Day3.1】熊野本宮大社&大齋原都好偏僻呀》
《【日本紀伊半島Day3.2】千人混浴︱川湯溫泉 仙人風呂》
=====================================
請大家Follow我Instagram啦~
=====================================
我既Youtube Channel正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
=================================
- Email : funggarcia@gmail.com
文章同時刊於以下平台，請各位多多支持呀!!!!!!!!!!!!!