日色漸昏，由伊勢內宮離開單車緩緩駛回伊市市中心，腦內想住既，就係一陣終於可以飽嚐伊勢市聞名天下既名產伊勢龍蝦啦!!!!
我睇過台灣旅遊節目，講到呢種龍蝦天上有地下無，同尋日食松阪牛一樣，一場嚟到原產地無理由唔試ar!（但伊勢好似係指伊勢灣而唔係伊勢市……）
就係我邊踩邊想像龍蝦美味既時候，一陣濃濃的咖哩味傳入我的鼻 ——–
「wa超香呀!」
下意識講完呢句後，腳下不停繼續前進——–
「wa真係好鬼香wor!」
繼續不停向前———-
「痴線!!!!我踩左成個街口啦wor仲聞到!!？？？有無香得咁過份呀!!!」
終於忍唔住停車，回頭斜望向對面馬路，只見店舖全關黑mama的街道上，離我60米左右，唯有一紅色招牌靜靜閃亮著
越近，香氣就越濃，而且係會令人食指大動流哂口水既味道，係餓到爆既我呢個moment，真係引死人咩!!!!!!!
直覺話我知，呢間一定係強勁既隱世小店!錯過左呢一世都食唔返!
但我聽朝一早就要離開伊勢市，即係今晚唔食既話就要放棄伊勢龍蝦wor…….龍蝦wor!日本no.1既龍蝦wor!!!!
我推住架車，來來回回，回回來來，係紅色招牌門口大禹治水咁三過家門而不入，”食唔食好呢食唔食好呢………”
終於，感性戰勝左理智，我衝左入去!
為左日本周圍都有得食既cheap cheap咖哩，放棄左高級極致既伊勢龍蝦
果個感覺，就好似d韓劇劇情明明有個有錢美女飛撲過lai，但男主角死都要娶個如花……………
果然，計劃趕不上變化!
沒有日本餐廳入門聽到的“ee ya sai呢乜些”，店內只有一個老師傅在爐頭默默工作，還有一個30上下的大隻男充當助手及侍應
店內空間不大，只有4張4人枱及bar枱約二十來個座位，但已坐滿一半，門口旁還有一個放滿漫畫雜誌的小櫃，感覺就是一間中學生lunch既快餐店小食堂一樣
餐牌就一個白色燈箱及白板上的數樣，已經比我想像中多了，咁當然係清一色日本無翻譯ga la
望望四周客人食d乜 : 左邊的老伯伯一口咖哩飯一口啤酒，麻甩得來悠然自得 ; 4點鐘方向的兩個小朋友，正為剛端上的鐵板拿破崙茄汁意粉興奮不已
吱吱作響的鐵板令茄汁的酸香味大幅增強，睇落好正咁wor!
唔得ga!我係為左咖哩而來的!
望餐牌，用我僅有的日文點左個唔知乜咖哩，就睇下會整左d乜出嚟!
10分鐘後，大隻兄上菜了
我望一望，呆左一呆，呢個咩嚟ga？有d咁既野ga咩？
索一索，又的確係岩岩係街聞到既香氣wor!
再望望左邊既老伯，原來我同佢叫左同一樣既野，即係呢碟野確實係真無整錯啦
小弟孤陋寡聞，真係無諗過會有咁既配搭 ———–
咖哩汁配咖哩炒飯？？？？
但又真係好食wor!!!!
肉碎炒飯加入咖哩粉變成的乾咖哩是一種味，濕潤濃稠的咖哩汁又是另一種味，兩者混合時又係另一種味，就將瀨尿蝦溝埋嚟做瀨尿牛丸一樣，味道係幾何級數咁上呀!!!!
sorry好似誇左d，但呢個日式咖哩無論甜味辣味同香味既平衡都做得非常好!
食到寡寡地，仲有紅色既酸唔知乜（Coco壹番屋果d呢）比你清清味蕾，而我更加無諗過喼汁同日式咖哩係可以咁夾的!係可以引發到一種清新既味道!
呢個真係要多謝我左邊位老伯伯教我呢～～～～其實只係我偷睇佢落喼汁而已，佢根本無理過我……
自從減肥以來，我真係好耐無食過咁多飯，但真係太好味啦! 所以就算咁鬼大碟飯我都一粒不剩食哂落肚!
埋單800幾yen，唔算平，但呢個味道呢個風味真係無得頂～
臨走前，我忍唔住用Google translate打左我嚟呢間鋪既原因比老師傅睇，咁正既小店值得支持呀!
走時發現間鋪離宇治山田站都只係5-10分鐘步行路程而已，鐘意平民小店既大家去開果頭既可以一試ar
(總算比我係網上搵返呢間店，Tabelog果然高達3.55分，我亂咁叫既ドライカレー咁岩得咁蹺就係no.1招牌菜，so luck! 睇返網上d相，豚肉生姜燒、奄列同拿破崙意粉都好似好正………..好想再去食ar……….)
(以上都係網絡圖片)
回程時望一望原本想去食，hostel staff推薦果間鈴木水產，原來間野係我離開伊勢外宮時已經收檔ed
有d野果然係整定既～
而今次為左咖哩而放棄龍蝦，都係一種緣份，食得滿足安樂就夠啦～
去錢湯浸個三溫暖鬆一鬆，回到風見莊已經快將11點，果晚既事係Day1.4已有敍述，不表
紀伊半島Day2，完結!
（你老板ar，去10日旅行而家先寫到Day2………）
=====================
==============================
=====================================
- 相關文章 :
《【日本紀伊半島Day1.3】誤闖海女小屋食返餐總之好食就得》
《【日本紀伊半島Day1.4】風見莊是伊勢住宿no.1（無誤!）》
=====================================
請大家Follow我Instagram啦~
=====================================
我既Youtube Channel正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
=================================
- Email : funggarcia@gmail.com
文章同時刊於以下平台，請各位多多支持呀!!!!!!!!!!!!!