對我嚟講，狐狸村同銀山溫泉都只係前菜，藏王樹冰(蔵王樹冰)先係真真正正期待已久既行程!
記得十幾年前手機仲未上得網既時代，睇旅遊資訊只有囉住本實體UTravel新假期，果陣我睇藏王樹冰既相已覺非常震撼，立即newspaper cutting mark低~ 仲諗咁遠既地方我點有可能去到呢
十幾年後已變為backpacker既今日，只要立定決心(同埋儲夠銀兩)，無咩地方去唔到ge~
所以今次日本東北冬日之旅，我終於來到呢個期待左好耐好耐既夢幻景點了!
有幾夢幻?
睇落去，妳就知道真係估佢唔到呢…….
========================
請大家Follow我Instagram啦~
=====================================
文章概要:
藏王樹冰交通
藏王樹冰真面貌?
藏王樹冰夜點燈
1. 藏王樹冰交通
除左自駕外，巴士車票可以係JR山形駅的巴士總站買到~
如果打算睇樹冰，建議買來回「山形駅 <–> 藏王」巴士 + 上到最山上最高點「地藏山頂站」纜車一野全包套票，盛惠5000yen，比散買平左幾百yen ga la~
如果時間許可，我都幾贊成早一日買定飛先，更加贊成係開車前20-30分鐘就到車站排定隊!
妳睇下面張相就知架車有幾多人了……
放心啦起碼有過半人係嚟滑雪，唔係個個都上樹冰變雪條的~
係上車好焗落車好凍既巴士坐半粒鐘後，大家就會到達藏王溫泉區了~!
由於藏王有好多纜車站for滑雪人士，所以要上樹冰，就首先要係咁多個「藏王乜乜77」混亂到死既字眼之中搵到「蔵王ロープウェイ」! 記住唔係「中央ロープウェイ」呀!
「蔵王ロープウェイ」，即Zao Railway，坐上藏王山頂睇樹冰的纜車，會順序由下面呢幾個站出發~
- 「蔵王山麓駅」上樹冰的起點，小鎮主大街最盡處
- 「樹氷高原駅」由「蔵王山麓駅」上到嚟純粹的中途站，雖有「樹冰」字眼但其實未必有樹冰睇，如果預約參加左剷雪車睇夜燈會係度上車
- 「地蔵山頂駅」今次既目的地，真真正正睇藏至樹冰既地方
由於成個藏王溫泉區地面部份唔係好大，幾乎都係旺角咁上下，我由巴士站出發，於大雪中行去「蔵王山麓駅」都係10分鐘左右好近~
又或者大部份溫泉旅館都有車免費接送，唔使擔心~
入到「蔵王山麓駅」，記得將你係山形買果張飛去窗口換乘車券~
千其唔好似我咁囉住張啡色野以為可以直接上纜車咁柒呀!
你以為可以安坐纜車佈暖笠笠睇雪景? 你太天真了~
根本成架纜車都起哂霧無都睇唔到，你只能在只一忽角仔見到腳下樹上的雪越來越厚~
在「樹氷高原駅」轉乘另一架纜車繼續再上時，已明顯見到地上已經有明日之後既感覺~
中途站嚟ja~
呢度已經有少少樹冰樣了~
2. 藏王樹冰真面貌?
經過約20分鐘，終於到達終點「地蔵山頂駅」了!
係興奮ge!
但落車之前我已經覺得唔對路 —— 所有機械設施甚至牆壁之上都結滿白霜!
呢個情景! 好熟口面wor! 我好似10年前係北極圈見過wor!
一打開門落車，8號波咁既風勢夾雜暴雪狂吹埋嚟!
係精神ge!
係纜車內影出去…..好似有d唔想出去wor…….
由落車行入站內呢10秒鐘已經到凍到黐肺! 係一個小便會瞬間結冰要用棍扑碎既溫度wor!!
當機立斷! 入canteen 將所有backup衣物著哂上身!
手襪兩對，頸巾兩條，加多一件heat-Tec，保暖頭巾戴上，羽絨拉上笠埋帽，再做返50下掌上壓先夠薑行出去!
首先上左「地蔵山頂駅」頂層既觀景台先~
此處有個打卡位叫做「戀人之聖地」，純粹有個墓碑寫住呢5隻字咁law，係呢個結哂冰積滿雪既地方度放舊咁既野幾有feel呀~
見唔見前面有個墓碑呢~ 見唔到? 我都見唔到呀!
呢個反諷真係一流~
我當年係住北京同德國時零下10度都係一件羽絨攪掂，你而家個表寫零下6度?? 你估下我信唔信你~~~~~~
我對上一次著而家呢個厚度既衫，係瑞典Kiruna係零下34度，我敢寫包單而家出面一定低過零下20度!
但痴線既係，仍然有日本女仔著短裙legging上嚟，簡直係將日本少女愛靚唔愛命既美學發揮到極致呀!
攪左咁耐，終於落返地面，去睇下我期待左十幾年既藏王樹冰既真面目了!!
ee…….點解…… 好似有d唔同咁ge……..
撞鬼你咩! 做乜棵棵樹冰都瘦到鄧兆尊咁ga!?
明明應該肥嘟嘟好可愛ga wor!!!!!!
後來睇返d介紹，好似因為近幾年樹木有寄生蟲令佢長唔大，樹葉無以前咁豐滿，d雪自然就因為無野撐開變到而家皮包骨啦
而就算d樹冰棵棵都骷髏骨咁都無所謂既，我反而想吐槽明明個個人上到嚟都係藍天白雲，影到d樹冰超勁可愛，點解係我咁黑仔個天灰過我個心，真係乜Q都影唔到咁滯呀……..
我跌左落雪窿度……
影唔到還影唔到，天氣唔好還天氣唔好，難得上到嚟都係玩得開心ge~
至少咁惡劣天氣既樹冰唔係咁常見到ga~ 妳估差天氣但又上到嚟係咁易ga?~
但真係好Q凍，凍到影一陣就要返入餐廳抖抖再出嚟
過冷河聽得多，過暖河都係第一次
除左上述既戀人聖地and樹冰外，話明「地蔵山頂駅」，當然要探下阿地蔵王菩薩啦~
我搵到佢時見佢得返個頭殼頂，仲心諗做咩咁慘邊個無錢起到你咁矮
後來睇返相先知你既真身係咁……… 聽聞話你有2.3m米ga wor……
3. 藏王樹冰夜點燈
每年約12月至2月，藏王樹冰某d日子會有夜點燈儀式，說穿了即係天黑驚無遊客於是開燈比你睇~
比較少網上資料講到既係，藏王樹冰夜點燈其實分成兩個部份
- 落返「樹氷高原駅」乘坐剷雪車到另一地點欣賞，收費不菲，但聽聞都值得一看
- 係返我現時身處的「地蔵山頂駅」磨爛蓆到天黑，不用另外比錢，但可以買杯熱朱古力飲住等
一睇就知我係揀第2個方案啦~
「地蔵山頂駅」的食事處根據經驗會關閉一段短時間，當時會有大量遊客離開，但唔使驚，你只要賴死唔走，到4點幾5點天黑後，佢又會開返ga la~
而呢個時候，隔住隻窗暖笠笠睇五光十色既樹冰就最一流ga la~
由於風雪關係，其實大部份時間窗外都係模糊不清，加上入黑後氣溫變得更絕望地凍，5分鐘左右眉毛都開始結霜了! 在室外根本不可能待超過10分鐘!
於是造成一個奇妙既循環 :
「風雪變弱 —> 大家衝呀! —> 出去影影影 —> 好x凍呀! —> 返入去取暖 —> 風雪又變弱啦! —> 大家衝呀!……」
而我係大約第3個循環後，唔知咩事癲左邊條筋，竟然再走上去「戀人之 墓地 聖地」，想係上方俯視夜樹冰會係點!
無錯，靚係好靚，但人地高處不勝寒，我而家係高處好x寒
樓下既暴風雪已經難頂，上到嚟上方空曠既觀景台更加有明日之後既感覺
直情係凍到令人有幻覺…… ee有條橋係前面ge?有個阿婆揸住碗湯wor………
喂再唔比隻馬我縮入去我死得ga啦…….
我就嚟同佢無咩分別ga la……
真係…… 好多年無試過咁凍了，幾乎比得上我係Helsinki差d凍死果次……
不過又咁，望到呢個世上難得一見既風景，總算值得ge~
Total係樹冰玩左近3-4小時，由天光灰矇矇到天黑colourful，乜都夠哂啦~
唔知將來仲有無機會再嚟，如果有的話，希望到時係見到厚厚可愛既樹冰啦~ 仲要藍天呀!!!!
回程時，晚上既樹冰高原站~
最後有注意事項~
- 建議大家要以洋蔥式著法，將有帶過嚟最強既保暖衣物著哂上身，特別雪帽、內膽褲and雪地手套為必需品，萬一真係唔記得帶，都有d機會係鎮內Lawson買到的
- 身上既金屬物品盡量唔好囉出去，特別貼肉果d可能會凍到黐肉，而我個腳架更加係凍到我戴住雪地手套都唔想囉住佢……
- 為免發生危險，千其唔好走太遠，真係會大風雪到迷路的
========================
請大家Follow我Instagram啦~
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
- 【泰國】【芭堤雅】誤入邪骨!? 芭堤雅色情行業真相!
- 【歐洲】人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
- 【台北】誤闖台灣三溫暖，內裡竟然係……嚇死人咩！
- 【格魯吉亞】最慘的4小時! 格魯吉亞地獄小巴之旅!
- 【波蘭】在納粹集中營，我竟聽到了……一世難忘的恐怖回憶!
- 【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)
=================================
相關篇章 :
仙台山形系列 ：
京都紅葉系列 ：
《1 – 京都紅葉隧道此生必去︱貴船神社、琉璃光院︱叡山電車紅葉路線介紹》
富士山登山全記錄：
日本溫泉及溫泉旅館介紹：
日本富山、石川、琵琶湖 :
日本和歌山、白浜 ：
東京、大阪、京都：
韓國濟州島 :
《Day2.1 – 東門市場的遺憾︱豬肉湯麵+海鮮飯卷推薦》
《Day2.2 – 龍頭岩海水汗蒸幕︱最強黑毛豬餐廳「石窟黑豚」》
《Day4.1 – 濟州島 9.81PARK 重力賽車公園》
《Day4.2 – 濟州島 Arte Museum 光影饗宴》
《Day4.3 – 濟州島春日咖啡廳BOMNAL︱涯月咖啡街》
================================
Email : funggarcia@gmail.com
www.facebook.com/Garcia.in.Germany
文章同時刊於以下平台，請各位多多支持呀!!!!!!!!!!!!!