去福岡玩唔食豚骨湯拉麵等於無嚟過!
雖然我唔係拉麵狂熱者，但總無理由空手出寶山ge~(wa呢個用詞好老餅呀!)
今次就食左兩間地道拉麵，分別係最受歡迎既名店「博多一雙」，和全福岡最平既「博多ラーメンはかたや 川端店」
同大家輕輕分享下呀~
========================
請大家Follow我Instagram啦~
=====================================
博多一雙
博多ラーメンはかたや川端店
1. 博多一雙
博多既拉麵店分分鐘多過香港既魚蛋檔，I mean真係賣魚蛋果d，如果叫本地人數Top3，不論點樣數，都一定會有「博多一雙」(博多一双) 呢個名!
佢有3間分店，每一間每一日每個時間排隊條龍都永遠長存，係Tabelog 評分中3間中最低都有3.56! (日本人話全日本食肆3.5分以上既只有3%)
其中「博多駅東本店」榮獲2023 西日本拉麵類百名店
我食果間係祇園店，係中州川端行去大約5分鐘
其實本身唔係想食佢，只係我老友推薦既鐵鍋餃子「東主有喜」摸門釘，轉個彎見佢難得只有4個人排隊咪衝過去law
人地話哂都係拉麵名店，我地竟然當佢Plan B……
呢度既入場規矩似乎係要入店內部機買左拉麵票先開始排隊
我岩岩去到唔知，仲同阿哥排住隊研究ing時，有個韓國仔好似好友善咁笑住同我地講ticket ticket，所以我地先知要先購票
但條友見我地無票立即夾硬zip zip zip入嚟搶左我個位
算唔算打尖就見人見智，但無禮貌就一定ge
韓國人，唔意外呀
入鋪無幾耐就上麵了~ 比大家睇下個樣先~
呢個「乜料都有麵」係店內最貴約1480yen，wa睇落好貴wor!
轉返做港紙約 $80啦，wa好x平呀!!!
湯底超極濃厚! 未去到「天下一品」果種岩漿feel，但應該係「液體湯」既極限~
麵質我要超硬覺得岩岩好，其他所有材料都一流，感覺上一碗已經包含哂九州豬骨湯拉麵既精髓!
至於餃子，我覺得係正常偏ok啦，重點都係碗麵je~
我亦都相信無乜人會覺得呢個麵唔好味，但如果要挑骨頭的話，就係太濃味了!
碗麵於味道上無乜轉折位 / 休息位，係咁既味就係咁既味until妳finish佢，於是食到尾就會出現膩、滯、悶既感覺
我亦只有落芝麻、山椒等嚟令佢好少少，但想要少少清爽味道既就難了
另外有人話店外聞落超臭豬臊味，但我個「只聞到臭，聞唔到香」既萬年長塞鼻一d反應都無，相信問題唔大，屋村樓下d街市臭d~
父母老人家覺得太濃味，我同阿哥就覺好唔錯~
===========================================
《博多一雙 祇園店》
- https://tabelog.com/fukuoka/A4001/A400101/40044110/
- 地址 : 福岡県福岡市博多区祇園町3-2
- 營業時間 : 11:00 – 00:00
===========================================
2. 博多ラーメンはかたや川端店
凌晨想食拉麵做宵夜? 呢間幫到你!
呢間「博多ラーメンはかたや 」係google map既中文名叫「24小時平價拉麵 博多屋」!
個名簡單暴力直接，將店舖所有賣點集於一身，我都考慮下搵日改名叫「鋒加西亞 – 長強勁威猛」先!
Anyway~
24小時唔係佢主力賣點，因為隔離鋪既「元祖ラーメン長浜家」星期六日都係開24
「博多ラーメンはかたや 」既重點係平! 好Q平! 平到講粗口咁濟!
一碗290yen! !!
15蚊港紙呀!!!!
當妳係香港街邊篤串無腦囉貨清水咖哩魚旦都要十幾蚊，呢度比妳既卻係日本正宗豬骨湯拉麵! 會唔會抵得太過份呀?
門口有英文menu，但我覺得日文易睇d
平野無好? Sorry呢條rule係此處並不適用!
湯底既濃厚與麵既質地一d都唔輸比任何一間九州拉麵店! 仲要食完唔口乾wor!
唔講你知，妳絕對會以為佢係一碗賣緊780yen既高質拉麵!
當然更加完勝香港9成既日式拉麵店啦!
怪不得凌晨2點仲不停有本地人衝入嚟食啦~
個樣都好吸引!
當然啦，要同上文既「博多一雙」果d名店唔可能相比，但無人叫你搵酒店盤菜同茶記盤菜比較ga~
比我揀，我可能會encore任何時間都食到、唔使排隊、價錢平幾倍既「博多ラーメンはかたや 」啦~
Btw炸雞係垃圾，可以不吃!
=================================
《博多ラーメンはかたや 川端店 》
- https://tabelog.com/fukuoka/A4001/A400102/40003251/ (Tabelog 3.43)
- 地址 : 福岡県福岡市博多区上川端町9-151
- 營業時間 : 24時間営業
=================================
其實我唔算拉麵控，食左兩餐已經好盡ga la~
至於其他拉麵店，我仲想試既有Shin Shin，聽聞係另一間九州Top 3
上文講過既另一宵夜拉麵名店「元祖ラーメン長浜家」，我因為旅程尾段病到9彩無食到，父母就話其豬臊味超勁，我娘親直情話一啖都食唔到，不過係日本生活過既阿哥就話無野
一蘭就算吧啦六師弟
聽聞屋台果邊都有大量一流拉麵店，又要留返下次了~
好啦今回到呢度，下回介紹其他九州食過好味既食肆~
========================
請大家Follow我Instagram啦~
=====================================
我既Youtube Channel已經開通啦!!!!
快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~
鋒加西亞/旅人瘋語 Youtube Channel
主要影片 ：
- 【泰國】【芭堤雅】誤入邪骨!? 芭堤雅色情行業真相!
- 【歐洲】人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
- 【台北】誤闖台灣三溫暖，內裡竟然係……嚇死人咩！
- 【格魯吉亞】最慘的4小時! 格魯吉亞地獄小巴之旅!
- 【波蘭】在納粹集中營，我竟聽到了……一世難忘的恐怖回憶!
- 【台灣】我在台北拾屍的經驗︱美女強吻? 艷福無邊? 浪漫奇遇?
=================================
相關篇章 :
九州自駕遊系列 ：
《Day0.1 – 日本自駕遊初體驗(上篇)︱初心者租車攻略》
《Day0.2 – 日本自駕遊初體驗(下篇)︱準備清單與第一次自駕心得》
《Day1.2 – 福岡糸島打卡精選︱海邊韆鞦、夏威夷風海灘、夫婦岩鳥居、爆蛋三文治》
仙台山形系列 ：
京都紅葉系列 ：
《1 – 京都紅葉隧道此生必去︱貴船神社、琉璃光院︱叡山電車紅葉路線介紹》
富士山登山全記錄：
日本溫泉及溫泉旅館介紹：
日本富山、石川、琵琶湖 :
日本和歌山、白浜 ：
東京、大阪、京都：
韓國濟州島 :
《Day2.1 – 東門市場的遺憾︱豬肉湯麵+海鮮飯卷推薦》
《Day2.2 – 龍頭岩海水汗蒸幕︱最強黑毛豬餐廳「石窟黑豚」》
《Day4.1 – 濟州島 9.81PARK 重力賽車公園》
《Day4.2 – 濟州島 Arte Museum 光影饗宴》
《Day4.3 – 濟州島春日咖啡廳BOMNAL︱涯月咖啡街》
================================
Email : funggarcia@gmail.com
www.facebook.com/Garcia.in.Germany
文章同時刊於以下平台，請各位多多支持呀!!!!!!!!!!!!!