行程lai到第9日，今日開始係日本既春假start兼星期六，正如我Day7.3所講好既住宿全天候full哂
大阪住唔到，唯有遠走他方，去京都落腳啦~~~
第2次來京都，搵d未去過既地方望下啦~~~
其實我都只係去過清水寺only，跟本就大把野未行過，京都又出名多野睇唔知點揀………
聽聞阿金角大王同銀角大王好出名ga wor，就你地啦!
係河原町高島屋外西行方向，坐12 or 205號巴士(其實仲有好多唔同巴士都ok)大約45分鐘左右(未計塞車)就到達第一站金閣寺了
(原來都真係幾多人)
(大鄉里之張入場卷係—–應該叫做符(?)既野幾有趣)
有之前Day2係伊勢神宮既經驗，根本唔需要搵路認路，跟住人群同普通話聲，好易就嚟到金閣寺前了~
成日都見d學生作文「這個宴會廳打造得金碧輝煌」or 「我家養了很多條金碧輝煌的金魚」等等，但只有呢間金閣寺就先真真正正完全fit哂呢個形容詞
成間寺廟外層全為黃金色——-其實只係表面貼金泊je，如果全間都係24k應該唔會生存多過24小時，我諗呢個都係點解佢要起係湖中間同遠遠隔開d旅客既原因
而有趣的係，佢完全沒有那種黃金俗氣，反而顯得高貴而華麗，甚至莊嚴
對於建築設計我真係識條鐵咩，但我估係因為加左木色掛
真係忍唔住諗，style呢家野日本真係無得輸! 如果係國內要起一座通體金色既寺廟，一定會好似人造人19號著黃金聖衣 —– 俗到無眼睇ar…….
金閣寺其他地方就無咩好特別，行個圈就可以走人了~
而留意如果好似我咁去完金閣要搵銀角又走左門口59 or 203車ge，要走去坐102 or 204的話車站係要行落斜坡到大馬路的，仲要留意清楚巴士時間呢
話咁快巴士去到原名係慈照寺既銀閣寺，寺前參道比金閣寺有意境，感覺上花開時會好有feel呢
入到去，基本上銀閣寺係一座弱化版兼無油顏色既金閣寺，如果唔講，你真係會以為佢係山邊求其一間up dup hea屋
白痴如我，開頭真係以為銀閣寺係全間銀色ga…………..其實有傳聞話起屋時真係打算貼銀泊的，只係政府唔夠錢only…..
雖然係全木建築，但山不在高有仙則靈，佢係日本既地位都真係非常崇高，係國寶之餘仲已登錄左做世界文化遺產
儘管好多人包括我阿哥都話銀閣寺有d悶無野玩，但我就覺得個庭園真係幾唔錯~而且比金閣寺親切入世~當然啦，可能同我去到時突然天氣轉晴都有關係~
銀閣寺其餘的庭園範圍比較接近我地認知的日式庭園風格，樸素恬靜，是閑適的~
離開銀閣寺，參道上的綠茶泡芺同炭燒飯團非常好味!
泡芺綠茶餡香濃幼滑份量超足!
炭燒飯團則外脆內軟，醬油微微點綴著濃濃飯香!你會驚訝米飯原來可以咁好食! 我以後會將「一舊飯」視為讚美ga la!!!!
總之絕對值得一試!!
事後，我發現去哂金閣寺同銀閣寺係一非常on居既事!
因為將京都河原町站當一個正方形中心嚟計，我係先去左最左上角，之後再去最右上角，係京都咁簡單兼勁塞車既道路嚟講真係好浪費時間……
如果之後再去清水寺就更加on居，因為係向最右下角進發……….
不過，on居事同我一向都係好夾…………無錯，下一回講既係京都必去，年終一百幾廿萬香港人去過網上資料多到爛既清水寺
只係，多多少少都有d特別野要講的~
下回見~
================
My Facebook Page : www.facebook.com/Garcia.in.Germany
Utravel Blog : http://blog.ulifestyle.com.hk/blogger/aeolusgarcia/
Instagram : https://www.instagram.com/fung_garcia/
DCFever – Fever Travel : http://www.dcfever.com/travel/utravelogue.php?id=799202
Email : funggarcia@gmail.com
請各位繼續多多支持呀!!!!!!!!!!!!!!!