個題目同內文係一d關係都無ge! 我只係想將3個差唔多樣唔查字典都好難分既雞腸堆埋一齊je~
離開Zadar來到下一站，著名港口古城Split~
嚟左幾日，已經開始對慣左d亞德里亞海既藍色港口，不過so far呢個係克羅地亞最商業同最多遊客既海岸，亦都係最無咩特別既海邊，仲有d電油味tim
Split古城細過太古城，係我搵今晚間Hostel期間已經行左約70℅
城內彎角小巷縱橫交錯，左一圈右一柺，都能感受到古樸歲月的傷痕
而此地亦非常之有意大利and希臘風情，雖然我到而家都未去過呢兩處～～～
咩je~~~我未親眼見過森美同Otto都可以肯定兩個人似樣啦～
Anyway如果想認真探索研究下呢個古城，建議最好都係join d local tour可以聽多d歷史資料故事
不過我認我唔認真～
嚟到今晚要借叔一宵的中古年紀伯伯既hostel
此處完美地演繹左何謂“照片的理想與現實”!
地方殘破古舊污糟？ 唔緊要～
伯伯黑口黑面串串共？ 唔緊要～
無遊玩資訊及餐廳建議？ 唔緊要～
下午2-5時因為要清潔so踢哂所有住客出街？ 唔緊要～
廚房9點後唔用得？ 唔緊要～
夜晚熱辣辣有冷氣唔開？ 唔緊要～
無Wifi？我x你阿x個氹氹框呀!!!!!!!!!!!!!!
你叫我點上網book住宿check交通plan行程傾whatsapp呀!!!!!!!!？？
旅行左10個月，我真係從來未見過一間過90℅好評既hostel會差成咁!
好彩都係住一晚je!(而我已經再搵唔返佢係hostelworld.com出現既痕跡，可能已被消滅!)
但就要我花一整個下晝坐係碼頭廣場用free WiFi plan行程啦………..
(以後都唔會嚟!!!!)
(就係呢度對住個海上網，個public WiFi又算幾快下wor~)
夜晚9點係智利大戰西班牙! 當然係搵間餐廳邊食邊飲邊睇西班牙比人虐待啦～（其實我上屆仲係撐西班牙的，但今年真係……..）
無意中既選擇，竟然嚟到一間平靚正高性價比既平民餐廳Buffet Fife～
兩條即燒魚加side dish都唔使一百蚊港幣!
我聽返其他遊客人講this restaurant係一眾遊客同當地人既必然首選!道理就好似炒蛋一定係澳牛，叉燒一定係再興，壽司一定係明將一樣!所以我先咁慶hostel個阿伯唔講有呢間店!
不過都因為無意中既選擇，我點左薯仔麵粉團做side dish…….
淡茂茂又dry…….同燒魚真係史上最唔夾既配搭…….
食飯睇波期間，旁邊半醉既當地漁夫老兄不停同我暢談天下事～
我地由西班牙既攻防弱點，智利雙煞森莫蘭奴沙拉斯十幾年前既雄姿，到卡斯拿斯既高堂…….再傾到克羅地亞同波斯尼亞戰爭本是同根生既悲痛，再到克羅地亞本地既電視電影新聞報導及美女不等～
當然一睇呢d話題就知說話比例係佢8我2啦!
中途仲不停比佢串我”Remember!…….Don’t drink beer when you eat fish!”
haha ok~I keep it in mind~And thanks佢不停請我飲既白酒呢!
Really nice talk既dinner!
時近12，終於到今晚既重頭戲 ——– 克羅地亞大戰喀麥隆!!!
可以係比賽國家當地睇世界杯呀!!!!!!氣氛一定正爆je!!!!
Split呢度於海邊碼頭築起超巨大屏幕轉播!所有人免費入場～世界杯免費根本就絕對應該啦!!
至於場波，不負眾望克記大勝4:0!每入一球波群眾都好似發哂癲咁燒煙花狂歡!!
crazy得嚟又好熱鬧呀!!!!!當然啦第4球時已經有d靜局，乜煙花同驚喜都燒盡哂啦～「哦，yeah，又入波wor」
不過去外國既真係要睇一睇大型運動比賽!包你話正!
係餐廳時已經比我撞見返尋日係Zadar識既韓國朋友Kyoung去一齊睇波!~
更過份既係中場休息時再撞見都係Zadar識既香港朋友Katis tim! 係克羅地亞識到朋友既，真係超易再撞見呀!!!
仲有件事，就係半場休息時我地比群西班牙青年人襲擊!!!!
我比個美女強吻ar!!!!!!!!!!!!!!
嗚嗚嗚嗚……………..枉我守身如玉左咁耐……….千年道行一朝喪ar…………..
(睇下我幾有戒心彈得幾遠!)
(Kyoung and her 韓國fd~我完全唔記得佢叫咩名!)
初次係Split停留左一日一夜，幾日後因路程關係再回來住多一晚，話哂呢處係克羅地亞中部交通樞紐呀
再嚟時都係覺此地無甚特別，之不過住宿換左做hostel “Apinelo”，感覺好多了!
仲比個reception美少女電襯，好似重拾左初戀既感覺～
我知大家都會問d咩～不過我都係果個答案 : 無相呀!
(返嚟時見到有男高音表演, not bad~)
首次嚟到Split當日係6月18日，距離回港岩岩仲有一個月，開始有d不捨了………
盡量享受啦～收拾心情，聽日繼續探索克羅地亞～
===================================
=====================================
請大家有興趣既去follow下我IG啦~
================================
我既Youtube Channel正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
=================================
- Email : funggarcia@gmail.com
- www.facebook.com/Garcia.in.Germany
文章同時刊於以下平台，請各位多多支持呀!!!!!!!!!!!!!