丹麥首都哥本哈根Copenhagen，傳聞是一個與鄰國瑞典首都斯德哥爾摩齊名的城市，經常互相比較
除左同是北歐大國外，兩者都係傍海而建，又為設計名城，而我自1月去完Stockholm後一直都覺佢係世界上其中一個最美的都市，所以多多少少都對Copenhagen有d期望
（德國working holiday第五十一章 : 風雪中斯德爾摩任我行）
可惜既係剛到達時是係有少少失望的!
首先街道唔夠乾淨………….ok係我要求高je!唔似Stockholm同Helsinki但比柏林好啦!
另外可能住係酒吧街一帶比較嘈同多癲佬，同我見開既北歐感覺截然不同，比我就覺得似德國多啦
第二日遊覽市內，感覺好返d~有幾個地方的確係幾靚!
personal飛佛係著名既Nyhavn，街道兩邊色彩艷麗的房屋，中間貫穿的河道碼頭泊滿各色各樣玩代至仿古的帆船，本身就極為漂亮!
適逢國慶日，街道上人群穿梭，或於酒吧餐廳外邊享受陽光邊飲冰凍啤酒，更有live於船上rock and roll，熱鬧非常!
而我都忍唔住，買左杯著名既雪糕坐係河邊碼頭同陽光玩遊戲!
呢杯雪糕我諗十個嚟Nyhavn有9個都會買，大球，多款，味道好就一定ga la~而重點係個雪糕筒係店家即場手造的!
只見個阿叔倒粉漿，烘熟，一摺，一卷，風乾，咁就攪掂!再望望旁邊的厚窩夫………..oh no大鄉里既我而家先知雪糕筒係等於脆薄窩夫!!!!!!
味道當然完全不一樣啦，我從來無諗過用好味嚟形容雪糕筒law!
另外仲有幾種cream做topping任君選擇～所以儘管約$50兩球雪糕貴到傻都仍然排哂長龍!
我選擇左朱古力威化餅同咖啡味，一球沙煲拳頭咁大!至於味道————老實講我唔太清楚………….
乜料!？？？？？？？？？？？
唉一坐低食時旁邊一對瑞典情侶就好熱情咁同我勁傾偈……..傾得非常開心ge!但就係傾得太開心邊傾邊食，食左都唔知咩味………
於是我過兩日又食多轉!不過今次係食軟雪糕雪糕雪糕+朱古力粉topping~
好味!!!!!但好似香港雪糕車再好d……
另外重要景點有星形既要塞Kastellet同佢外面既丹麥地標美人魚像~
不過老實講兩者都似係歷史價值多d，個人覺得唔太特別
個美人魚仲有咁多人摸佢個胸，唔覺核突ga咩？？
另外哥本哈根市內有個叫“Christianhavn”既私人國家
由於係維爾紐斯已經去過Užupis ，所以都見怪不怪了
不過唔同既係， Užupis 係玩野惡攪居多，Christianhavn卻係有不法分子做非法勾檔的九反地帶（hostel職員講的）
國家內唔比影相，實際上都無咩特別好影，國內係非常唔北歐既墨西哥感覺……….唯一鍾意佢個beach，好過癮!
至於市內其他建築景點等，唔詳述啦，懶下post相算lu~
基本上要兩三日遊哂哥本哈根係唔可能既事，因為太多野睇啦，加上天雨關係我係錯過左之前多位網友推薦的Ørestad ，仲有唔少地方都無仔細行
但總結呢個丹麥9日行程嚟講，哥本哈根卻是最沒驚喜的一個地方，更別說比較斯德哥爾摩了，不過這個到處都是船隻同碼頭既城市都算幾靚ge
好!下一站係一半以上香港人去過既世界名都———-英國倫敦!
===================================
IG果邊間中會有d和Blog及fb page不一樣的相片和story，大家有興趣既去follow下支持下啦~
Instagram : https://www.instagram.com/fung_garcia_backpacker/
==============================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
=================================
Email : funggarcia@gmail.com
Facebook Page : www.facebook.com/Garcia.in.Germany
文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!!