成行啦!!!!!!!!!!
當初我知可以lai沙漠，就一直搵緊有無tour係for沙漠露營過夜睇星，好似文字中的浪人一樣感受波斯世界~就算一個人都必定非常浪漫~
最終係tripadvisor forum上有人覆我佢地做到，就係我住既呢間Chapaker Guest House啦~
不過能否成功過夜好視乎天氣，前一回《伊朗獨行6th – 沙漠小鎮抖一陣》出現的白頭佬都話佢lai咁多次Varzaneh一次都未成功過! 黑大叔讀大學英文系既兒子都一直話今晚大風有機會唔得
點知到6點時突然一句「ok啦快d起行!」就5分鐘之內極速出發!!!幾乎野都未執得切!!
睇lai我既黑氣終於係伊斯法罕耗盡了!!!!!!!
Come on baby!!!沙漠之夜空~~~我lai啦!!!!!!!!!!
少年，你太天真了，地獄黑仔王之名邊有咁容易甩得身呢
就係藍天白雲下出車向Varzaneh沙漠前進10分鐘後———-
兒子 :「前面有沙塵暴wor」
再10分鐘後—————
兒子 :「前面有大暴雨wor」
同行既兩名法國仔不禁自娛 :「沙灘咁難得落雨都比我地撞到，有運行呀!」我心諗你地係同我一齊搭左沉船je………
兒子 :「而家無辦法去到露營ga! 我地附近有另一間屋，去果度避一避食左野先，夜d睇情況再算啦!」
於是就去左黑大叔呢間位於沙漠邊陲，建設中的破屋了
一落車就已經有凜冽大寒風同一堆狗屎劈緊過lai………………..
好彩唔係落左好耐雨，10分鐘左右雨雲已走，襯黑大叔起爐做飯時我地四個後生仔(無錯，我都係後生仔)出外面行下，但天氣已明顯由中午既30幾度急降到10度左右，唔著保暖內膽真係出唔到去
返到lai見黑大叔既整好架部——-wei估唔到係鐵支大串燒雞wor!!
大叔話原本應該要係沙漠中央圍住營火食燒雞的，但而家無辦法只好將就d
arrrrrrrrrrr如果成事既話一定極好feel呢………………..
不過而家都唔錯了，特別係新鮮雞用番紅花及其他香料醃過，炭火燒烤後又香又嫩，正到暈兼風味十足呀!!!!!
(第一次食新鮮蠶豆，好似支豆~天寒地凍時熱辣辣咁食真係好正!)
應該係兩個法國仔d正能量太強~食完飯hea多陣到9點左右，天氣竟然迅速轉好!
氣溫雖然仍不斷下降，但已經無咁大風，兒子仲話天文台講今晚天氣好，即係話我地可以出發去沙漠露營啦!!!!!!!!yeah!!!!!!!!!!!!!!
出車大約15分鐘後………..ee呢度咪我下晝滑沙自拍果個「開發中的沙漠的樂園」?
原來樂園深處有一個被沙丘環繞既盤地，而varzaneh沙漠出名沙丘地形唔會大變，所以盤地可以擋擋風非常適合露營!
唔知係咪岩岩既沙塵暴+天雨趕走左其他遊客，維園咁大既沙漠盤地只係得我地5人一車，烏雲閉月，四周完全漆黑一片，天寒地凍，名乎其實走進左黑暗世界!
有一剎那都驚驚地ge，wei要係個唔知幾時會標隻異形出lai既地方過一晚wor……仲有遇到伊朗鬼魂既話點算……波斯語「疾疾護法現身」點講ga……..
Hey唔好理! 幫手紮營先啦~~~
雖然黑大叔及兒子有我地3個幫手，但起呢兩個營都花左近半個鐘!
最重點係天氣越來越凍令大家手腳開始變慢…………..ee眼前突然咁多塵ge?
痴線沙漠落雪ar!!!!!!!!!
未到有積雪既程度，但已經夠我地受啦! 我將head-tech內膽+頸巾都幾乎頂唔順，要到黑大叔起左營火先舒服d~
其實火呢樣野真係好神奇，可以好恐怖，但又可以好溫暖，亦好似Bear Grylls咁講 —– 火能令在荒野中的你鎮定下來
的確，一起左個camp fire，我地就圍住個火全身唔郁眼look look，定得非常緊要!
好~~~~~~~~~~~~~暖~~~~~~~~~~~~~~~~~~呀~~~~~~~~~~~~~~~~~~~~~~~~~~~~~~
黑大叔與兒子離開後，就只係得返我同兩個法國仔total 3條佬
係呢個深刻無人的荒漠上，除左圍住個camp fire 「超人迪加」同「程discount」之外有d咩做呢?
呢度有天為被，地為蓆，四周黑媽媽又氣氛浪漫，寧靜到嗌破喉嚨都無人理你，咁就梗係………hehehe…………梗係坐係度飲茶吹水啦!~
雖未算傾得不亦樂乎，但大家總是言談甚歡~就只係咁無其他野做啦~
好悶好齋? 我又唔覺wor~
其實只要將視覺擴大 ——– 係一個漆黑的沙漠谷中，獨有一團小小的橙黃亮光，帳篷之旁，有3個不同國籍的年輕英俊青年人在圍爐談笑，於細雪中喝著的微燙的伊朗紅茶，享受著溫暖的盈盈火光，就會覺得係一件無比閑適寫意，充滿旅人浪漫的逍遙樂事~
最後我們乾脆不說話，就這樣眼看火燄閃爍，耳聽木裂霹啪，靜靜的渡過這晚……..
咁當然唔係坐一晚啦，我連企一晚都無試過ar!
黑大叔既露營帳篷內籠物資齊備，枕頭+厚地蓆上再鋪以冬天用的波斯厚毛地氈，再加上大棉被，仲怕我地凍而放定厚毛氈，非常細心~
不過even我蓋哂上面果堆野，腳板仍會凍到間中醒一醒……..可以係我個人問題je，因為隔離帳篷法國仔s已經呼呼大睡
睡不到，出去解個手
洗手間係邊? 係沙漠Washroom is everywhere la~
行遠幾步後，突然發現四周有d唔同————抬頭一看，風已停，天已清，滿天都是燦爛閃亮的星光，幾乎連銀河都清晰可見
由沙塵暴—>大雨—>刮大風—>落雪，到而家終於都雲破星現，短短一晚天氣先生就「啊~呀~唉~」左咁多次，佢真係OT到要講「你班友比我抖下得唔得?」
在如此醉人的星光下小個靚便，不得不話真係一種享受~
咁去洗手間無理由帶相機ga~所以，無相~
第二朝早5點半我就爬左起身~
身體係棉被以外的地方凍到痴孖筋，摸一摸電話，凍到好似冰一樣，根據小弟經驗起碼零下4、5度，連忙著返哂衫爬出帳外，個天已經魚肚白了~
沙漠過夜既壓軸好戲，當然係睇日出啦~~
呢個沙丘山谷斜率高兼且鬆軟，要爬上去實在非常非常廢力，但一覽眾山小，上到lai既景色卻又非同凡響wor!
好似係成年之後，even旅行左咁多地方，我仍然係一次都未睇過日出(詳見《香港膠遊001 – 我得罪了日出之神》)
最主要原因係就算起到身，都無遇上好天氣既運氣
而今次———-準時6點半出現了!!!!!!!!!
讓戀愛終結都係咁話ga la (反正都無) —————好大個咸蛋黃呀!!!!!!!!!!!!!
日落睇得多，連消失係水平線的完美日落都見過，但調返轉升上lai都真係第一次!
睇住太陽慢慢係山狹間露出半個……….身影，至第一束光線直射出來，真係好真切感受到生命又有一個新的開始，所有既不安煩惱事都可以全部掃走
與其話日出係一種驚嘆之美，倒不如話係一種超高效的精神治癒
Um，好似又有返力氣繼續餘下的旅程了!
7點半左右黑大叔就來接我地走人了~(天氣都變熱了~)
總結Day5呢一日一夜沙漠trip~
滑沙、鹽湖、BBQ、露營、Campfire、睇日出，儘管成身都係汗同沙，但真係好好玩好Perfect!! 不枉我期待左咁耐~
咁究竟呢個「沙漠露營過夜tour」幾多錢呢???????????????
老實講，我唔知道…………………
因為黑大叔將我呢三日兩夜係guesthouse既消費—–兩晚住宿、早餐、晚餐、上述tour內所有item，加埋車我離開Varzaneh既交通費，通通大雜燴炒埋一碟!
3,000,000 rial = around $720港幣
我真心覺得唔貴wor!
如果大家有興趣ge，可以直接email比呢間Guest House的!
係時候離開Varzaneh啦~
呢兩日黑大叔儘管唔識英文，但仍然極力招待我地，最後仲幫我地截埋VIP Buszb2真係超級感謝佢~
而且神奇地，最後一日我地竟然開始溝通到!??? 證明左男人之間係唔需要語言就能心照的!
再見啦大叔!!!~~~~~
向下一站出發lu~~~~~~~~~~~~~~~
=================================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
岩岩開始，完全未有人睇呀~
=================================
IG果邊間中會有d和Blog及fb page不一樣的相片和story，大家有興趣既去follow下支持下啦~
Instagram : https://www.instagram.com/fung_garcia_backpacker/
Email : funggarcia@gmail.com
My Facebook Page : www.facebook.com/Garcia.in.Germany
Medium : https://medium.com/@funggarcia
另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!!