上次講大屋，今次講建築~
如果要我揀一個卡尚最靚既地方，我一定亳不猶豫選擇老巴剎深處庭院的穹頂!(Old Bazaar，即舊市場)
穹頂，簡單講即係屋企個天花板，香港我諗99%屋企除左吊燈同四腳蛇唔會有其他野，係中國最多有條橫樑比d君子坐下，西方咪畫幾幅衰鬼上帝普羅米修斯~
但係中東ar伊斯蘭ar，總之果種好沙漠feel既國家，佢地會將重要建築物頂部建造成中空圓形雪榚，附以內嵌魚鱗式花紋或拼貼圖案，再八爪魚式籠罩而下。
抬頭仰望，每一個都能瞬間拉妳跳進萬花筒，睇到唔捨得走!
係伊朗呢一星期，真係每個屋頂都影到妳手軟ga!
上一篇大家應該都睇過一部份，但老巴剎深處庭院呢個穹頂唔單止顏色完美配搭，最重要係帶出一重古樸氣氛，令妳覺得眼前唔止係一個天花板，更加係一個舊既天花板! 係一種歷史之美
講左咁耐，其實我都唔知呢d乜鬼形容lai ge~總之我就覺得好靚啦!!!!!!!!!
咁岩我去到時係朝早8點幾乜人都無，唔無限自拍自high都對唔住自己啦~
至於市場其他地方店舖可以睇到當地人生活，呢d基本功唔使多介紹啦~
我最有興趣反而係香料鋪! 好想逐隻逐隻試哂佢咩味! 再買哂返屋企整伊朗九大簋!
忍手呀!!!!!!!頭幾日ja!!!!!!唔好加重個背囊呀死仔!!!!!!!
(伊朗人真係好鐘意食甜野，仲要係甜到食一舊即刻驚有糖尿果隻)
Agha Bozorg Mosque都係非常值得一到既景點，呢個亦係我到Kashan後第一個行既景點，因為係hostel對面過馬路就係
亦因為呢一個景點，即刻就令我愛上伊朗!
有幾咁奇，因一首歌而愛上一歌手的大有人在~例如話Juno當年既出道作「愛上殺手」!一發行即刻………ee我好似用錯左反向例子wor……
Anyway 1st impression係好緊要ga!!!同埋Juno而家d歌堅係正ga!
呢座據聞已經無人來拜神既清真寺建於18世紀，係伊斯蘭世界唔知幾多大既重要建築，採用波斯傳統的完全對稱設計，感覺就好似一座沙漠宮殿一樣，非常宏偉!
妳話呢度突然間標個阿拉丁與四十大盜出lai我真唔會覺得出奇!
……………….等等先……………………..阿拉丁同阿里爸爸好似係唔同人lai………
Hey算啦大家都係姓阿，不用分得那麼細~
傳聞呢度既夜景都非常靚，可惜我係hostel食完飯想出去時比張床吸住左，眨一眨眼——-ee凌晨3點啦????
Kashan仲有一個名列世界文化遺產之一既Fin Garden，但見得多就會知，所謂的世界文化遺產真係可以好xx產的
Fin Garden又未到咁衰既地步，至少d樹同貫穿整個花園的水池真係好靚~
但中軸線左右對稱格局已經見得有d多，可能作為第一個景點lai呢處感覺會唔同d~
唔差的!但呢處要特登坐車過lai，個人建議真係好有空餘時間的話先好來
Fin Garden外大街兩旁都係食肆，風味似乎不錯~但Lonely Planet特別講左句「衛生方面不能保證」……..
小弟一向係玻璃面具個friend玻璃腸胃，唔想第一日就做個抱住馬桶既backpacker ar…….
一般遊客係卡尚會去既地方都差不多了~
我始終只係stay左係度一日一夜only未能深入了解，個介紹又有d hea，但我想講呢度真係一個好靚好令人surpirse既地方! 非常非常值得用一、兩日lai慢慢感受古波斯風情!~朋友更加話呢度係佢既伊朗最愛呢!
好~下回向最出名既旅遊城市伊斯法罕進發!
=================================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
岩岩開始，完全未有人睇呀~
=================================
IG果邊間中會有d和Blog及fb page不一樣的相片和story，大家有興趣既去follow下支持下啦~
Instagram : https://www.instagram.com/fung_garcia_backpacker/
Email : funggarcia@gmail.com
My Facebook Page : www.facebook.com/Garcia.in.Germany
Medium : https://medium.com/@funggarcia
另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!!